Parke Tematiko bat bihurtuko al da Europa? –

Joe Bidenek sustatutako Inflazioa Murrizteko Legeak (IML) 369.000 milioi dolarreraino bideratuko ditu kreditu fiskaletan, zuzeneko diru-itzulketetan eta dirulaguntzetan enpresei teknologia berdea inbertitzen eta ekoizten laguntzeko, hala nola turbina eolikoak, eguzki-panelak, bero-ponpak eta ibilgailu elektrikoak.

Hala ere, laguntza horiek soilik emango dira produktu horiek gehienbat Ipar Amerikan prozesatzen eta muntatzen badira, hau da, Estatu Batuetan, Mexikon eta Kanadan. Horrek Europako fabriken exodo industriala eragin lezake Atlantikoaren beste aldera, eta, ondorioz, Europako lurraldean finkatutako lantegiak itxi.

Hala, Europako Industriarako Mahai-inguruak (European Round Table) argitaratu duen inkestaren arabera, “Europako enpresa handien % 57 datozen bi urteetan Estatu Batuetara inbertsioak aldatzea pentsatzen ari dira”.

Bestalde, inportazio guztien gaineko % 10erainoko muga-zergak ezartzea iradoki du Trumpek, Txinako produktuei zuzendutako % 60ko arantzelarekin. Europar Batasunarentzat, zeinaren ondasunen merkataritza AEBekin 870.000 milioi eurora iritsi baitzen 2022an, mugimendu hori kolpe ikaragarria izango litzateke, funtsezko sektoreei eragin liezaiekeelako, hala nola industria automotrizari, eolikoari eta hidrogenoari, eta, ondorioz, enpresak AEBra deslokalizatzeko arriskua dagoelako.

Ondorioz, premiazkoa da enpresek AEBetara eta Magrebeko herrialdeetara enpreseek ihes egitea saihesteko neurriak hartzea, bai eta hurrengo bosturtekoan etorriko den industria-birmoldaketa saihestezinaren ildo nagusiak diseinatzea ere, Europaren desertizazio produktiboa eta turistentzako Parke Tematiko erraldoi bihurtzea saihesteko helburuarekin.

Parke Tematiko bat bihurtuko al da Europa?