Kolonbiako Konstituzionalak abortua despenalizatu du 24 astera arte
Kolonbiako Konstituzionalak abortua despenalizatu du 24 astera arte –
Kolonbiako Gorte Konstituzionalak astelehen honetan onartu du abortuaren despenalizazio partziala, eta haurdunaldia 24 astera arte borondatez etetea ahalbidetu du, Kode Penaleko delitua ezabatu ez badu ere.
24 aste bitarteko abortuaren despenalizazioa onartu zen atzo Kolonbian, ez ohiko saio batean, aldeko bost boto eta kontrako lau boto lortuta. Prozesu honek hilabeteak daramatza martxan oposizioak jarritako administrazio trabak eta epaileek eragozpenak direla medio. Aste honetara arte ez da eztabaida sakonik egin. 
Orain arte, abortua hiru arrazoirengatik bakarrik zegoen baimenduta. Kolonbian: osasuna edo bizitza arriskuan egoteagatik; bortxaketaren edo intzestuaren ondorio izateagatik, edo fetuaren malformazio batengatik; gainerako kasuetan, lau urte eta erdiko kartzela-zigorra zuen ondorio abortuak.
Dena den, oraindik abortua ez da Zigor Kodeko delituen zerrendatik ezabatzea lortu. 24 astetik aurrerako kasuek zigorra jasotzen jarraituko dute (ez bada azaldutako 3 salbuespenen baimenduengatik).
Kolonbiako Konstituzionalak abortua despenalizatu du 24 astera arte
“..oraindik abortua ez da Zigor Kodeko delituen zerrendatik ezabatzea lortu. 24 astetik aurrerako kasuek zigorra jasotzen jarraituko dute.” Noiz arte izan beharko litzateke legezkoa, jaio ondoren ere, ala?