KGBa nagusi, errusiar polizia-estatuan
KGBa nagusi, errusiar polizia-estatuan –
Amatiñok bere blogean.
Catherine Belton kazetariaren kontakizun jariotsuak ez du ajerik, xehetasunetan lar lorrintzea baino; baina, edozein modutan, bilduma oparoa, oparoegia. Putinen jokamoldeak ez ezik, liburuak bilbatzen du errusiar belaunaldi oso baten nondik norakoa ulertzeko informazio-kutxa apartekoa. Fikzio sinesgaitza. Thriller peto-petoa. Baina, orobat, bertatik bertara dagoen errealitatea. Oilo-ipurdia jartzeko bestekoa.
Ez naiz ni liburu-mota honen zale. Aitortu behar dut ez nukeela sekula erosiko, aurreko martxoaren 25ean, ostiral gauez, ustekabean parean egokitu izan ez balitzait ETB2n, Mikel Reparazen aurkezpen eta guzti, “Putin: de espia a presidente” (BBC, 2020) dokumentala. Ordu erditxoren bat izango zelakoan, ia hiru ordu iraun zuen, beste horrenbeste ataletan. Mundiala. Aspaldian ETB2n ikusi dudan ekoizpenik interesgarrienetakoa eta, 22 urte lehenago (2000ko martxoaren 26ko errusiar hauteskunde-gauean) Putinek Yeltsini, Vitaly Mansky ekoizlearen kameraren aurrean (“Svidetely Putina”, 2018), kale egin zioneko grabazio bitxia, telebistan inoiz ikusitako gutxiespenik lotsagarrienetakoa. Benetako Putin ezagutzen hasteko lehen aurkezpen-txartel adierazgarria. Demasa.Ildo beretik, “Los hombres de Putin. Cómo el KGB se apoderó de Rusia y se enfrentó a Occidente” (Barcelona, 2022) liburua ia-ia da Putinen azken hiru hamarkadotako nobela entziklopedikoa. Catherine Belton kazetariaren kontakizun joriak ez du ajerik, xehetasunetan lar lorrintzea baino, baina, edozein modutan, bilduma naro eta oparoa. Putinen zertzeladak eta jokamoldeak ez ezik, Errusiaren belaunaldi oso baten nondik norakoa ulertzeko informazio-kutxa apartekoa iruten duen idazlana.
Errusia gure mendebalde honetako ekosistematik kanpo aritu izan denez, ia-ia ahaztu egin zaigu, Euskadin lau lehendakari kateatu ditugun bitartean, historia gogotik aldatu dela hainbat aldiz Moskuren galaxian: Mijail Gorbachoven Perestroika (1985), Berlingo harresiaren suntsiketa (1989), bi Alemanien batasuna (1990), Batasun Sobietarraren desegitea (1991), Boris Yeltsinek indarrean jarritako merkatu-ekonomia (1991-1999) eta Vladimir Putinek, “silovik” (1) deritzaten funtzionari-politikoen laguntzaz, berreskuratu duen polizia-estatu errusiarra.
Putinek prozesu hori guztia ezagutu du barrutik, ez baitzen alferrik KGBko polizia izan Dresden (Ekialdeko Alemania), lehenik, eta San Petersburgoko mafiaren ardatza, gero, Moskura heldu aurretik. Eta zera da, laburbilduz, Catherine Beltonek jasotako istorioaren muina, alegia: nola Gorbachoven Perestroikaren ondotik Yeltsinek banatu zituen Errusiaren ondare publikoak oligarken artean, eta nola Putinek txirikordatu duen isilpeko korrupzio-sistema sasilegezkoa, oligarkekin egindako itunaz: nik ez dizuet esango zelan eta zenbat aberastu nahi duzuen, eta zuek ez didazue esango nik zer politika egin behar dudan. Eta biak, mugarik gabeko aberasbidea zein batere kritikarik gabeko politikagintza, KGBren zelatan.
Putinismoa da Errusiaren trantsizio demokratikoaren porrotaren ondorioa. Errusiak ez dio etsi ahal izan inperio-tradizioari. Inperio monarkikoa izan zen tsarrena; inperio komunista, batasun sobietarra; eta polizia-inperioa, orain, Putin gudariaren gidaritzapean Errusiaren nazioarteko prestigioa berreskuratu nahi duena.
(1) “Silovik” deritzate, errusiar nomenklaturan, polizian, armadan edo bestelako segurtasun-indarren batean funtzionario izan ostean, politikan sartzen direnei. 2019 urtean 4,5 milioi “silovik” omen zeuden Errusian, lan egiteko adina duten hiritar guztien %6a.
-
ETB2k eskainitako BBCren dokumentala KGBa nagusi, errusiar polizia-estatuan
Errusiarfobiaren adibide garbia artikulu hau. Errusia estatu poliziala omen dela diote nondik eta EAEtik, Europako biztanleko polizia kopuru handiena duen txokotik. Ze maltzurra den Vladimir!
Bitxia iruditzen zait errusiarfobiaren kontu hori. Antisionismoaren parekoa iruditzen zait. Edozein kritika egin Israeleko edozein politikari eta , hara, antisemita zara.
Bestalde Putin benetako sekulako maltzurra, estatu kriminal eta ultraskuindar baten sortzailea: oligarken kapitalismoa, diktadura hutsa, izugarri marxista, homofoboa, konfesionala, bertako hizkuntza gutxituen jazartzen duena eta abar luzea.
Hori gutxi balitz , erregimen imperialista nazkagarria behin eta berriro inguruko herriak erasotzen dabilena: Txetxenia, Moldabia, Georgia eta orain Ukrainako sarraskiak.
Hitler berria da, Nurenberg bat merezi duena.
Dustuarra: zure errusiarren kontrako gorrotoa justifikatzeko argumentu serioagoak eman. Nik ez dut ezagutzen garbiketa etnikoak eta herritarren hilketa masiborik egin ez duen estaturik. Eta gaurko egunetan Ukrainan bere menpeko herritarrak masakratzen ari dena Zelenskiren errejimena da ez Errusia eta are gutxiago Donbass eta Luganskeko miliziak.
Saiatu zaitez gorroto horren jatorria bilatzen
Erramun, gorrotoa ezin da justifikatu (“delitua” litzateke eta). Gorrotoa Putinek eta bere kamaradek sortarazi dute, areagotu dute, otsailaren 24tik aitzina. Gorrotagarriak ez dira Errusiarrak, Ukrainaren izatea bera jasaterik ez duten inperiozale biolento eta krudelak baizik.
Ez omen duzu garbiketa etnikorik egin ez duen estaturik… eta ondorioz, denek inoiz edo behin egin izan dutenez, ez duzu gorrotoa sentitzeko motiborik. A, zure gogoetaren sendoa! Errusiak denazifikatu ahal luke Polonia ere bai, eta Baltikoko errepublikak ere, ziur-ziur bertako aginteek, Zelenskyren modura, herritarrak masakratzen dihardute eta etengabeki…
Joño, Polonia ez, NATOko kide da eta… Kasualitatea izanen da zuretzat, Eupartu diren errepublika horiek Ukrainarekin bat egin izana, bera lagundu eta anti-Errusia posizioa hartu izana…
Errusiak bi hilabete eskas behar izan badu Ukrainari sekulako hondamendia eragiteko, nola egonen ziren Donetsk eta Luhansk zortzi urtez jasan behar izan balituzte Ukrainako (balizko) erregimen faxista, nazi, masakratzaileak egindako bonba-jasa…?
Aitzitik ere, Zelenskyren erregimena pairatzen duten herritarrak Errusiaren aurka altxatu dira, bai eta kanpotik heldu diren batzuk; Ikusten ditugun irudiek eta bideoek ez dute zuk diozuna baieztatzen, kontrakoa baizik. Errusiarekin bat egin dutenak, Txetxeniako intelektual hori… Kadyrov izenekoa, eta Bielorrusiako morroia.
Errusiako propaganda gutxiago komeni da, gorrotoa eta maitasuna sentitu ahal izateko behintzat.
Eupartu –> Europartu
Mikel Haranburu, irakurtzen ikasi, irakurritakoa ulertzeko sekulako zailtasunak dauzkazu eta. Zuk zergatik gorrotatzen duzu Errusia? Ez dago zalantzarik gozatzen ari zinela Ukrainan Kieveko errejimena burutzen ari zen hilketa masiboekin eta Errusiako armadaren eskuartzeak bertako autodefentsako milizien laguntzarekin sarraski humanitario hori eteteko ez zaizula gustatu. Eta noski ez dutala sinesten Zelenskiren errejimenaren gerra krimenak izkutatzeko egiten dituzten montaje mediatikoa.Zer egin dizute Ukrainako errusiar hiztunak, hungaroak, ijitoak, ezkerrekoak euren holokaustoa hain modu patetikoan justifikatzeko? Eta bai estatu guztiek edo gehienek garbiketa etnikoak egin dituzte, eta Kieveko Errejimena ere horretan ari da 2014tik.Neurri batean nik konzientzia lasai daukat: nik ez diot botorik eman kriminal horiei armak eta dirua ematea erabaki duten politikoei.
