Zer pentsatua ematen gaur El Mundon argitara atera den berriak. Zer pentsatua ematen dute Basagoitiren irtenaldiek (hemen gehiago), Mayor Orejaren beldurrek eta Rubalcabaren adierazpen kafeinagabeek. Beldurra nagusi da alderdi kostituzionalistengan? 

Badator aldi berria.

Ildo horretatik doaz Jesus Mari Larrazabalen (EA) azken adierazpenak. Baita Batasunaren Altsasuko adierazpena. Azken urteetan bizitakoak badirudi piztu duela abertzalegoa, edo behintzat bonbilla bat abertzalegoaren kontzientzian. Batu eta, estrategia berriez, etapa berri bat sortzeko garaia dela barneratu baitute ezker abertzalean.

Aldi berri hori posibleago egin zuen Bruselako bitartekari ezagunen adierazpenak eta Batasunak ETAri eta Espainiar Estatuari egindako eskaerak. Badator aldi hori eta arduraz jokatzen jakin beharko da, izan ere, esaera zaharrak dioen moduan: Ardi galdua atzeman daiteke, aldi galdua berriz ez.