Ustelkeria Europar Batasunean
Ustelkeria Europar Batasunean
- Europako Parlamentuan duela gutxi izandako ustelkeriaren inguruko iskanbilek Europar Batasuneko erakundeetan ustelkeriaren arazoak duen hedapenari buruzko eztabaida azaleratu dute.
- Bi modu daude ustelkeria politikoaren arazoa baloratzeko. Lehenengoa da ikerketa «poliziala», ustelkeriaren kasu zehatzak hauteman eta aztertzeko eta haien hedapena identifikatzeko.
- Baina ustelkeria politikoaren inpaktua aztertzeko beste modu bat da aztertzea zer ondorio dituen ustelkeria horrek gobernuek hartutako erabakien eta aplikatutako politiken gainean.
- Ildo horretan, 80ko hamarkadatik aurrera edo Maastrichteko Tratatutik aurrera, Europar Batasunaren balantzea beldurgarria da.
- Europak munduan duen pisuaren bilakaeraren ikuspegitik azter dezakegu:
- Eta BPGdaren gehikuntzaren bilakaera konparatuaren ikuspegitik:
- Ikuspegi historikorik aztertzen badugu, argia dirudi. Europa munduko liderra izan da 500 urte luzez, eta bi belaunalditan historiaren trastelekurako bidea hartu du. Agerikoa dirudi zerbait txarto, oso txarto egiten ari garela.
- Herrialdeak ez dira sartzen gainbeheran arazo larriak edo erronka handiak dituztelako. Gainbehera dator arazoei edo erronkei aurre ez egiteagatik. Eta hori da –eta ez beste bat–, hain zuzen, Europaren azken hamarkadetako sakoneko arazo nagusia.
- Europak dituen arazo larriei ez ekiteak berez frogatzen du gure klase politikoak ez dituela izan beharko lituzkeen helburuak, eta ez dituela betetzen berak aldarrikatzen dituen helburuak ere, ideologia edozein dela ere. Inguruabar horrek argi erakusten du Europako ustelkeria politikoa ez dela testuinguruaren araberakoa edo noizbehinkakoa, iraunkorra eta egiturazkoa baizik.
- Funtsezko erreferentzia gisa, erronka demografikoa eta Europako klase politikoa erronka horren aurrean, ulertezina bada ere, pasibotasunaren logikarik eza aipatu ahal ditugu. Europako hondoratze demografikoa ez da berria. Ia 50 urte daramatza mahai gainean, eta gure politikariek ez dute helburu estrategiko handien artean sartu ere egin.
- Ikuspegi ekonomikotik, hondoratze demografikoarekin batera, gehiegizko zorpetzearen etengabeko metaketa aipa dezakegu. Zorpetze horrek arazo ekonomikoak bata bestearen atzetik konpontzeko aukera eman digu, baina epe laburrera. Aldi berean, gero eta larriagoak egin dira gure ekonomiaren egiturazko arazo handiak. Herrenka dabilen ekonomia da, etengabeko zor-injekzioen bidez mantentzen dena.
- Behin eta berriro, Europako erronka handien ordez, gure ordezkari politikoek, sistematikoki eta hamarkadaz hamarkada, hirugarren edo laugarren mailakotzat jo ditzakegun gaietara jotzeak argi erakusten digu gure klase politikoa ez dela ari lanean Europaren alde, bestelako interes batzuen alde baizik. Ez dago froga argiagorik Europar Batasunean ustelkeria masiboa eta egiturazkoa dela ikusteko.
PDF: https://drive.google.com/file/Pbq_lNk7Lte/view
Ustelkeria Europar Batasunean