Psikologian proiekzioa deitzen zaion mekanismu bat dago, batek besteari gaineratzen dio bat horrek egin eta egin asmo duena. Zelenskyren gerra krimenak Putinen gerra krimenen proiekzio birtual huts besterik ez dira. Ez Buchmako ehundaka erahildako zibilen antzean, horiek oso errealak dira, Putinek mezua argi utzi nahi diolako Ukrainiako herriari. Erresistitzen dena zulora doala zuzenean.
Buchako hildakoak Errusiako armada erretiratu eta hiru egunera azaldu ziren. Hildakoak agertu baino lehen Buchako alkatea azaldu zen eta ez zegoen gorpurik. Geroago Azov batalloikoak sartu ziren garbiketa egiteko, eta zinegotzi batek esan zien bezinoei etxetik ez irtetzeko. Asuntoa ez da esplikatzen silologismo merkearekin. Hildakoak errusiarren laguntza humanitarioa jasotzen ausartu ziren hiritar uktainarrak ziren eta hiltzaileak errusiarrak erretiratu ondoren Buchan sartu ziren azovstiak.Beraz gure artean gerra krimenak justifikatzen dutenak daude.
Eta noski, nik ez dut konpartitzen iruzkin hauetan isuritzen duzuen errusiar eta txetxenoen aurkako gorrotoa. Ze kalte egin dizue Kadirovek? Mariupolen asko maite dute.
A ze esplikazio polita! Ukrainiar beraiek hil dituzte beren herritarrak errusoei leporatzeko! Bai, Erramun, Francok arrazoia zuen, euskaldunok erre genuen Gernika, eta gero fatxistak errudun bihurtu nahi genituen…
Ikusten da inbasioaren kontaminazio akustiko-informatikoa barra barra iritsi dela Euskal Herrira.
Egia esan gerra honetaz oso informazio gutxi dut eta zalantza asko,baina harritzekoa da EHn bertsio ofizialarekiko kontrako jarrera oso hedatua dugula, fenomeno hau argi ikusten da gerrate honetan eta Covi-19aren kasuan.
Seinale ona ala txarra den norberak ikus dezala, baina beste komunitateetan ez dut uste jarrera antiofizialistak hain zabalduak daudenik.
Oso deigarria da ere bai trintxerismorako dugun joera edo txertoaren jarraitzaile sutsua edo ukazionista, donbass ekin elkartasun sutsua edo ukraniarekiko elkartasuna…
Batzutan ematen du gure ideien alde egon beharrean bestearenaren aurka gaudela.
Nik informazio zierto bat emango dizut, Putinek Ukrainia inbaditu duela eta Buchatik erretiratu behar izan duela. Eta ondorioz aurkitu direla hilotzak eta Amnistia Internazionalak errusiar soldaduek egindako zibilen erahilketak salatu dituztela.
https://www.amnesty.org/en/latest/news/2022/04/ukraine-apparent-war-crimes-by-russian-forces-in-bucha-must-be-investigated/
Baina Francoren informazioaren arabera, Gernika euskaldunok erre genuen.
Bueno Gontxal, Buchakoa argi dago ukrainiarren azioa izan dela.Maria Zaharovak ere eskatu dizue hiru egun horietako ekintzen froga.Amnesty erakunde horrek gezurra dio. Eta Gernikarekin antzekotasunik aurkitu nahi baduzue, hor daukazue Krasmatorskeko bonbardaketa.
Gure arazoez arduratu behar dugu? Bale, baina euskal hiritar pilo batek botoa eman die armak eta dirua bidaltzen dabiltzanei. Esan horiei muturra ez sartzeko inoren arazoetan.
Erramun: Errusiak, aldiz, Ukrainarren arazoetan sartzeko eskubidea eta bere herriari ere sekulako galerak eragiteko eskubidea eta are betebeharra du, ezta?
Egitateak ukatzea oso erraza da; baina ukazioak ukazio, poliki-poliki ipuin sinesgaitza eraikitzen ari zara.
Lehenik, nik ez dut Errusia gorroto, hain sinpleki esanda. Putin, Lavrov, militar asisinoak, Txetxeniar gerrazaleak… horiek denak gorroto ditut, otsailaren 24tik aitzina bederen. Sinesten dut hedabide guztiek erakusten dutena; Telegram segitzen dut, eta ezinezkoa da hedabide horiek guztiak ados jartzea muntaiak egiteko: zeren eta, muntaiak balira, Hollywood-eta historian gastatu duten dirutza baino gehiago xahutzen ariko baitziren.
Buchakoa Errusiarrek egin dute, zalantzarik gabe. Arma kimikoak, gutxi asko, Errusiarrek erabili dituzte. Berdin herritarrak hiltzea Ukrainako herri askotan, luze zabalean. Azov batailoia ez da Jaungoikoa, eta ez infinitua: ezin da izan Ukrainako toki guztietan salbaikeriak egiten. Ukraina nazi eta faxisten kabia izanen balitz, Errusiarena bezain armada handia izanen zukeen, eta Krimea aspaldi libratuko zukeen.
Ez duzu azaltzerik, nik irakurri eta ulertzeko moduan are gutxiago, zertara datozen Putinen mehatxuak. Ezin duzu azaldu zergatik Lituania, Letonia, Estonia, Txekia, Polonia, Georgia eta beste errepublika batzu Errusiaren aurka dauden aldi honetan behintzat, eta Ukrainarekin bat egin duten. Ez duzu azaltzerik zergatik Errusiak telebista bakarra duen, zergatik oposiziorik ez dagoen begien bistan, zergatik oposizioko jendea eta zientzialari batzu Errusiatik alde egin duten. Ez duzu azaltzerik zergatik nahasten diren agresio itzelgarri horretan gasaren inguruko geopolitika, Donbassen autodeterminazio eskubidea, “desnazifikazioa”, Ukrainaren existentziarik eza, Errusieradunen ustezko diskriminazioa, Kadyrov ameslariaren ibilerak…, non Ukraina den herritarrak zapaltzen dituen bakarra. Nahiz eta Ukrainatik kanpo bizi diren Ukrainar asko beren herrira itzuli diren armak hartzera.
Errusiak soldado gazteak eraman ditu Ukrainara, asko engainatuta, eta honez gero hogei mila inguru galdu, gehi Txernobilen tontolabarena egin zutenak eta hemendik urtebetera hilko direnak. Bideoak eta argazkiak ikusi ditugu, jendearen bizipenak, gertaeren kontaketak aditu ditugu, ehunka honez gero, milaka ez badira. Jende xehea da gehiena, Ukrainatik alde egin edo bertan geratu eta Errusiaren salbaikeria pairatzen ari dena.
Zergatik? Errusia orain hirurogei urteko atzerapenean bizi da, ez du jasaten Ukraina bezalako herrialde modernoagoa, Europan sartzear dagoena, eta oraindik bloke arteko lehian dagoela sineste du. Putin da inperioan buru izan nahi duena, Errusiako gaizkile mafiosoen esku dagoen aparatuaren buru jarri zen moduan, arerioak pozoinduz, kartzelaratuz, iritziak debekatuz.
Errusiarekin amesten duzuenok, utzi ordaindutako propaganda merkea irakurtzeari (Ekai Center) eta pentsatu mundu globalizatuan bizi garela, bertan bazi nahi ez badugu ere…
… Errusia zatitxo bat besterik ez baita, eta munduan beste dinamika asko baitoaz aurrera, beharbada gehienak ez onak, baina egiaz gertatzen ari direnak.
Nik irakurtzen zailtasunak izan ditzaket, baina itsukeria ideologikoa askoz okerragoa da, zinez…
Mundu globalizatuan bizi gara, Errusiak sekulako atzerapena dauka, ez dauka eskubiderik Ukrainan bizi diren errusiar hiztunen kontrako hilketa masiboak eteteko… Inperialismoak betidanik erabili dituen argudioak. Buchakoan kazetari otanisten zaborra irentsi…Ekai Center? Zer da hori?
Zuek amesten duzuen mundu mundializatu horretan errusiarrek ez daukate lekurik? Badirudi ezetz eta gainera asko maitatzen duzue Ukraina moduko estatu nazia. IV Reiha lortuko duzue?
Ezin dudala azaldu herri baltikoen, Polonia, eta guzti horien errusiar fobia? Azalpen bat daukat eta da euren etengabeko ezintasunen eta ahulezien errua errusiarrei leporatzen dietelako. Euren hezkuntz sisteman hori erakusten dietelako, gizarte autoritarioak direlako. Baina horrek ez du esan nahi ni horien alde jarri behar dudanik. Eta euren artean ere sekulako liskarrak izan zituzten. Ukrainarrek polakoak, juduak, errusiarrak akabatzen gustura ibili ziren. Eta herri horietatik atera ziren SSko boluntario krudel eta sutsuenak. Kopuru gutxiago nazioak dira baina horregatik ez dira beste inor baino hobeak.
Eta horiek errusiarrak gorrotatzen badituzte niri zer? Euskaldunok ez daukagu herri baltikoak, edo polakoak maitatzeko obligaziorik. Guri errusiarrek ez digute ezer txarrik egin. Alderantziz, 1936-7 ko gerran Eusko Jaurlaritzari lagundu zioten. Eta Stepan Banderaren ukrainiarrek ostera Gernika bonbardatu zutenen aliatuak izan ziren.
