Gazteak ez dira libertitzen euskararekin sarean
- Interneten eta telebistan egunero egiten duten ordu kopurua 3,5 ingurukoa da. Eta adinean aurrera, telebistako eduki gero eta gehiago ikusten dituzte interneten
- Interneten sare sozialak dira lehentasun (argazkiak igo eta elkarri idazteko), eta youtube eta jokoak. Telebistako eduki gero eta gehiago kontsumitzen da interneten.
- Mugikorretako konexioa gehienek eduki arren ia inor ez da konektatzen garestiegia delako.
- Euskarazko webguneetara 4tik 1 sartzen da eta ez dibertsioa bilatzeko helburuz, normalean eskolako lanetarako gauzak bilatzera baizik: wikipedia, hiztegiak…
- Sare sozialetan gazteen %90a dago.
- Sare sozialak euskaraz konfiguratuta %35ak soilik du. Arrazoiak: ez dakitela konfiguratzen, gaztelaniaz hobeto moldatzen direla, ohitura, horrela etortzen zelako…
- Kaleko hizkuntza bera egiten da sarean.
- Interneten oro har ez dute ezer botatzen faltan. Sobran dagoena publizitatea dela diote eta informazio fidagarria lortzeko gune gehiago behar direla
- Euskaraz leku dibertigarri gehiago eskatzen dituzte, jokoak euskaraz… Informazio gehiago eta itzultzailea (seguruena informazio eskolako lanetarako itzultzeko)
- Euskarazko webguneak ez dira ezagutzen ia batere
Beraz, euskaldun gazteek interneten euskara eskolako lanak egiteko soilik baliatzen dute. Ondo pasatzeko beste hizkuntzetara jotzen dute. Eta larriena, euskaraz interneten dagoen eskaintza ikaragarria ez bada ere, euskaraz zer dagoen jakin ere ez dakite.
Ez dakit zuek zer diozuen baina diagnosia aski larria dela uste dut. Eta egoera honetatik ateratzeko proiektuak beharrezko dira. Proposatuko ditugu?
Irudia | Inkesta Zarauzko Antoniano Ikastetxeko 12tik 16 urtera bitarteko nire ikasleei pasa nien eta Ordiziako Jakintza Ikastolako 16tik 18 urtera bitarteko ikasleei Maite Goñik pasa zien. | Margi | Creative Commons By SA
Artikulu honen harian, aurreko urteko irailean Morgan Stanley kontsultorak “How teenagers consume media” ikerketa kaleratu zuen. Euskal gazteen eta gazte estatubatuarren arteko diferentzia nagusia, haiek edukiak ingelesez kontsumitzen zituztela eta euskaldunek berriz, gazteleraz edota ingelesez.
Artikuluaren egilearekin bat nator arazo hau moldatu beharra dagoela baina, nire ustez, ez genuke Euskal Herrian orain arte egin izan den, administrazioaren diru-laguntzekin weborriak euskeratzea sustatu, baizik eta gazteentzako interesagarriak liratekeen gaiak (filmak, musika…) euskaraz sortu eta hauen online komunikazioa sustatu.
Zorionak Imanol orain arte egindako lanagatik. Izugarrizko lan egin beharra zeok gure gaztetxoekin !!!!. Ondo izan,
[…] Imanoli orain dela gutxi pastako galdeketa batean. Ikerketaren emaitza batzuk argitaratu ditu Zuzeu albistarian irakasle zarauztarrak. Benetan interesgarria. Zabalduzazu / Compártelo « […]
Alperrekoa da, euskerea eginda dago. Halan eta guztiz be, behar egin behar da eta gogor geureari eusteko. Baina, tamalez, leherrenak eginda be, etorri baltza dogu. Zelan normalduko dogu euskera geure gazteen arteko berbamoduan, euron ingurumarian erderaz baino ez badabe entzuten?
Espazio hegemonikoak eraiki behar ditugu euskararentzat, euskaraz eta euskaraz bakarrik bizi diren/garen espazioak.
Sare sozialetan denak dakite erdaraz(Euskadin eta Esapainian), baina Euskaraz ez dakite guztiak, beraz denak ulertzeko erdarara jungo zea, telebistak,zinemak,jokuak…Erdaraz daude baina Euskaraz…..
Ez dakit existitzen den ala ez baina nik sare sozial bat egingo nulke (jakingo banu nola) eta sare horretan Euskaraz egotea guztia eta erabili zitekeen hizkuntza bakarra idazteko euskera izatea (beste hizkuntz aldi berezietan bakarrik),sareak jokuak,foruak…euskaraz sustatzea, gehio ezagutaraztea euskarazko edukiak(niri asko kostatzen zait aurkitzeak).
Telebistakoa futbolarekin normala da, 1tek ez badaki Euskaraz besteak erdaraz ikusiko dute. Ohitzen zarenean gauzak hizkuntz batean egiten, hizkuntz horretara joango zea normalean.
Iruitzen zait gazteena helduen egoeraren ispilu dala. Eta borroka hontan ahalegin guztiak batu behar dirala, esperantza izpirik edukitzekotan. Estratejia irabazleak ausnartzetik hasita, hauek bideratzera pasa, baina honen alde dauden euskaldun guztien indarraz, lanaz, lan sinkronizatuaz.
Sugar! Proposamen ona da zurea. Baina proban jarri da euskaraz soilik funtzionatzen zuten sare sozialak (http://zutagu.net/ edo http://zugaz.com/ eta badira gehiago ere) baina ez dute arrakastarik izan. Zoritxarrez. Tuentik eta FBek daukate arrakasta horien aldean… Eta I.M, ados nago diozunarekin, bakarkako lana baino elkarlana eta talde lana dira interesgarriak, kontua estrategian datza (hain modan jarri den hitzean), alegia, nora joko dugun, zein baliaderekin…
Mila esker ekarpenengatik!
Sugar eta 27zapata. Niri ideia hori guztiz okerra iruditzen zait. Hizkuntza bakarra erabili daitekeen sare soziala? Sare sozial izaeraren aurkakoa da, batetik, nik ez ditut lagunak aukeratzen hitz egiten dutenaren arabera, ulertzen ditudan bitartean, jakina. Bestetik, euskaldunok bi, hiru, lau hizkuntza menperatzen ditugu. Zortea gurea! Zertarako mugatu sarea hizkuntza bakarrera? Zuen bion kezka nirea ere bada, baina konponbide zehatz hori zeharo txarra iruditzen zait. Gai honetan behintzat guk geuk dugu erabakia: egungo sareetan euskaraz aritzea!!
Ados ni ere Iñaki. Batez ere ikusita ez dutela funtzionatu euskara hutseko sare sozial horiek. Baina nire kezka beste bat ere bada. Guk darabiltzagun sare sozialak /Tuenti, FB, Twitter…) pribatuak dira, eta plaza handiak, handiegiak akaso. Eta euskara biziko bada, hegemonikoak diren guneak sortuz biziko da, eta plaza handi horietan ematen du beldur pixka bat… Oraindik probatzen ari gara, baina aukera polita eskaini dezake status-ek: ikus http://status.blogsoviet.com/
Euskaraz kontzienteki bizitzea dagokigu guri, eta sare horietan ere horrela aritu beharko dugu…
zapata: ze estratejia erabili behar litzaken galdetzen diozu zure buruari… nik uste Euskalerriko zientzilari, hizkuntzalari eta pertsona burutsuenek alkartu behar luketela, beren jakituriak trukatu, eta formula irabazle hoiek bilatzeko. (hizkuntzari buruz orokorrean)
Sare sozialei buruz ere ausnartuko lukete, komunikabideei buruz bezela…