Nortzuk dira gorriak, ama? –

• Atzo arratseko Tertulia Ezkutua biziki interesgarria, ezta, neskak?
• Ba bai, gaurkotasun handiko gaia, ene iritziz ere.
• Zer deritzezue gure Amonak ekarri zituen ñabardurei?
• Niretzat interesgarriena Memoria Historikoaz egin zuen laburpena.
• Bai neuretzat ere, batik bat “Zuri Ankerraren” historia hura. “Franco” deitzen zuten, ez?
• Bai, ”Franco eta Franquista” delakoak. Eta gaur ere haien ondorengoak etorri direla agintera, azken “Erreferenduman”
• Tira, zeozer bagenuen entzunda gure etxeetan, baina zer edo zer bakarrik. Gure gurasoek nahiko isilik eduki zuten gordeta, isilean.
• Hura izendatu ere egiteko beldurrez edo…
• Normala, ankerkeria hura aipatu nahi ez izatea. Jasan eben jasatekoarekin…
• Tira, goazen Etxera, gure Ama itxaroten izango dugu eta…
• Bai, eguerdia da honezkero.

• Umeok, goazen hemendik beste leku batera.
• Ama, nortzuk izan bi horiek? “Eskola” delako batez galdezka etorri dira.
• Tira umeok, esan dizuet, behin baino gehiagotan, ez-ezagunekin EZ tratatzeko.
• Baina nortzuk ziren bi horiek, halako muturrekin?
• Zuri Etorri Barriak. Goazen bilketa egitera, eguerdia da eta… Eta badakizue ez duzuela esan behar ezer gure “Ikastola Ezkutuez”.
• Horrenbeste badakigu, Ama. Askotan errepikatu diguzu eta…
• Tira, goazen eguneko bilketa egitera, sasoia da eta…
• Nora Ama? Betiko moduan “Lekueren Ortura”
• “Lekuko” Ortura, umeok. Zaindu mesedez zuen ahoskera!

• Bada, neskak, nik orain ulertzen dinat haboro “Zuri Etorri Barrien” kontu hori. “Zuri Ankerraren” ondorengoak ditugula eta… esan ohi dena.
• PP-VOX dekakoak? Umm, hori haboro ulertzeko, beste Tertulia Saio bat beharko dinagu agian.
• Eta gure Amonaren beste ñabardura interesgarri bat, gure “Ikastola Ezkutuaren” jatorria eta historiarena. Ez zaizue iruditzen?
• Bai, txit interesgarria hori ere. Asko dinagu ikasteko oraindik.
• Ah, zelan galdu genuen “Erreferendum” hura. Izan ere, ez genuen lortu burujabetza, Hezkuntza Programaziorako exijitzen genuen gutxienezko baldintza hura: “Programatze Talde Anizkoa” (P.T.A)
• Eta hortik geure “Ikastola Sare Propioa” sortzea.
• Zer erremedio. Gure Jentilitateko gurasoen kargura eta kontura izan ei zuan, Amonak atzoko “Tertulia Ezkutuan” azaldu zuenez.
• Eta ostean Arrotzen propaganda gezurti nahasia: gurea “Eskola Pribatua” zala, eta eurena, barriz, “Publikoa”.
• Bai, sakonean “Ideologia Borroka” zegon azpi-azpian. Horregatik komeni dun halako pasadizoak gogoratzea.
• Eta gure Leinuen Memorian gordetzea. Tira, goazen orain Amarenera, zain izanen dugu eta…

• Eta orain beste kontu bat, umeok. Zer egiten zenuten ordu horietan Ikastolatik kanpo? Sasi-eskola egiten akaso? Ez nadila enteratu halakorik egiteko kapaz zaretenik.

• Ez Ama, pentsatu be ez holakorik! KORRIKA debekatu dutenez, Ikastolak “Korrika Txikia” antolatu dau, eta…
• Eta?
• Ba hori be galazo egin dabela “Guardazibilak”.
• Beste horrenbeste! Badakizue orain kontuz ibili behar duzuela.
• Bai Ama, “Argi ibili” behar dugula, sarri errepikatzen dozun lez.
• Orain zoazte olgetan elurretara.
• Aaah, ze polita elurra!
• Ume hauek… Izan ere, hemen, gure Leinua bizi garen lautada honetan, ez da ohizkoa elurra egitea. Begira, KORRIKA ez balute debekatu, elurrarekin hasiko zen gaur berton, “Araba” deritzan lurralde hartan.

• Ah, gainera neskak, beste kontu deigarri bat Amonak izendatu duena “Tertulia Ezkutuan”. Plandemia eta Umeen kontu hori.
• Ah bai, eta nerabeena. Bada, nik bederen ez ninan ezagutzen auzi hori.
• Umeen auzia, hartan ere.
• Eta nerabeena. Ezta, neronek ere.
• Gure umeek eta nerabeek zenbat pairatu zuten Aldi Plandemiko luze hartan.
• Esaizu ba. Ni ere hunkituta utzi nau. Eta bai Arrotzen zein gure Jentilitatean gertatu zunan Umeen hura
• Eta nerabeena.
• Ume eta nerabeena. Biak ala biak izan zitunan, bai. Adin txiki horietakoa “arriskutsuak” omen zirela eta.
• “Arriskutsuak” Nagusientzat, jakina.
• Sekula halakorik! Eta hala zelakoan, badaezpadako botikak inokulatu zizkieten umeei…
• Eta nerabeei.
• Hala da, eta “Maskara” haiek ezarri Eskoletan zein Ikastoletan. Gure Leinuak ere ez zuen jakin geure ume eta nerabeak jagoten!
• Gero,azkenean, ez zela horrelakorik esan zuten: adin txikikoek ez zirela inondik ere “Arriskutsuak”, alderantziz baizik.
• Hortaz, hura ere “Buloa”? Arrotzen propaganda, agian?
• Tira, ez dinagu inongo frogarik hori berresteko.
• Entzun dudanez,gure Leinuko Guraso Talde batek, “Eguzkilore” deritzenak, oraintxe aurkeztu barri dau auzi horri buruzko txosten sakon bat. Izugarrizko albo-kalteak, bai organiko nahiz garuneko ondorio larriak…
• Nerabe hainbatek buruaz beste egiteraino…
• Tira, ez dinagu hori horregatik izan dela baieztatzeko aski frogarik.
• Dena dela, geure Leinukook ere ez genuela jakin gure Umeak babesten!
• Ezta gure nerabeak ere.
• Gauza bat ez dinat argi geratu, “Plandemia” horren zergatia, eta zergatik deitzen dioten “Plandemia”. Hori ez don gure jatorrizko ahoskera ere.
• Tira, nik ere ez zekinat. Hurrengo Ezkutuko Tertulia batetan argitzekoa agian.

• Orduan Ama, nortzuk dare “Zuriak”?
• Ai ume, oraindik txikiak zarete halako gauzak ulertzeko. Azalduko dizue bere sasoian, geroxeago, gure Ikastolen Sarean.
• Eta nortzuk dira “Gorriak, Ama?
• Gorriak geu gara, Ume.

Nortzuk dira gorriak, ama?  Nortzuk dira gorriak, ama?  Nortzuk dira gorriak, ama?  Nortzuk dira gorriak, ama?