Erramun, zuk aipatu errusofonoen hilketak Putinen propagandaren intxaurretan bakarrik gertatu dira. Jarri oinak lur zoruan, Ukrainiako errusofono gehien-gehienak Ukrainiaren alde daude eta horregatik doa Putin Donetsk eta Luhansk konkistatzera, bereak ez dituelako.
Inperalismoa Putinena da, berak inbaditu du beste herrialde bat, mesedez, ez dezagun errealitatea hitz potoloen bidez desitxuratu.
Putin arrixku publiko bat da eta arriskurik handiena erruso beraiek pairatzen dute. Putin da munduko errusofoborik handiena (berak bidali ditu errusiar soldaduek justifikaziorik gabeko gerra batera beren buruak hiltzea).
Gontxal Putinekin daukazun obsesioa oso grabea da, eskatu txanda Gozakidetzan. Ibai Trebiño eta Mikel Askasibarren dokumental interesgarti bat daukazu 2015ean grabatutakoa eta ukrainiar errusohiztunen aurkako erasoak ondo jasota daude. Odessako sindikalisten erreketak ere bai. Zer gehiago nahi duzu jakitea? Dena dela errealitatea ikusteko itsuegia zara.
Nik Putinekin obsesiorik batere, berak du munduarekin eta Europarekin eta bere sarraskien kontura ari gara hemen hizketan. Errusofonoekin daukazun katramila piska bat da espainolek espainola Katalunian eta Euskal Herrian dutenaren antzekoa. Errusoek kolonizazio lan bipila egin dute inguruko herrietan horren aitzakiz inbasioak justifikatzeko. Inperioaren beste estrategia bat Ukrainiaren zapalketa zuritzeko asmoz. Zuk bai buru ondo jana duzu Putindarren propaganda itzelarekin. Inperio bat Euskal Herrian defendatzen, lotsagarria benetan.
Errusiarrek ez dute ezer kolonizatu,aitzitik ukrainiarrek sekula ez dute populatu estatu horren barruko territorioak. Ukraina estatu sobietar multietniko bat zen eta Maidaneko estatu kolpearen omdoren ukrainar batzuk, banderistak, Ii mundu gerran Hitlerrekin batera sarraskiak egiten ibili zirenen ondorengoak garbiketa etniko basati bati ekin zooten hungaroen kontra, errusiarfonoen kontra, polakoen kontra e.a.
Eta nahi baduzu parekatu españolak rusuekin eta euskaldunak ukrainarrekin, baina gauzak ez dira horrela. Hemen euskaldun nahiz español kolonoak Rusofoboak zarete. Danok “antinperialistak” eta ukronazien aldekoak.
Haranburu: Azov batailoia 100000 soldadukoa da, eta ez da batalloi nazi pribatu bakarra Ukrainako armadan integratu dena.
Errusiarrek Siberia osoa kolonizatu eta konkistatu zuten, tartariarrak egotzi zituzten Crimeatik eta Polonia, Ukrania eta herrialde Baltikoak oinperatu zituzten. Ukrainia nazio bat da eta hori izorratu nahi dute Errusiako inperialista berriek. Leninek konkistatu zuen Ukrainia. Stalinek ukrainiarrak eta errusiarrak miloika sarraskitu zituen Hitler etorri aurretik. Eta ehunka milaka ukrainiarrak beren kontrako partisanoak izan ziren.
Rusofobia bakarrik zure imajinazioan existitzen den mamu propagandistiko bat da, hitz potolo bat Putinen sarraskiak defendatzeko.
Ukraina nazio BAT da? Ez da egia, territorio horretan novorusoak, Transkarpatiako hungaroak, rusinoak,juduak,tartaroak, ijitoak…daude
Forora maila kultural minimo batekin etorri eta Putinen komodinak ez du balio. Oso ume agertzen zarie, infantilegiak zarete.
Bueltatu gaitezen artikulu honen mamira edo muinera. Errusiar Federazioa estatu poliziala omen da. Estatu guztiak dira polizialak baina EAEn 1000 biztanleko 7 polizia daude. Proportzio horrekin Errusian miloi bat polizia baino gehiago egon beharko lukete.Kopuru horretara ez da iristen inondik inora. Titularra bera maltzurra da. Ez da kazetaritza, propaganda rusofoboa baizik.
Ostia Erramun, estatu poliziala esaten denean, ez da esatera aditzen polizia asko dagoela biztanleko, baizik eta estatua bera poliziaren esku (KGB eta ondoren FSB) dagoela. Polizia, espioi eta hiltzaileen erakunde horrek maneiatzen duela estatua, eta horrekin batera, komunikazioa, hedabideak, joko politikoa (beraz, oposizioa, legebiltzarrak…). Putin txuskeroak hartu zuen boterea, aurkariak hil edo kartzelatu, eta libre utzi zituenak bere menpe ditu, diru truke.
Azov batailoiak 100.000 soldadu balitu, Urainako armadak hori bider bost eduki beharko zituzkeen, hau da, Errusiak halako bi. Eta horrenbeste diru gastatu izan balu armadan, orain Mosku konkistatzen ariko zen (benetako nazien jokabideari dagokion moduan, hain zuzen); Errusofonorik ez zen geratuko Ukraina osoan, baina Transnistria ere errusogabetuta egongo zen, Moldavia konkistatuta… tira, Ukrainako nazitasuna eta Errusiako demokrazia, bat eta bat hogeitabi tantura.
Errusiak gutxienez 60 urteko atzerapena dauka; blokeka jardutea, Kubako misilen krisia gertatu zenean garaikoa da; Errusiak, antza, ez du gainditu egoera hori. Gaur egun, globalizatuta zein ez, ez du zentzurik, blokeka egotea gainditu beharreko zerbait da. Bide horretatik, NATOk desegina behar zukeen aspaldi, eta Errusiak lortu duena, batetik, hura berrindartzea, eta bestetik, Ukrainari dagokionez, beste estatu zenbaitekin defentsarako ituna biilatzea, NATOn sartzea ezinezkoa duenez, estatu handiago batek nahi ez duelako, Errusiar Federazioak.
Zuk diozunez, Polonia eta besteak ere autoritarioak, Errusiafobiadunak, ezintasunean eta ahul daudenak dira, baina Errusia ez da ausartu Polonia inbaditzen, esate baterako.
“Ukrainarrek polakoak, juduak, errusiarrak akabatzen gustura ibili ziren”. Hain zuzen ere, Polonia lehena izan da Ukrainarrak hartzen eta laguntzen, eta Zelensky judutar jatorrikoa da. Bitxia da, ezta?
Ez ditugu herri horiek maitatu beharrik, ez eta maitatzeko beharra ere, ados; baina Errusia maitatzeko modurik ezin izan dugu, otsailaren 24tik aitzina. Historia kontuak aipatu dituzu, baina horiek ez dute oraina ezertara behartzen, ezta Putin Ukraina inbaditzeko agindua ematera, gezur artean izanik gainera. Ez ditzagun lehena eta oraina nahas. Gaur bertan Irpin hiriaren argazkia ikusi dut; historiako gertaerek ez dituzte ezertan behartzen Putinen “urbanistak” era horretan hiri bat desegitera behartzen, berdin Ukraina osoa birrintzera. Errusiak (Putinek eta bere 40 lapurrek) ez du jasaten ahal Ukraina bizitzea, are gutxiago haiek baino hobe bizitzera, Europar izatea, SESB desegin eta bera, Errusia, buru izandako inperioa errekara jo zuelarik. Baina
Errusiak ez du eskubide handiagoa inoren misilak “atarian” egon ez daitezen, Poloniak Bielorrusia morroiaren lurraldean egon ez daitezen baino. Ezin zaio aitortu Errusiari auskalo-zer-eskubide, beste aldeei (AEB, Txina, India, Iran…) aitortzen ez zaiena, ez eta geopolitikaren izenean ere.
Ukraina nazioa da, baldin eta Ukrainan bizi direnek hala nahi badute. Zehazki, Katalunyan, Euskal Herrian, eta Errusian gertatzen den bezala. Akaso Errusia nazioago da Ukraina baino? Soldaduen argazkietan, denetarik ikus daiteke: Moskuko semeetatik hasi eta Mongolia aldeko jendeak ere (sos batzuren truke urrutitik ekarraraziak, bestalde). Hain homogeneoa al da Errusiako nazioa? Hor ez al dago, berdin, ijitorik, tartarorik, eta aipatzen dituzun bestelakorik? Ala, Putinek guztiak garbitu ditu aurretik?
Pentsatzen nuen Nik Ukrainan lan egiten dutenek osatzen dutela Ukrainako herria… hemen bezala, ez al da?
Bestalde, gaur egun, ez joan den mendean, Ukrainan Errusieradunak badira, ez jakin Errusian Ukraineradunik baden, eta sarri askotan familia dira. Ezin ukatuzkoak dira familia harreman horiek; ez dira gutxi senideak Ukrainan izan eta Errusiaz lotsak daudenak orain…
Ukrainako naziei oraindik lan askotxo geratzen zaie; agian Errusiak ekarri dituen krematorioak opari utziko dizkie…
Errusiak ekarri dituen krematorioak ogia egiteko labe mugikorrak dira. Eta bai onartzen dizut oparia. Zurekin harrenanetan jarriko naiz. UPVn edo Iruñean?
Eta, labe horiek gabe, ezin dituzte baliatu Ukrainar nazien gas-kamerak? Gainera gasa doan dute…
Errusian badaude ukrainiarrak eta arazorik gabe bizi dira. Ukrainan ostera “eskandinabiar” jatorrikoak ez direnak oso larri bizi dira. Errusian ez daukate lege arrazistarik Ukrainan daukaten moduan. Estatu guztiak dira polizialak eta alde hortatik Pegasus ere hor daukazue Espainian bertan.
Espainian nazio bat baino gehiago daude eta Ukrainan nazio bakarra? Bo bo!
Eta Errusiak 60 urteko atzerapenarenak Haranbururen supremazismoa baino ez du erakusten. Arrazismoa finean.
Errusian ez dago lege razistarik baina Putinek noizbehinka Errusia ez diren herriak jan egiten ditu aperitibo bezala. Estatu guztiak polizia dute baina estatu polizialak Txina eta Errusiaren antzekoak dira, estatuaren kontra zer edo zer esan edo egin eta berehala gartzelara ala zulora eramaten zaituztenak.
Euskal Herrian nazio bakarrik ez dago, espainolak eta frantsesak ditugu ere. Ukrainiaren aniztasunak ez dio Putini inbaditzeko eskubiderik ematen.
Erramun:
Ukrainan nazio bakarra? Ez dakit, haiek erabaki behar dute, baina Errusiak batentzat hartu ditu… ez ditu bonbardatu bereiziz bata eta bestea… Ukrainaren existentzia ukatzen du, ez nazio batzu egotea. Txetxeniaren kasua da bitxia: autodeterminatu zen, baina Errusiak inbaditu eta sarraskitu. Orain, aldiz, Txetxeniarrak Putinen agindura,,, Donetsk eta Luhansk-en autodeterminazioa “defendatzera”…
Nire supremazismoa da esatea Errusiar Federazioa oraindik NATO duela begitartean, blokeak nahiago dituela bestelako mundu bat baino, non lerratzea gaindituta dagoen. Putin, KGBn hazitakoa, listoa baino motza dela esatea, sekulako eta zentzurik gabeko salbaikeriak egiten ari dela, bere aginduz, eta uste duela munduan zerbait garrantzitsua dela, non SESB pikutara joan zen eta inork itzuli nahi ez duen, morroi gutxi batzu salbu. Hori da nire supremazismoa. SESB inperioa desegin zenean, mafia eta kapitalisten esku geratu zen Errusia, eta armada eta arma nuklearrak mantendu zituzten, ekonomia mantendu beharrean. Orain Ukrainari ukatu nahi diote haiek egin ez zutena. Bai, ñabardura, gorabehera eta salbuespen guztiekin.
Baina ez dezagun nitaz hitz egin, horrek ez baitarama inora; mintza zaitez nire esanez eta iritziez, eta eman aurkako argumentuak eta arrazoiak.
Errusiak mendean nahi ditu Ukraina eta Bielorrusia NATOren eraso hipotetiko baten aurrean defendatu beharko lukeen lurreko mugaren distantzia murrizteko. Herrialde batentzat ezinezkoa da gutxi gorabehera 2.000 Km inguru duen muga defendatzea (Estoniako iparraldetik Ukrainako hegoalderaino + Norvegiarekin duen muga).
Ukraina eta Bielorrusia neutral utziz Errusiak NATOrekin partekatzen duen lurreko muga Norvegia, Estonia eta Letoniara mugatuko litzateke.
SESB garaian Errusiaren bihotza (Errusiako biztanleria pilatzen den zonaldea) defendatzeko beharra ikusi zuten eta horregatik Kaliningrado bereganatu, Baltikora errusiar etnikoak bidali eta Moldaviako Transnistria kontrolatu zuten.
Ukrainaren nazigabetzea eta Kremlineko bestelako esanak aitzakia merkeak eta barne-propaganda besterik ez dira.
NATOk Ukraina ezegonkortzea lortu zuen eta Bielorrusia eta Kazakhstan ezegonkortzen saiatu zen 2020ko eta 2022ko protestekin.
Xake partida baten aurrean gaude.
Begira Erramun (eta besteok), atzerapenaz esan dudana ilustratzeko, hona hemen esteka bat, non hegazkin eta helikopteroen erakusketaz gain, Errusiaren beste “erakusgarri” batzu ageri diren. Ea 60 urteko atzerapena ez den egiazkoa…!!
https://avia-es.com/blog/podborka-foto-s-krasivymi-styuardessami
Atzerapen kontu horrekin ez duzu ezer frogatzen, horrek ez dio kentzen Errusiari inongo balio moralik. Niretzat aberatsak edo aurreratuak ez dira pobreak eta atzeratuak baino hobeak. Iruzkin horietan, Haranburu, oso ondo erakusten duzu ze jende kastakoa zaren eta zergatik egiten duzun bat Ukrainako supremazistekin. Bildurra ematen duzue…
Erabat atzeratua dagoena eta nazionalki sal-ezina dena Errusia defendatzea da garai bateko Sobiet Batasunak bilbatzen zituen itxaropen miragarriak ordezkatuko balitu bezala. Sobiet Batasuna herrien gartzela zela argi gelditu da, herri batek bere atzaparretatik aldegiteko aukera izan duenean horrelaxe egin duelako. Gure Putinek garai bateko laguntasun internazionalistak biltzeko kapaza dela ikusita dago, beste gauza da inperio baten logika herrien logikaren gainetik jartzea, lotsagarria eta salagarria. Eta NATOren laguntzaz Ukrainiak errefusatuko balu Putinen abentura, ba oso ondo niregatik.
Ez nuen deus frogatu nahi, Erramun, ilustratu baizik. Dena dela, ikusitakoak ikusita, ezin kendu Errusiari balio moralik, besteak beste, ez duelako bat bera ere. Atzerapena atzerapen, Errusian badira aberatsak, ez pentsa, eta handiak, haien artean Vladimiro Putin; eta agian hori da txarrena bertan, aberats gutxi batzuk dena dutela, eta herri xeheak gutxi (soldadu batzuk edo asko diru truk joan dira Ukrainara, haiei bost axola nazitasuna zein ‘nazikeria’…). Eta egia esatera, nahiago ditut pobreak aberatsak baino. Kontua da Errusiako agintariek nahiago dutela Ukraina Errusia bezain pobrea, Errusia Ukraina bezain aberatsa baino, itxura guztien arabera.
Gainera, supremazismoak eraman dezake besteak gutxiestera, baina oraingoan ‘infimokeriak’ eraman du Errusia Ukraina deuseztatzera.
Gauza ezaguna da diktadoreak diktadore direla autoestimu eskaseko jendea delako, eta Putin horrelakoa da. Ez du Ukrainarrek bezainbeste humorea eta jendetasuna…!
Psikologismo merkeko iruzkin patetikorik ez! Mesedez. Putinen erabaki guztiak Dumaren babesarekin hartu dira. Eta zuek bidaltzen dituzuen armekin egindako krimenak aitortzeko gizatasunik izango duzue?
Pobreen eta aberatsen arteko manikeismo hori Errusia oligarka ex-komunisten paradisua denean eta gure Vladimir tarteko, iruditzen zait benetan patetikoa.
Errusiako Duma Putinen txotxongiloen zerrenda bat da besterik ez. Beren nagusiak esaten duena egingo dute, zer nolako erabakiak hartu, herri libre bat inbaditzea, adibidez.
Kriminal bat da, jende zibila milaka erahiltzen ari da orain bertan, herrialde osoak jan ditu.
Errusiar Federazioko Armada eta Donbasseko miliziak askapen nazionaleko borroka humanitarioa burutzen ari dira XXI mendeko nazismo eta inperialismoaren aurka.
Erramun, arrazoia zeinek duen erabaki duzu eta horren araberako informazioa besterik ez duzu sinisten. Segi ametsetan!
Erramunek: “Putinen erabaki guztiak Dumaren babesarekin hartu dira. Eta zuek bidaltzen dituzuen armekin egindako krimenak aitortzeko gizatasunik izango duzue?”
Ez al zitzaizun hobe geratuko “Dumaren erabaki guztiak…”, eta ez Putinen? A, jakina, Putinek erabakitzen du; eta aurka agertzen dena, zulora. Tori psikologismo merkea…
Asmakeriak utzi; “borroka humanitarioa” bezalako kontzeptuak oximoronak dira. Krimea okupatu zuen Errusiak, inbaditu, 2014an, inork ez baitu kontrakorik esan. Errusieradunak badirela bertan? Ados, eta Baleareetan Alemanieradunak; Krimeako Ukrainarrak askapen borrokan hasiko balira, beren kontura, zer izanen litzateke, nazismo ala askapen mugimendu?
Berriro ere, esan behar da; mendebaldeko estatuek Ukrainara bidali dituzten armak, Ukrainarrek defentsa egitekoak dira. Hain zuzen ere, NATOk ez du erasotu Errusia, ez eta Ukrainan dauden Errusiarrak ere, (zuen ustezko) Ukrainako nazi-faxistekin bat eginagatik ere. Areago, Ukrainak eskatu dituen hegazkinak ere EZ dituzte herrialde horiek bidali, atzo arte behintzat.
