EPPKren adierazpen historikoa heldu eta 11 egunera (El Paisek “Los presos se rinden a la ley” titulatu zuela ezin ahantzi) gutxienez zortzi lagun atxilotu dituzte [Informazioa Berrian]. Tartean daude urtarrilaren 4an Durangon preso ohiek egindako prentsaurrekoan parte hartu zutenak. Adierazpen horren edukian sartu gabe —egindako mina aitortuz eta legera moldatuz— , iraganeko egunkariek eta biktima batzuek “No nos ganarán” bezalakoak esan zituzten, preso ohiak biltzea bakarrik iraingarria zela argudiatuz.

Atxiloketa krudel, etsigarri eta totalitario hauen ondotik egin diren bi hausnarketa nahi nituzke nabarmendu. Bi esaldiek prozesuaren egoeraren diagnosia egiten dute. Etsaiaren jokamoldeari buruzko bi ideia orokor dira. Harreman zuzena duten bi gogoeta.

Aldebakartasunarena faltsua da: ezker abertzalearen urrats bakoitzari Estatuaren urratsak jarraitzen dio, kontrako norabidean ordea

— Josu Amezaga (@FloresenaBarria) January 8, 2014

 

Ez dira bakearen beldur. Errendizioa baino ez dute onartuko.

— Beatriz (@beatriz_er) January 8, 2014

Eta beste bi txio kafkiano

Sarreran aipatu El Paisen titularra ez da deus gaur gertatutakoarekin alderatuta.

“Euskal gaiari” dagokionez, Espainiako Gobernuak hedabide batzurekin duen harreman konplizea ez dakit zinez nola definitu. Hori bai, ziur gaur bezain beste, ez direla nehoiz biluztu. Gertaera bat (kasu honetan ustezko etakide batzuren atxiloketa) oraindik burura eraman gabe zegoenean, jada publikatua baitzuen Prisako egunkariak. Eta hori gutxi balitz, hanka sartzeaz ohartuta bidalitako errektifikazioak, argi eta garden erakutsi digu praktika hau ohikoa dela prentsa espainiarrean. Erreparatu bestela honako bigarren tuitari. Zur eta lur.

La información relacionada con la operación contra ETA enviada en el anterior tuit queda anulada a petición de la fuente informante

— EL PAÍS Política (@elpais_politica) January 8, 2014