Internet susmopean

MTQ1OA==

Atzo izan zen Interneten seguru nabigatzeko nazioarteko eguna. Hori zela-eta, ETBk pare bat albiste egin zituen. Horietako batean esatariak esan zuen komeni dela, bai, tentuz ibiltzea Interneten. Izan ere, ez-dakit-non atxilotutako ustezko bortxatzaileak Interneten ezagutu zuen bere biktima.

Entzun duzue inoiz esaten kontuz ibili behar dela El Corte Inglesen, zeren halako hiltzailek bertan ezagutu baitzuen bere biktima, edo ETBn agertzekotan, hobe mozorrotuta agertzea, balizko hiltzaile asko egon daitezkeelako pantailari begira, biktima bila?

Esan liteke hedabide handiek apropos zabaltzen dutela beldurra Interneten inguruan, ondoren neurri bereziak justifikatzeko, gobernuek hartu nahi dituztenak sarea kontrolatze aldera.

cc-by-sa. Joxe Aranzabal. Faroa.

Irudia | beti beldurra sartzen | vecinodelquinto | Creative Commons By SA
Internet
ZuZeu

ZuZeuko erredakzioko kazetariak eta editoreak gara.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude