Misilen krisiaren itzalaren gainetik hegan egiten ari da?
Misilen krisiaren itzalaren gainetik –
Hiru ontziz eta propultsio nuklearreko itsaspeko batez osatutako Errusiako itsas destakamendu bat Kubara bisitak, alarmak piztu zituen Pentagonoan, Kennedy eta Jrushchoven arteko misilen krisiaren itzalaren gainetik hegan egitean. Hala, AEBk, Frantziak, Poloniak eta Alemaniak Ukrainak mendebaldeko armamentuarekin Errusiaren lurraldeari eraso egin ahal izateko oniritzia eman ostean, Errusiak ohartarazi du horrek “gatazkaren igoera aurreikusi ezina” ekarriko duela.
Testuinguru geopolitiko horretan, Errusia negoziatzen ari da Kuba, Venezuela, Zimbabwe, Singapur eta Nikaraguarekin base militarrak ezartzea, Errusiako espazio militarra zabaltzeko helburuarekin, eta Errusiako Parlamentuko Goi Ganberako Defentsa Batzordeko buru Victor Bondarevek Sputnik albiste agentzia errusiarrari azaldutakoaren arabera, “Kuban base militar errusiar bat ezartzea, AEBren erasoen gorakadaren testuinguruan, segurtasun nazionalaren interesei erantzungo lieke”.
Lehenengo mugarria Kuban satelite errusiarren datuak jasotzeko gune mugikor bat zabaltzea izan zen, eta ezin da baztertu Lourdesko base militar abandonatuan Radarren base bat sortzea Washingtonen xuxurlak eroso entzuteko. Era berean, AEBk oniritzia eman ondoren AEBko ATACMS misilak erabiliz Ukrainak errusiar lurraldeari eraso diezaion, Errusiak balio anitzeko ojiba duten Iskander M misilak eta S-400 hegazkinen aurkako misilak hedatzearekin erantzun diezaioke, Kennedy-Jruschev misilen krisia (urria, 1962) gogora ekarriz.
hegan egiten ari da?
Luze eztabaidatu genuen Ukrainko inbasioaren kontura, eta neronek nioen, uneren batean, Errusiak 60 urteko atzerapena duela. Egungo mugimendu horiek zer iradokitzen? Hain zuzen ere, misilen krisia (urria, 1962). Eskema zaharkitua, zinez, adimen artifizialaren egunetan oraindik horrelako kokaera estrategikoak bilatzen ibiltzea…
NATO da gaitz guztien erantzulea, jakina. NATOrik gabe (orain arrazoitzen dute SESB desegitearekin batean desagertu beharko zukeela; bitxia gero, SESB esistitzearekin lotzea NATOren indarrean egotea), inork ez bide luke mehatxurik egingo… alabaina, Errusia bere sarea hedatu nahian, jakinarazten zaigunez. Orain hirurogei urte bezalatsu…
Aitortu behar da, hala ere, Ukrainako inbasioa hasi eta bi urte eta herena iraganik eman diotela “baimena” Ukrainari, ez Errusiako lurraldea, baizik eta Errusiarei beren lurraldearen barnean erasotzeko. Eta ez diotela lehenago eman. Ez soilik AEBk, Europako hainbat herrialdek ere orain onetsi baitute berek eman armak era horretan erabiltzea, hasi gerra hegazkinak eta segi irismen handiko misilak erabiltzea. Errusiak amore eman arte… ala, Ukrainak bere lurraldearen puska batzuk eman egin behar ditu gerra amai dadin? Eta zergatik ez beste herrialdeetako puskak, probintzia pare bat, bizpahiru kantoi, erregio eta erdi, bailara batzuk, hainbat lander…
Hausnarketa sakon eta interesgarria, Mikel.
Bat nator zurekin Historiaren errepikapen zikliko bat bizitzen ari garela.
Besarkada bat.