Ukrainako inperialismoa, zer da? Zer, Krimea Errusiarren esku izatea zortzi urtez? Errusia konkistatzeko planik ez izatea, edo armada askoz ere txikiagoa Errusiarena baino? Arma nuklearrak Errusiaren esku utzi izana? Europan sartu nahi izatea? Errusiako mugan herririk bat ere zafratu ez izana? NATOn sartu nahi izatea, Errusia etengabeko mehatxua delako, beste hainbat errepublikarentzat eta herrialderentzat den bezalaxe?
Batzurentzat Errusia totem bilakatu dela dirudi… baita Euskal Herriko zenbait abertzalerentzat ere: ez da kritikarik aditzen, eta balantzan Ukrainaren akatsak jartzen dituzte… otsailaren 23a arte aipatzen ere ez zituztenak… Berrian berri gutxi, Argian ere ez asko… Pablo Gonzalezen ingurukoak bai, sarriago… badaezpada ere, ala interes zerbait egon liteke?
Ondo dago Putini buruz han eta hemen zer dioten irakurtzea, baina bera nolakoa den jakiteko zer hoberik bere jarduna ikustea baino:
https://youtu.be/z0ZWgFFkVRQ
Atera kontuak.
Garai bateko indio eta bakeroen pelikuletan ume gehienek asko gozatzen zuten manikeismo merkearekin. Bakeroak oso onak ziren eta indioak oso txarrak, eta umeak bakeroekin identifikatzen ziren. Orain ume horiek zaharragoak dira eta disfrutatu egiten dute ukrainiar supremazistek disidente bat plastikoaz farola batera lotzen dutenean. Polita izan behar da ume aroan bizitzea.
Polita dena Sobiet Batasunaren azken metamorfosiari diozun mirespena, Erramun, miloika ukrainiar herritar Europatik alderrai dabiltzanean Putinen inbasioari esker.
Bai? Non ikusten duzu nire partetik miresmen hori? Irakurtzen ikasi.
Ikusten dudana da Putinen ikuspegiaren lorito bat zarela eta puntuz puntu defenditzen dituzula bere ekintza bidegabeak. Koherentziaz mirespena eduki beharko zenduke Putinek ordezkatzen duenari, KGBko mandatari ohia, oligarka ex komunisten nagusia, Sobiet Batasunaren lorien eraikitzailea… Horrek noski suposatzen du herrien eta Ukrainiaren gartzelero izatea, miloika ukrainiarrek ihes egin behar izatea Errusiako gudarosteak kanporatu egiten dituelako.
Oso zalantzan dago plastikoz bilduriko “hura” (batzuk izan ziren) zetrbaiten disidentea zen, ala Errusiarren laguntzaile, ala sinpleki, lapurra. Ipurdian eman zioten, bai. Disidenteak, Errusiarrekin bat egiten dutenak, fusilatu egin ohi dira gerra sasoian.
Ez dut uste, bestalde, hemen inork “onak eta gaiztoak” eran sailkatzen dituenik Ukrainan borrokan ari direnak. Gainera, urteekin ikasi genuen indioek beren lurra, beren Amalurra, defendatzen zutela, eta yankeeak harrapaketan ari zirela, Errusiarrak Ukrainan labadorak, iphoneak eta beste hamaika gauza lapurtzen dituzten bezala.
Berriro ere, otsailaren 24tik aitzina, astakeriak, izenik ez duten salbaikeriak eta burugabeko suntsiketak egiten ari direnak, Errusiarrak dira. Joditzearren, Ukrainarrei bizitzen ez uztearren, guztiak, ez soilik “supremazistak”, nazi ustekoak… inon ikusten ez direnak.
Esango nuke, gainera, ume aroan bizitzea bi sasoitan eman ohi dela: umetan, eta zaharretan. Eta Putinek, antza, zahartu samar egonik, haserretu dela ez delako egiten berak nahi duena. Eta hortaz, jostailua apurtzen ari da, berea ez delako…
Gaur Garan artikulua omen dago, NATOk nola Ukrainako naziak prestatzen, laguntzen eta sustatzen dituen… ziuraski ikerketa lan handia egina dute… horixe baita uneko kezka nagusia… Nire galderak hauexek dira: Zertarako izan nazi Ukrainan, non 43 milioiko populazio batek, armada eskasa izan eta ez duen Errusia bezalako “iraultza sozialista edo komunistaren paradisua” erasotzeko inongo asmorik, ez eta aukerarik ere? Zer supremazismo klase da nor bere etxean bizitzea ondokoaren mugetan sartu gabe? Errusieradunek Krimean, Donbass eskualdean, zer eskubide dute Ukrainak ukatzen diena, Espainiarrek Katalunyan edo Nafarroan dutena baino handiagoa? Hauek, Garako kazetariek ez dituzte erantzunen. Azaleko berria ez da Ukrainako sarraskia eta milioikako sufrimendua, etxegabetzea, birrinkeria, baizik eta Pablo Gonzalezen lekualdatzea…
Ni, ume zein zahar, Ukrainarren alde guztiz, Errusiarrak ohildu artino. Gero gerokoak.
Alde erantzira ulertu behar da Haranburuk dioena: lapurretan ari direnak ukronaziak dira, zibilak akatzen dituztenak ere bai, giza eskutuak darabiltzatenak ere eurak dira. Ukraina Ekialdean genozidio saio bat burutzen ari direnak ere bai. Juduen aurka ari direnak ere berdin. Mikel Haranburu, noski horiekin dago: umeak faroletara lotzen dituztenelin, Buchan Safari batalloiarekin opositoreak garbitzen sartu zirenekin, negoziatzaileak asesinatzen dituztenekin, egoitzetan kluster bonbak botatzen dituztenekin, Nikolaieven zibilak baitzen dituztenekin, Hitlerren eguna ospatzen dutenekin, Bandera goraipatzen dutenekin, giza organoen trafikatzaileekin, legez kanpoko biolaboratoriekin, ospital eta eskoletan izkutatzen diren soldaduekin, kazetari eta blogeroak akabatzen dituztenekin..
Haranburu guzti horren alde egon daiteke, baina bere diruaz, ez diru publikoaz.
Hi, Zalabardo: kontuz Z horrekin!
Zelensky judua da, ez dakit horretaz enteratu zaren, Erramun. Eta eskerrak zuri badugu Putinen desinformazioaren berri. Nola sinistu horrelako tipo zikin bati? Zu bezalakoek bakarrik sinetsi dezakete. Hemen gauza bat dago Euskal Herriko edozer karriketan topatu dezakezuna eta ukrainiar herbesteratuak dira. Beraiek esango dizute, bere etxeak hondatu dituztela, bunkerretan bizi izan behar dutela, ogibide eta bizibiderik gabe gelditu direla egun batetik bestera, errusiarrek lapurtu, bortxatu eta erahil egiten dituztela… Miloi batzuk badira horietakoak Europan zehar.
Beraz, ni gauza horien guztien alde nago? Navalny dagoen bezalaxe? Gerra burugabe horretan parte hartzeari muzin egiten dioten Errusiar militarrak dauden bezalaxe, desertzioa egin duten guztiak bezala? Marina Ovsianikova kazetaria bezala? Ziuraski Putinen aginduz hil dituzten Gazprombankeko burua bezala eta Sergey Protosenya gas enpresaria eta familia bezala? Lituania, Eslovenia, Polonia eta inguruko beste guztiak gauza horien alde dauden bezala?
Zeinen merkea den ergelkeriak esatea, e Erramun? Zuk esandako horiek, guztiak, gezur hutsak dira, eta Ukrainarrentzat iraingarriak, irakur balitzate.
Niri buruz horrelakoak esan bai, baina ez duzu azaltzerik, eta azaltzeko potrorik ere ez, zergatik zure hitzetako barrabaskeriak egiteko gauza den herrialdeak ez duen armada handiagoa, zergatik zituen hiri ederrak eta hamaika baliabide zibil (eskolak, ospitalak, denetarikoak, Errusiak hondatu dizkionak), eta diruak horretan gastatu, Transnistriaz jabetzeko, edo Krimea berreskuratzeko, edo Donbas erabat menpean hartzeko, armada indartsu eta sendoa eratzekoan baino.
Errusiaren gezurrak irensten dituzu, inongo oinarririk gabe, baina ez duzu pentsatzen denak batera ezinezkoak direla. Estatu edo nazio nazi batek ez duela bilatzen eta are gutxiago aurkitzen inguruko estatuen laguntza eskuzabala, eta, gutxienik, era horretan erasotua den estatu nazi batek, harrapatzen dituen Errusiarrak berehalakoan hil, erre eta haien hondakinak erakusten lituzkeela; Ukrainak egin ez duena. Eta Errusia gehiegi balitz, Bielorrusian sartu eta sarraskiak egin…
Hori dena ez dute egin Ukrainarrek; argazkietan eta bideoetan, jendea, animaliak, hiriak zaintzen dituen Ukraina ikusi dut. Errusiarren aurka alaitasunez, umorez eta eskuzabal ibilki dena. Errusiarrek eragindako kalteak… 43 milioi Ukrainar kale gorrian eta esku huts uzteko saiakera. Oraindik ez dakite, Errusiarrek, naziak hiltzera joan diren, labadorak lapurtzera, Donbaseko errusofonoak babestera, eraikin ederrak eta edonolako azpiegiturak birrintzera, gas negozioa handitzera, NATOren misilak jartzea eragoztera, Txinarendako morroi lanak egitera, Putinen kakak garbitzera, behingoz Krimeaz jabetzera… ala zertara deabru joan diren. Erdiak engainatuta, beste erdiak ongi ordainduta. Bejondegiela; honez gero, ia 22.000 Errusiarrek ez dute erantzunik aurkituko.
