Photoshop hedabideetan

Aurten kaleratutako txosten batean Oxfordeko Unibertsitateak zioen estatu espainiarreko hedabideak zirela sinesgarritasun gutxiena zeukatenak Europan kontsultatutako hamaika estatuetatik. Mundu mailan AEB, Erresuma Batua, Alemania, frantziar estatua, Italia, Irlanda, Dinamarka, Finlandia, Brasil, Japon eta Australia bezalako lurraldeak aztertu dira.

Bertan esaten denaren arabera espainiarren %34ak hedabideek zabaltzen dituzten albiste gehienak sinesten dituzte, eta orokorrean konfidantza oso eskasa da. Hala ere, horrek ez dirudi aparteko erreakzio edo eraginik sortzen duenik espainiar jendartean.

Manipulazioaren atal esanguratsua da argazkiena, eta egunkari espainiarrek photoshopa primeran maneiatzen dutenik ezin uka, kasik malezia bezain ongi. Atzo bertan sorta on bat agertu zitzaidan sarean, eta hona dakarkizuet; batzuekin oroituko zarete agian, beste batzuk ez zenituzten ezagutuko akaso.