Udaberriaren etorreran albistaririk famatuena, seguru asko, San Jose lorea izango da. Harek zipriztintzen ditu horiz belardiak eta bide bazterretako malkarrak.

Baina ondo erreparatuz gero, beste seinale zenbait ere agertuko zaigu, azeri-buztan hauen antzera, oraindik ere kimutan.

Patxarana egiteko fruituak emango dizkigun basakanak, ere bota ditu pinportak, aurki izateko loretan.

Madariondoak ere ez du oraindik lehertu lorerik, baina eguraldi apart honekin,  aurki da loretan bete-bete.

Loreak emanda dituena erramua da, beti azkar eta sasoiko agertzea gustatzen zaio berari.

Eta emandakoak galtzen ere hasita erromeroa, ostera.

Jasminari ere hartu dizkiogu lehen usainak, oraindik lehen loretakoa soilik: aurki erotuko gaitu lurrinez.

Baina seinale guztiak ez dira lore, eta kalekumearentzat bada ageriko beste seinalerik nonahi, esate baterako hortentsien berdatzean bertan.

Zuk non ikusten duzu badatorrela, hementxe daukagula? Non edo zertan hartzen diozu seinale?