Bagoaz Espainiatik

Abenduaren 6an manifestazioa deitu du Ernai Gaztek Durangon. Konstituzio egunean Espainiaren izaera “zapaltzailea” salatu eta bertatik “badoazela” aldarrikatuko dute. Espainiak lotzen ditu; mugetan, historian, patriarkatuan, kapitalismoan zein prekarietatean, eta horrekin haustera doaz.

Tuterako Osborne zezena botatzeak irekitako arrakala zabaltzen jarraitu nahi dute urriaren 12ko jai egun arrotzaren harira: “Estatu espainiarreko sistema osatzen duten egitura eta engranaje guztiak herdoilduta daude, ustelak”.

“Gazte bezala, euskal herritar bezala, emakume bezala, langile bezala zapaltzen gaituztenei hortzak erakustera goaz”, esan dute. Argi utzi nahi dute norbera dela bere bizitzaren eta gorputzaren jabe, eta ez dutela onartuko estatu espainiarrak eskua hartzerik.

Apurketa hori egunerokotasunean praktikan jartzera ere deitu dute: “Hamaika ikur eta sinbolok ordezkatzen dute pairatzen dugun zapalkuntza, eta gauza txikiak diruditen arren, ezinbestekoak dira sistema eta identitate inposatuak iraunarazteko”.

Bagoaz Espainiatik