EAEko eleaniztasun-maila neurtzen duten datuak aurkeztu dituzte
Euskal Autonomia Erkidegoko gizartearen hainbat esparrutan 2011. urtean egindako ikerketa-lanaren emaitzak aurkeztu ditu gaur Eusko Jaurlaritzako Hizkuntza Politikarako Sailburuordetzak, British Council fundazioarekin batera. Language Rich Europe proiektuaren baitan landu diren emaitza horiek gure gizartean dagoen eleaniztasun-maila adierazten dute, hezkuntzan, hedabideetan, zerbitzu publikoetan eta euskal enpresetan bereziki.
