Postre gogoz gabiltza eta gaurkoan bereziki gustokoa dugun Amonaren ijito besoa RZ dakarkizugu, gozamen eta plazer une txiki batek asko ematen baitio gorputz eta arimaren plazer nahi eta behar tentakorrari brazojitanuak… Denak txundituta uzteko primerako errezeta, ama eta izebari bereziki gustatuko zaie bisitan datozenerako, ligatzeko ere bai agian… Segi gozo, segi fin eta on egin! 🙂

…

Osagaiak

• (4 arraultza)
• 4 gorringo
• 4 zuringo
• 4 koilarakada azukre
• 4 koilarakada irin
• azukrea
• glas azukrea

Errezeta

1. Prestatu bizkotxoa elur-puntura eramandako 4 zuringorekin eta 4 koilarakada azukrerekin.
2. Gehitu 4 gorringoak eta bahetutako 4 koilarakada irin.
3. Estali labeko bandeja laberako paperarekin, eta jarri krema.
4. Sartu labean eta utzi bertan 11-12 minutuz.
5. Ateratakoan jarri azukrearekin hautseztatutako ezpainzapi batean, zabaldu pastel-krema eta biribildu.

…

Kasu!

• Hozten denean hautseztatu glas azukrearekin eta egin apainduraren bat suhatz bero batzuekin.
• Ipar Euskal Herria eta Frantzian ijito besoari  ‘opil-kiribildua’ (gâteau roulé) esaten diote.
• eu.wikipedia.org/Ijito-besoa

Amonaren etxeko neurriak

• Kafe koilarakada bat 5 gr.
• Postre koilarakada bat 10 gr.
• Zopa-ontzi koilarakada 15 gr.
• Kafe kikara bat 100 gr.
• Katilukada bat, 250 gr.
• 20 gr gurin, pospolo kaxa baten baliokidea da.
• 100 gr gazta, tabako kaxatxo baten baliokidea da.
• Tomate estandar batek 100 gr. inguru pisatzen ditu.
• Tamaina estandarreko 4 patatak 500 gr. inguru pisatzen dute.
• Laranja estandar batek 200 gr pisatzen ditu.
• Behatz loditik hatz erakusleraino iristen den azenario batek 50 gr. inguru dauzka.
• Lekale eskukada batean 20-30 gr bitarte daude.
• 100 gr irin 5 koilarakada dira.
• kg 1 ogi 3 ogi handi dira.

…

Akaso!

Amonaren Ijito besoa

Errezeta gehiago …

Asteburu honetan: Amonaren pastel krema

…