Beno ba, duela lau urte idatzi nuen poema batekin uzten zaituztet oraingo honetan. Gernikako institutuak antolatutako literatur lehiaketa batetan 3. postuan gelditu nintzen poesia arloan poema honekin. Ea gustuko duzuen!! On egin!!

 

GaLdErA gAbekO eRaNtZuNaK

 Opariak, opari galduak,

hitz politekin batera,

 bihotzean orratzak,

 buruan haize hotza

 eta zulo beltzak,

 zulo beltzetan

 momentu onak,

 galdera gabeko erantzunak.

 

 Mundurik ilunenean,

bakardade latzenean,

 isiltasunaren ohiartzunekin

 zoratzen, etxean

 bakarrik solasean,

 galderak aurkitzen

 erantzunei, erantzunik

 gabeko galderak sortuz.

 

 Desoreka, zuloak edonon,

 erantzun horien

 zergatia, zein ote?

 Ez dakit, ez daki…

 ba al dakizu?

 Zulo beltzetan oihu egizu,

eztarria urratu

 isiltasunaren oihartzuna

 entzun arte.

 

 Hutsunea, sakontsuna,

 isilunera ohitua,

 oihu mutuak, oihu mutuen

 oihartzun zorrotzak.

 Eta opariak? Eta hitzak?

 Eta erantzunak?

 Eta erantzunen galderak?

 Denak haize hotzak eramanak.

 

 Izarrak, izar itzaliak,

 biak ere kresalak erreak,

 irudi itsuei begira zoratuak,

 begirada galduan, irudi ezkorrak

 ikusten kantzatuta, kolore

 ederra ezabatuta, orratz

 beroen erruz zulo

 beltz bihurtuta.

 

Zuloak edonon,

 zuloak dena jan du,

 kresala aurpegian,

 galdera gorrak ahoan,

 erantzun mutuak airean,

 haize hotzean orratz beroak

 paseoan, bihotz xamurren

 aurkiketan, zuloak sortu nahiean.

 

 Gauzak ulertu nahian,

 gauak argitu nahian.

 Ez dut izaten lo

 egiteko gogorik gauetan,

 ez dut izaten ohetik

 altxatzeko indarrik goizetan.

Zure begietan zulo beltzak

 ikusten ditut batzuetan.

 

 Bakea non, orratzak hor,

 poztasuna non, haize hotza hor,

 izarrak non, kresala hor,

 kezkak non, zulo beltza hor,

 Galderak non, erantzun eza hor,

 erantzun galduak non,

 galdera mutuak hor,

 norbaiten belarrietan.

 

 Erantzunak; isiltasuna,

 sakontasuna, haize hotza,

 iluntasuna, bakardadea…

 Galderak? Galderak?

 Galderak aurkitu nahiean

 sortutako galderak baino ez.

 

 Zulo beltza ito da, 

gainezka egin du.