Mapa politikoa eraldatu da EAEn –

Euskal Autonomi Erkidegoko Inoizko hauteskunderik lehiatuenak izan ziren atzokoak. Azkenean EAJ-k irabazi zuen, EH Bilduri 29.000 boto aterata, baina hori bai, eserleku kopuruan berdinketa emanda.

Gipuzkoan EH Bildu nagusitu da, Araban ere lehen indarra izan da, eta EAJ Bizkaian gailendu da, nahiz eta ez betiko aldearekin. Bilbok eta inguruko metropoliek eman diote nagusitasuna jeltzaleei (Bilbon 27.766 bozeko aldea atera dio EAJ-k EHBri; erkidego osoan aldea 28.819 bozekoa izan da). PSEk emaitza txukunak mantendu ditu, nahiz eta gobernuan egon arren ez baitu EAJ-ren higadurarik jasan; kanpainan zehar askok aipatu zuten bazirudiela Euskadiko Alderdi Sozialista ez zegoela gobernuan, oposizioan baizik. Garbi dago betiko aliantzari eutsiko diotela bai jeltzaleek eta bai sozialistek, baina oraingoan azken hauek indar handiagoa izango dutel exekutibo berrian. Eskuin espainiarra zertxobait hazi da, PPk boz gehiago eta beste exerleku bat lortu baitu, eta era berean, VOXek bereari eutsi. Ezker espainiarrak utzi duen enegarren irudi negargarria izan da egunak utzi duen beste lerroburuetako bat: Sumarrek eserleku bat lortu du, eta Ahal Dugu kanpoan geratu da. Atzo askok azpimarratu zuten ezker konfederala zatituta aurkeztu izanak egin duen kaltea.

Ezker konfederalak 2 ordezkari gehiago lortuko lituzke (3) elkartuta aurkeztu izan balitz, bana Gipuzkoa eta Bizkaian. PSEk, ordea, 2 gutxiago eskuratuko lituzke (10), eta EAJ+PSEk ez lukete gehiengo osorik izango (37).

— Mitxel Elortza Exea (@Gasteiztar1) April 21, 2024

Parte hartzea %62,5ekoa izan da, 2020an baino hamabi puntu altuagoa… eta hala ere EAJ boto kopuruan jaitsi da. Ezker independentismoak, aitzitik, ia 100.000 boto gehiago eskuratu ditu, eta lehen indarra da Euskal Herri osoan. Azken legebiltzarrean 11 eserlekuko aldea zegoen EAJren eta EHBren artean; gaur, berdinketa.

(eitb) Emaitza guztiak–udalerriak

Abstentzioa %37,5ekoa izan da.

Honatx eguneko analisiak:

• BERRIA

Mapa politikoa eraldatu da EAEn