Bitartean, Euskal Herrian, geopolitikaz arduratzen eta jakintsu omen direnak mutu… ez bada Ukrainaren trapu zikinak arakatzen…
Potrorik? zergatik izan behar dut potrorik? Zure lagun ukrainiar irainduak dira errusiar armadako soldaduak kastratzen dituztenak eta! Donbass, Krimea, Jerson, kharkov, Odessa, ez dira Ukraina historikoaren parte inoiz izan. Bukovina eta Besarabia Errumaniari kendutako territorioak, Transkarpatia Eslovakiari, Liiv/ lemberg Poloniari. Ukraina ez da estatu legitimo bat bere menpean dauden herriak menperatzen eta desagertarazten dabilena. Ukrainako errefuxiatu askok alde egin dute Maidaniten gehiegikeriak ezin dituztelako jasan. Eskolak aipatzen dituzu, bale baina badakizu debekatu egin dutela errusiar, hungariar eta errumaniar eskolak? Erlijio ruso ortodoxoa ere debekatu egin dute eta kulto horren apaizak jazarpena nozitzen dute. 43 miloi ukrainar kale gorrian? Hori egia bada neurri handi batean da ukrainiar armada eremu erresidentzialak bonbardatzen dituztelako. Nortzuk dira Donbassen sarraskiak egiten zituztela ez dakiten ukrainiarrak? Nortzuk dira SS Galiziari omenaldiak egiten zaizkiela ez dakiten ukrainiarrak? eta alderdi politikoak debekatu dituztela ere ez dakite, Tornado batalloiaren umeen bortxaketaz ere ez? Ez zioten entzun Poroshenkori Ekialdeko errusiar hiztunen umeak ez zutela eskolarik izango eta sotoetan gorde behako zirela? Eta nork esan dizu ez dakitela desnazifikatzera joan ote diren? Ez dakite Zelenskik kondekoratu egin duela Odesako sindikalisten erretzea zuzendu zuen komandantea? Ez dute ikusten errusiar umeak akabatzeko deialdi telebisiboak? Edo Transkarpatiako hungaroak kanporatzeko zerrendak?
Nik ikusi ditut, aparteko ahaleginik egin gabe.
Haranburu: jarraitzen duzu egoera hau indio/bakeroen pelikula amerikanoen eskemekin ikusten. UPVko degradazio akademikoaren beste adibide baten aurrean gaude?
Ukrainia maila batean eraikuntza sobietako bat izan dela argi dago. Beste gauza bat da bertako jendeari galdetu beharko litzaiokeela ea nahi dituen Putinen tankeak bere etxeko portxeetan. Erantzuna nik uste dut argi gelditu dela. Putinek uste zuen lorez eta txilibituz errezibituko zituztela bere soldaduak eta ez da horrela izan, kontrakoa baizik.
Ordenamendu sobietiko horrek suposatu du errusiar jende multzoa dagoela errepublika guztietan. Badakigu zertarako egina zen hori, errusifikazioa indartzeko asmoz. Sobiet Batasunak egindako demasiak aitzaki hartzea Putinen interbentzioa justifikatzeko benetan tamalgarria iruditzen zait. Ez da nahikoa ikustea ukrainiarrek, baita errusofono gehienek ere, armak eskutan erresistentzia egiten diotela gudaroste indartsu bati? Erlijo ruso ortodoxoa debekatu dela? Zenbat gezur entzun behar ditugu? Ortodoxo ukraniarrak inbasioaren kontra jazarri dira.
Nik dakidana eta nire begi hauekin ikusten dudana zera da, nire herriko kaleetan jendea datorrela errefuxiatu gisa eta kontatzen dituen kondairak ez dute zer ikusirik Erramunek planteatzen dituen ameskeri horiekin: miloika atera dira Ukrainiatik esku bat aurrean eta bestea atzean. Errusiar umeak akabatzeko deialdi telebisiboak? Aizu Erramun, ze planetan bizi zara? Hemen hiltzen ari diren umeak ukrainiarrak dira, gerra hastapenetik. Mesedez, ez adarrik jo.
Liiveko katedratiko hispanista batek egin zuen TV3en, errusiar umeak akabatzeko deia, Ukrainako telebistan 2015ean ikuskizun artistiko batean ume errusiar baten sakrifizioa antzeztu zuten. Slovodako udako kanpalekuetan hori eskatzen dute.Poroshenkorena oso ezaguna da. Eta ukronazien kontrolpeko lurraldean asesinatoak ohikoak dira, zergatik ote?
Antzespenak antzespen eta jakitea ea hispanista horrek dioena egia den. Egi puroa dena ehunka ume ukrainiarrak erahilak izan direla Errusiako bonbek eta soldaduek eragindako sarraskiengatik. Horiek dira benetako gauzak eta ez esames konproba ezinak.
Gontxal fanatiko bat haiz eta egia ez duk jakin nahu baina Ulrania 24telebistan Farudin Shamalksakek ume errusiarrak exterminatzeko deia egin zuen. EGIA da….eta ados hago bestela ez huke hain setoso jokatuko. Konprobau eta erantzun
NIk ez dut zutaz ezer esan beharrik zer zaren agerian uzteko. Miloika pertsona ihes dabiltza Europan zehar, ehunka ume erahilak izan dira, hiriak txikituak, zibilak akabatuak eta zu mintzo zara hispanista batek telebistan ikusitako antzespenari buruz. Heriotz errealetaz hitzegiten ari gara eta ez norbaitek aipatutako alegietaz.
Potroak izatea ausardiaren sinonimo baldarra besterik ez da, egia. Alabaina, ez duzu ausardiarik azaltzeko edo aitortzeko Ukrainak nola ez duen sosik gastatu naziei dagokien moduko armada eratzen, ez eta Errusiar umeak akabatzeko gas ganberak eraikitzen, eta bai eskolak, parkeak, kultura azpiegiturak sortzen eta, hitz batez Europartzen.
Halakok eta halakok zer esan zuten, behin, ez dute errealitaterik sortzen. Errusia, Putinen gezurrak adierazi eta gero, errealitateak suntsitu besterik ez da egiten ari.
Ukrainar askok Errusia gorrotatzen dutela? Jakina, historian egindako gauzek eragina izaten dute. Errusieraz mintzatzeko gogoa izanen al dute Ukrainarrek hemendik… ehun urtera ere? Ez dut uste. Errusiak ez du inoiz eskubiderik izan bere hizkuntza ezartzeko, ez Ukrainan, ez Transnistrian, eta ez Krimean. Ukrainak eskubiderik ez duen bezala berea Moskun ezartzeko.
Egia esatera, aurrekoetan Errusiaren atzerapena aipatu nuenez, Errusiaren aldi historikoa iragan da. Lehen Sobietar Batasunean harekin zeuden errepublika askok bizkar ematen diote orain; Bielorrusia eta Putinen erasoan diru truke ari direnak izan ezik.
Ez esan Ramzan Kadyroven Txetxeniarrei, edo eta Wagnerlari hiltzaileei, axola zaienik Errusierazko eskola eta aipatzen dituzun gainerakoak… Bada, horiek ari dira Putini laguntzen… hara, bizirik irauten dutenak…
Nola interpretatzen duzue Txinarekin sinatutako akordioaren ostean Solomon uharteei Amerikako Estatu Batuek eginiko ohartarazpena, blokeen mundua gaindituta dagoela diozuenek?
Kuriositatea dut.
Tira, interpretatu… nik ez dut interpretatzen… baloratu bai: gaizki. Alabaina, aspalditxoan mintzatu garen gaia SESB/AEB aurkaritza zen, ez hainbeste Txinarekikoa. Dena dela, blokeen mundua gaindituta dagoela nik behintzat ez dut esan, ez eta adierazi ere; esan dudana, hori bai, Errusiar Federazioak horretan jarraitu nahi duela, NATO begien artean jota, eta gainditu beharreko zerbait dela, gerra hotzaren garai gorena orain hirurogei urte iragan baitzen. Izan ere, EF “nahiko” Europartuta zegoen (bere McDonald’s eta guzti), eta Putinek eta enparauek berriro ere gerra berora jo dute; gaizki. Ondoren, gerra hotza etorriko den izua dago, baina Txina tartean sartuta, beste gerra hotz bat egonen da bazterretan…
Bestalde, jakin badakigu “potentzien” interesak barreiatuta daudela mundu guztian, eta horrek mehatxuak eta “defentsa” gastu handiak dakartzala. Hori da gainditu beharrekoa. Ukrainak Errusiaren gastuaren hamabitik bat gastatu zuen armatan 2021ean, baina bloke horrek, EFk, gastatutakoa ederki xahutu nahi izan du. Txinak AEBrenaren erdira ez da iristen, baldin eta datuak fidagarriak badira.
