Esaten dute hartz zuri guztiak ezkerrak direla, atzaparrak erabiltzeko orduan, alde horretako besoa botatzen dutela eskumakoaren aurretik, duda-mudan ibili gabe.

Horretan gu desberdinak gara: bagaude ezkerrak eta bagaude eskumak. Bagara bietatik ere, eskuin-ezker horietakoak, handitutakoan piano jotzaile trebe bihurtzen direnak.

Baina hartzak ezkerrak diren bezala, gu guztiok gara egoskorrak, eta tematiak, eta nekaezinak, eta jostun finak… baldin eta josi behar dena geure esku dagoen geroa bada. Duda-mudarik batere gabe, hartzen besoa bezala.

 

(Elgoibarren egin zen Joste egunerako idatzitako testutxoa)