Itsaso Hilaren magia –

Itsaso hau benetan existitzen da eta antzina-antzinatik gizakiak ezagutzen duen herrialde batean dago. Palestinako Itsaso Hil ospetsuaz ari gara.

Hain gazia da haren ura non izaki bizidunik ezin da bizi bertan. Israelgo  klima bero eta lehorrak oso lurrunketa bizia eragiten du. Baina ur garbia lurruntzen da, gatza itsasoan geratzen den bitartean, gazitasuna handituz.

Horregatik itsaso honek %27 edo gehiagoko gazitasuna dauka eta ez %2 edo %3 gainontzeko itsasoek bezala. Zenbat eta sakonago izan, orduan eta gazitasun maila handiagoa.

Itsaso honetan dagoen gatz kantitatea 40 milioi tonatan kalkulatzen da. Horixe da bere berezitasun handienetako bat. Hau gertatzen da bere ura beste itsasoen ura baino askoz astunagoa delako. Ikastolan, Zientzia Natural edo Inguru ikasgaietan, ohikoa da ura eta gatzarekin honako esperimentua egitea: urez betetako ontzi batean arrautza bat botatzen da eta segituan hondoratzen da. Gatza botatzean, ordea, arrautza gorantz joaten da, ikasleak txundituta utziz. Esperimentu honen bidez, ikasleei gatza duen urak flotatze-maila altuagoa duela erakusten zaie.

Beraz, Itsaso Hileko uretan hondoratzea ezinezkoa da. Hala uste du jendeak. Baina… bai zera! Hain justu, itotze piloa suertatzen dira itsaso honetan.

Buruz gora egon daiteke hondoratu gabe eta, hortaz, erosoa baino erosoagoa da. Hauxe da Itsaso Hilaren irudi ezagunena munduan zehar; bertaratzen diren bisitariak bainu hartzen eta norbaitek argazkia egiten diolarik.

Zer demontregatik da, baina, hain hilkorra itsaso hau, hondoratzea zailagoa bada?

Itsaso Hilak bere izena zor dio bere uretako bizitzaren ezari. Bizirautea edozein izaki bizidunentzat ezinezkoa da gatz-kontzentrazioa hain altua izanik. Itsaso Hila, igeri egiteko leku arriskutsua benetan.

Esaten ez dizutena da leku honetan itotzeko aukera oso handia dela, igeri egitera ausartzen direnentzat. Hain zuzen, pertsona pilo batek bere bizitza galdu du bertan. Itotzearen ezintasuna mito hutsa da. Igerilari ugari, mito honetan sinisteagatik hain zuzen heriotza topatu dute.

Ezinezkoa dela guztiek han flotatzen dutenez gero Muerto itsasoan itotzea zu, eta beraz zu murgiltzeko arriskurik ez dago, guztiz faltsua den zerbait eta haren proba mitoa dago dira bere bizitza fidakor informazio honetan galtzen duten pertsona zifrak.

Itsaso Hila bigarren lekurik arriskutsuena da Israelen igeri egiteko eta han gertatzen dira herrian itotzeagatiko heriotzako bost kasu bakoitzeko bat, baina nola da posible gu itotzea flotatzen baldin badugu ?

Erantzuna honetan datza: Itsaso Hilean arazorik gabe buruz gora flotatzea izan arren, mugimendu txar baten ondorioz, buelta eman dezakezu, baina nahiko zaila da berriro ere buelta ematea.

Gainera, igeri egiten saiatzean, atzeraka joan edo hondoratzen zara! Bertoko turisten gidariek gomendatzen dute, itsasertzetik ez urruntzea.

Zaila da sorosle batek laguntzea, berak ere igeri egin ezin duenean.

Edonola ere, itsasertzetik ibiltzean eta lokatz beltza zapaltzean, oinak ere erabat belztu egiten dira. Hala ere, lokatz beltz honek, osasunarentzat ezaugarri terapeutikoak ditu, antza. Lohi horrek mineralak eta gai onuragarriak ditu. Hori bai, zauri ireki bat izanez gero, ez da komenigarria lokatz hori haragi biziarekin kontaktuan egotea. Urak izaki bizikidunik ez badu ere, bakteriak bai, baditu. Eta bakteria horietako asko lokatzean ere badaude.

Itsaso Hilaren magia