Bertan izan nintzen atzo ere,

ez nuke maiteminduta nagoenik esango

baina egunero naiz berekin,

egunero igarotzen ditut

bost ordu gutxienez,

gogoz ala gogorik gabe,

ilusioz ala ilusiorik gabe,

batzutan behartuta,

mila pertsonen begirapean,

non zerbait egin aurretik

bost aldiz pentsatzera behartzen nauten,

baina lehialtasun konplexuari trinko eutsiz

atzo ere bere ondoan nitzen eguneroko lez,

goxo goxo,

elkarri helduta agurtu genion

gauaren bukaerari eta

muxu batekin hasi genuen

goiz hotz eta iluna.

Arratsaldean elkartuko gara berriz

aspertzen ez gaituen rutinara itzuliz,

bere usainaz gozatuko dut gero ere,

maiteminduta egon ez arren

hainbeste maite dudan

nire liburutegiarekin.

Axi