Azkenik, gogoan izanen duzunez, gerra hotzaren garaian AEBetan lehenengo kolpea eman beharraz eztabaidatu zen, eta askok baietz, deus esan aurretik ere SESB erasotu beharra zegoela, aurrea hartzeko… Ez zuten hala egin; Putinek, ordea, gezur artean, nolabait egin egin du.
Planeta nola berotzen ari zaigun, nahiago dut gerra izoztua!
Gastu militarraz ari bagara, NATOko herrialdeek munduko gastu militarraren %51 egiten dute. Errusiako federazioak %3.
2021an, AEBk 809 mila milioi bideratu ditu gerra gastuetara, Txinak 293 mm, Errusiak 65’9 mm, eta Alemaniak 56 mm. Pertsonako, Alemaniak gehiago gastatu du defentsan Errusiak baino. BPGari begiratuta, ez, noski.
Putinek 2001ean AEBei lankidetza osoa eskaini zien I-11-ko atentatuen ostean, eta hor daude Bush eta enparauen adierazpenak, Putinen “mendebaltartzeari” buruzkoak. NATOn sartzeko aukera ere mahai gainean jarri zuen Putinek 2000an, AEBk irmoki eta sutsuki ukatu zuena. Putinek ez zuen apurtxo bat ere gelditu estatuaren pribatizazioa, eta mendebaldeko konpainiei Yeltsinek baina zabalago ireki zizkien ateak. Hemeroteka hor dago, eta ikusi zer zioten Europako medioek Putini buruz 2000-2004 urteetan.
Bitartean, zer jaso zuen ordainetan Errusiak? NATO ekialdera are gehiago zabaltzea, 2004an herrialde baltikoak, Bulgaria eta Errumania. 2009an, Bosnia-Herzegovina eta Albania. 2017an, Montenegro, 2020an, Mazedonia.
Eta, zuri ez dakit, baina niri erabat normala iruditzen zait bere etsai nagusitzat Errusia daukan NATO (munduko gastu militararen %51, gogoan izan) Moskura hurbiltzeak Errusia kezkatzea. NATOren hedatze bakoitza irmoki salatu du Moskuk. Kasorik ez zaio egin. Azkenean, NATOren hedapena salatzeaz gain, inperioek darabilten hizkuntza erabili du: aldamenekoa inbaditzea. Zilegi da? Abertzale naizenez, argi dut ezetz. Ulertu dezaket? Bai, noski.
Hemen, nekatu arte errepikatu da Ukraina burujabea dela bere aliantza militarrak egiteko. Baina, hara non, Solomon Uharteek horixe bera egin dutenean, zer eta Ukrainaren burujabetza eta askatasun absolutua babesten dutenek, ohartarazpena egin diete, eta erantzuteko eskubidea dutela gogorarazi.
Eta zer, eta munduko bakea arriskuan Errusiak jartzen duela entzun behar dugu, gastu militarraren %3a besterik ez denean beraiena. Gezurra eta hipokrisia libre dabilkigu.
Gerra hotz berriak kezkatzen zaitu, ni gerra beroak kezkatzen nau. AEBk Errusiarekin jostatu nahi badu, jostatu dezala Alaskan, ez Europan. Zu prest zaude Ukrainaren independentziagatik armak hartzeko? Ni ez.
Sar gaitezke Zelenskik bozak errusiar hiztunen botoekin irabazi zituela, NATOn sartu aurretik erreferenduma agindu eta Errusiarekin harremanak bideratzeko hitza eman ondoren. Boterera iritsita, edo ez du emandako hitza bete nahi izan, edo, ziurrenik, ez diote utzi, eta NATOn sartuko zela esan zuen publikoki, erreferendum gabe, Errusiaren erantzuna ekarriz.
Inperioen jostailu izan da Ukraina, eta 2014tik bederen (estatu kolpe bat tarteko, Ukrainako konstituzioak ezartzen dituen gehiengoak errespetatu gabe kargugabetu baitzuten Yanukovich, quorum gabeko parlamentu batek), gustura parte hartu du jokoan. Orain lantuak eta negarrak, eta “mendebaldeak abandonatu gaitu” kexak. Zer uste zuten ba? Ibili…
https://www.sipri.org/media/press-release/2022/world-military-expenditure-passes-2-trillion-first-time
Ba ote!-k: “Gastu militarraz ari bagara, NATOko herrialdeek munduko gastu militarraren % 51 egiten dute. Errusiako federazioak % 3”.
Bai, atzo ikusi nituen datuok prentsan. Interesgarria da Alemaniaren eta Errusiaren datuak alderatzea, BPGaren ondoan. Izan ere, Errusiaren ekonomia ez omen da Espainiarena baino handiagoa (gu barne ote?), baina populazioa ia halako hiru. Beraz, Errusiako Federazioak % 3; populazioa, berriz, planetakoaren % 1,85 inguru. Alde horretatik dagokiona baino gehiago xahutzen ari da, bistan denez.
Beste kontu bat da gastu horiek zertan gauzatzen diren; hau da, errazimo bonbak edo kimikoak fabrikatzen diren, balak, tanke berriak ala SESB garaiko tankeak mantentzen, hegazkin modernoak ala lurreko minak, dronak ala irismen handiko misilak … Ez dakit, izan ere, AEBk baliatzen duen dirutzan sartzen diren soldaduei ematen dizkien opariak ere…
Dena dela, zer ez ote zuen Putinek gastatuko NATOn sartu izan balitz 2000an? Inguruko herrialdeak zerrendatu dituzu, NATOn sartuz joan direnak… baina ez dakigu zehatz-mehatz zein izan diren arrazoiak… Ukrainak ere sartu nahi zuen, eta ezetz, baina NATOz kanpoko herrialdeen babesa eskatu du (Israel, Turkia, Japon?); zergatik, badakigu ongi orain, bai.
Moskurentzat NATOko herrialdez inguratua onartezina, jakina. Gauza bera esan genezake Varsoviarentzat, Bielorrusia eta are Errusia bera ate ondoan du eta. Baina Errusiari aitortzen zaion prerrogatiba ez zaie besteei aitortzen, edo aitortu nahi.
Ni armak hartzeko prest, ez nago, une honetan, ez Ukrainaren independentziaren alde (oraindik ez du galdu) baina ez Salomon Uhartearenaren alde, batez ere oraindik inork okupatu ez baitu. Hori bai, AEBk Salomon okupatu baleza, hala Ukrainaren kasuan egin bezala eginen nuke.
Egingo ez nukeena, Ukrainak, Zelenskyk, gauzak gaizki egiteagatik eta eginagatik ere, arrazoia bilatu Errusiaren krudelkeriarentzat, non “munduko bakea” arriskutan jarri baino gehiago, Ukraina lotsagabeki sarraskitu eta munduari, hori guztia ebitatzen saiatzen bada, mehatxuka dabilen, bakea bukatu baino mundua bera bukatzeaz. Ez diotelako kasurik egin-edo.
Ukrainak bezain gaizki egin dute beste batzuk ere, dudarik gabe, baina Errusiari-Putini ez zaio otu inbaditzea eta ahalik eta gehien birrinduta uztea.
Mikel: Esan zaidazu non justifikatu edo arrazoitu dudan ukrainako inbasioan errusiarrek erabilitako krudelkeria.
Hara, espainiarrei eta frantsesei euskaldunoi onartzen ez zaiguna onartzen zaie: estatu propioa. Varsoviak nahiko luke errusiarrak aldentzea, baina ezin du, guk estatu bat eduki ezin dugun bezala. Geopolitika alua da, eta herrialde handiek txikien etorkizuna baldintzatzen dute (herrialde txikiak arma atomikoak garatzen ez baditu, Ipar Korea kasu. Nola aldatu den narratiba Pyongyangek Kalifornian bonba nuklearra jartzeko gaitasuna duela erakutsi duenetik…).
Ni ez naiz inperio zalea, eta Putin oso estimu txikian dut. Baina horrek ez narama besterik gabe onartzera errusiaren jokaera irrazionala dela. Ukraina oso joku arriskutsua jokatzen hasi zen 2014an. Estatu izateak bere erantzukizunak dituela ebidentea iruditzen zait. Estatu batek ez dauka “Madril” bat, errua botatzeko. Estatua bere erabakien erantzule da. Errusiak bere segurtasuna zalantzan ikusi du, eta tradizio inperial betikora joz, militarki konpondu nahi izan du auzia. Ikusteke dago ondo aterako zaion.
AEBk ukraina erabili dutela, eta jarraitzen dutela, ebidentea iruditzen zait. AEB prest dago azken ukrainarra arte jokatzeko. Noski, hiltzekotan bere herrialdetik milaka kmra daudenak hilko dira. Horrela nik ere bai…
Zergatik jo du Errusia soluzio militarrera? Ikusi duelako bere mugetan AEBk babestutako estatu kolpe bat gertatu dela, eta ez duelako hori onartuko. AEBk Kuban misilak onartu ez zituen bezala, edotan Solomon Uharteen eta Txinaren aliantza onartu ezin duen bezala. Gustatuko zaigu edo ez, baina, “Alua, mundua!”.
