Babesgabeko eskolakideak defendatzea dute helburu zigortzaile superheroiek. Nerabe koadrilla du protagonista, eta bereziki haiei zuzenduriko abenturazko filma da, musika eta kantu ugari dituena.

Arantza Ibarra eta Alfonso Arandia dira zuzendariak, eta Amaia Aberasturi, Estibaliz Sarasola, Andoni Delavigne-Robles, Martin Gandiaga, Nikola Zalduegi, Pello Madariaga, Asier Vegas eta Izaro Baza dira aktore nagusiak, eta Loli Astoreka, Juan Cruz Gurrutxaga, Anne Igartiburu, Carlos Sobera, Gurutze Beitia, Maite Bastos aktore helduak. Horiez gain, Rafael Amargo koreografoa ere ateratzen da euskaraz mintzatzen.