Elhuyar Zientzia eta Teknologiaren hiztegi entziklopedikoa

Elhuyar Zientzia eta Teknologiaren Hiztegia
Elhuyar Zientzia eta Teknologiaren Hiztegia

Elhuyar Fundazioak eta Euskal Herriko Unibertsitateak, Euskadiko Kutxaren babesarekin, argitaratu duten hiztegi entziklopediko honek zientzia eta teknologiaren 50 alorretako informazioa jasotzen du eta 200 aditu baino gehiagoren artean egin da. Aurkezpen-ekitaldian honako pertsona hauek hartu zuten parte: Itziar Nogeras Elhuyar Fundazioko zuzendari nagusiak, Iñaki Goirizelaia Euskal Herriko Unibertsitateko errektoreak, Antton Gurrutxaga hiztegiaren zuzendariak eta Elias Atutxa Euskadiko Kutxako zuzendari nagusiak.

Ekitaldiari amaiera emateko, gerturatu ziren ia berrehun lagunek aukera izan zuten Joan Mari Irigoienek bereziki prestatu eta irakurri zuen ipuin bat entzuteko.

Informazio oroko eta eguneratua

Zientzia eta teknologiari buruzko informazio orokor eta eguneratua behar duen ororentzat da obra interesgarri hau: DBHko, Batxilergoko, Lanbide Heziketako, unibertsitateko ikasle eta irakasle, kazetari, guraso eta, oro har, zientzia eta teknologiaren inguruan interesa duen edonorentzat. Obra honek zientzia eta teknologiako 50 alorretako informazioa eskaintzen du, honako alor nagusi hauetan multzokatuta: zientzia zehatzak, materiaren eta energiaren zientziak, lurraren zientziak, biziaren eta osasunaren zientziak, teknologia eta gai orokorrak. 23.000 kontzeptu biltzen ditu, definizioekin eta dagozkien erdal terminoekin (ingelesezkoak, gaztelaniazkoak eta frantsesezkoak); erdara-euskara termino-zerrendak eskaintzen ditu: ingelesa-euskara, gaztelania-euskara eta frantsesa-euskara; 607 artikulu entziklopediko ditu, eta 1.500 irudi. CD-ROM euskarria banatzen da liburuarekin batera.

Elhuyar zientzia eta teknologiaren hiztegi entziklopedikoaren lagina honako webgunean dago ikusgai.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude