[Txiorik Onena] 2023ko 8. astea

2023-03-15 00:50
Txiorik onena
- Azala

[Txiorik Onena] 2023ko 8. astea –

Urteko 8. astea ere badakargu, zazpi txioko sortan laburtua.

Asteon, erradikal abegikorrak, lehentasunak, adarbakarrak, garagardoak, koofizialtasuna, akuiluak eta adimen artifiziala ditugu gai hautatutako txioetan.

Joan den asteko sortatik, @mihiluze_eitb saioko txioa izan da bozkatuena.

Zein begitantzen zaizu asteko txiorik onena?

Beti estimatuko dut edukietan erradikal (hots, erroetara jotzen saiatu behintzat), eta formetan leun, abegikor, are, dotore jarduten duena. Kontrako Aroa bizi ez ote dugun.

— Gorkaerostarbe (@gerostarbe1) March 1, 2023

Ez badago alderdi politikorik euskaldunen kontrako oldarraldi judiziala gelditzea lehentasunezkotzat daukanik, ba niretzat ez da lehentasuna botoa ematea. Eta kitto. Baditut gauza hobeak egiteko udaberriko igande batean.

— Oihan ? (@oihantxabarri) March 1, 2023

Unikornio baten garraioa… pic.twitter.com/vNwAZmw1x4

— Asier Garaialde #NiEreJaizkibelekin (@agara) March 2, 2023

Sevillako enpresa batek garagardoak euskaraz etiketatzeko erabakia hartu du.

Hemengo enpresa batzuek, euskaraz etiketatzea ezinezkoa dela (edo merkatua murrizten diela) esaten dute. pic.twitter.com/pzOjTFSF0B

— Galder (@GalderLasuen) March 3, 2023

KOOFIZIALTASUNA:
– Hizkuntza hegemonikoaren makillajea.
– Alderdi koofizialen botere kuota pesebrean jarraitzeko.
– Erabaki judizial antieuskaldunei itxurakeriaz erantzutea.
– Kultura nagusia asimilatzea, zeurea delakoan.
– Euskara, etengabe, españolarekiko tolerante izatea…

— Edu (@goikone) March 4, 2023

Euskaltzaletasuna bihurtzen badugu sufrikario, dagokiguna da sufritzea eta sufiaraztea.

Bihur dezagun akuilu, mundu berdinago eta hobe baten alde borrokatzeko.

— Mikel Irizar (@mirizarintxaus) March 5, 2023

Hiru euskal idazle protagonista dituen txistea eskatu diot adimen artifizialari.

Ez da @antton_telleria, baina denborarekin hobetuko du.

Hemen erantzuna ? pic.twitter.com/MdFMNBVKfY

— Beñat Erezuma (@BenatErezuma) March 5, 2023