Gastuak konpara daitezke BPGaren arabera, edo herrialdeak dituen km karratuen arabera, edo populazioaren arabera… AEBk gastatzen duenaren aldean, Errusiarena huskeria bat da.
Azken detailetxo bat, Turkia NATOn egon, badago.
Nik uste dut ezin zaiola Errusiari jokua egin esanez normala dela oso kezkatua egotea NATO aldamenean duelako. Putinek Ukrainia eraso du pentsatzen duelako europarrak eta NATO kakati batzuk direla eta ez zirela kapazak Ukrainia babesteko. Kalkulua gaizki atera zaio baina sentimendua horrelakoxea zen. Dena dela, niri bost axola Errusiak dituen kezkak edo psikoanalisi arazoak. Inperio bat izan behar duela eta abar. Bere ekintzez juzkatu behar dugu eta argi dira horiek.
Herri errebolta bat Maidanekoa bezalakoa “estatu kolpetzat” hartzea azkenean Errusiaren narratiba zikoitza eta erasoaren justifikagarriaren alde agertzea da. Eta bai Errusiak oso gutxi gastatuko du armetan NATOrekin konparatuta baina atzo 40 miloietako estatu bat eraso zuen, bere presupostu txikiarekin.
Herri erreboltak eta kontuak…
Hara, ukrainako konstituzioaren 111 art.-ak Presidentea kargugabetzeko ezartzen duen bidea ez zen errespetatu Yanukovich kargugabetu zutenean. Konstituzioak argi dioenez (112. art.-a), Presidentea kargugabetzean Parlamentuko Presidenteak hartuko du kargua, hori ere ez zen errespetatu (noski, Yanukovichek 2010an HAUTESKUNDEAK IRABAZI zituenez, Parlamentuko burua ere bere alderdikoa zen), inolako oinarri legalik gabe Parlamentuko Presidentea dimititzera behartu, eta Aleksandr Turchinov jarri zuten bere ordez otsailaren 22an, Yanukovychen ostean Presidente bilakatuz. Hori, euskaraz, frantsesez eta alemanez estatu kolpe bat da.
Ez hori bakarrik: Victoria Nuland AEBtako Estatu Azpi-idazkariak berak onartu zuen 5.000 milioi euro bideratu zituztela Euromaidan delako finantzatzera. Herri errebolta? Bai, 1953an Iranen Mossadegh kendu zuen bezain herrikoia izan zen Euromaidana. CIAren herri errebolta. Pinocheten herri errebolta.
https://www.youtube.com/watch?v=rPVs5VuI8XI
Ez hori bakarrik, Euromaidan herri mugimendu horrek gutxienez 36 pertsona bizirik erre zituen Odessako Sindikatuen Etxeari su ematen.
https://www.lavanguardia.com/sucesos/20140503/54407508295/hallan-36-cadaveres-en-casa-de-los-sindicatos-en-ciudad-ucraniana-de-odessa.html
Ez hori bakarrik, Kieveko Euromaidanean egon ziren tiroketen jatorria ez da inoiz argitu, eta Ottawako Unibertsitateko ikerketa batek ondorioztatu du tiroak euromaidanak kontrolatutako eraikinetatik etorri zirela. https://www.researchgate.net/publication/266855828_The_Snipers%27_Massacre_on_the_Maidan_in_Ukraine
A ze herri errebolta, aurka duen jendea bizirik erre eta bere jende propioa tirokatzen duena…
Iturriak, ikusiko zenuen, ez dira Sputnik edo Russia Today. La Vanguardia, Ottawako unibertsitatea eta zuzeneko bideo bat baizik (Putinistak denak).
Hortik aurrera, analisiaren maila “Putinek uste zuen NATO “kakati” bat zela” bada, ba ederki.
Beste ikuspegi bat emango dizut Maidaneko ekintzetaz, Yakunovich-ek Ukrainia Europatik urrundu eta Errusiari lotu nahi izan zuen, herri errebolta bat gertatu zen, eta herri mugimendu horrek kanporatu zuen Yakunovich Putinen altzoan errefuxiatu zena. Gerora hauteskunde libreak gertatu dira eta Ukrainiako herria bere borondatea erakusteko gauza izan da.
Putinek ere akaso usteko zuen Ukrainiakoa fartsa bat zela, CiAk finantziatutako fikzio bat, baina noski Putinen tankeak herri erresistentzia potente batekin topatu dira. Bai noski Maidanekoek bere kontra bota zituzten tiroak, Putinen etsaiek beren buruak pozoindu zituzten eta Putinek ez, Zelenskyk inbaditu du Ukrainia.
Ikusten dut oso jakituna zarela Putinen narratiban Maidanen arazoari buruz.
Ze Putin, eta ze putinondo! Ottawako unibertsitateak esan du Euromaidaneko tiroketena. Zeinen tristea den kontraargumentu bakana “Putin” izatea. Uste duzu akaso ez dakidala Putin hiltzaile bat dela?
Portzierto, zuk jakingo duzu Estatu Batuek beren Maine ontzia urperatu (eta bere 266 soldadu hil) zutela Habanan Espainiari gerra deklaratzeko aitzakia izateko, ezta? Badakizu Northwood operazioa delakoaren bidez, AEBk abioi bat bahitu eta lehertzeko asmoa zutela, gero Kuba akusatzeko? Irakurri ezazu Kermit Roosevelt CIAko agenteak 1953an Mossadegi prestatu zion estatu kolpearen inguruan, ea zerbait ikasten duzun, eta Euromaidanarekin antzekotasunik topatzen ez baduzu, potea nire kontu. Uste duzu bandera faltsuko ekintzak XXI. mendean asmatu direla? Erromatarren garaitik baliatu dute inperioek bandera faltsuko erasoa, nahi dutenari gerra deklaratzeko. III gerra punikoan Erromar Kartagoren eraso bat asmatu zuen. Sinesgaitza benetan, batzuen inozentzia.
(Odessako Sindikatuen Etxekoek beren buruari eman zioten su, noski.)
Yanukovichi buruz, zer esan: errusiarzalea zen hauteskunde bidez hautatu zutenean, eta bozen %48’95-ekin iritsi zen postura. Yulia Tymoshenkok (%45’47a lortu zuenak) hauteskunde emaitzak aurkaratu zituen, baina gerora erretiratu egin zuen errekurtsoa, eta emaitza onartu. Yanukovichen botoak Ukraina ekialde eta hegoaldetik jaso zituen bereziki, eta Tymoshenkok Mendebalde eta iparraldetik. AEBk onartu zuen 5.000 milioi bideratu dituztela Euromaidanera, eta benetan nahi duzu sinestea herri errbolta espontaneo bat izan zela?
Hemen Poroshenko Ukrainako presidente zela (2014ko estatu kolpearen ostean, eta alderdi komunista ilegalizatuta boterera irtsi ostean), Donbasseko errusiar hiztunei buruz hizketan: https://www.youtube.com/watch?v=RpZusD92rrg
Inglesez ez badakizu:
“Guk lana izango dugu, haiek ez. Guk pentsioak izango ditugu, haiek ez. Guk haurrentzako, erretiratuentzako, jendearentzako zaintza izango dugu, haiek ez. Gure umeak haurreskoletara eta eskoletara joango dira, haienek sotoetan bizi beharko dute, ezer egiteko gauza ez baitira. Horrelaxe irabaziko dugu gerra hau.”
Hitz egingo digu SBU, ukrainako zerbitzu sekretuek otsailetik desagerrarazi dituzten intelektual, unibertsitate irakasle eta politikariei buruz?
Putin kaka!
Ba ote!, gaur bertan irakur dezakezu Odriozolaren artikulua Berrian; hizkuntzaren gaia Ukrainan, baina Errusiaren erabakiez, nola joan den azken pare bat mendean. Hori ere historia da, kontuan hartzeko historia.
“Mikel: Esan zaidazu non justifikatu edo arrazoitu dudan ukrainako inbasioan errusiarrek erabilitako krudelkeria”.
Gaizki adierazi banuen ere, esan nahi nuena ez zen krudelkeria arrazoitzea, are gutxiago justifikazioa, baizik eta inbasiorako arrazoiak bilatzea.
Estatu propioarenaz: ez dakit ongi ulertu duzun. Ez nintzen besterik gabe batzuri bai eta besteri ez aitortze hutsa planteatzen ari, baizik eta norberak bati halako prerrogatiba esleitzea (Errusiari), eta besteari ez (Polonia, kasu).
“Zergatik jo du Errusia soluzio militarrera? Ikusi duelako bere mugetan AEBk babestutako estatu kolpe bat gertatu dela, eta ez duelako hori onartuko”.
Egia esatera, zure esapideak bai ekartzen dit gogora inuxentzia… logika horretaz, inguruan balituzke beste herrialde batzuk inbaditzeko zain… ala arazo “bakarra” da AEB atzean izan zela?
Zer dute Errusiako mugek ondoko estatuan gertatzen dena “onartzeko” ala ez? Soluzio militarra? Noren soluzio, noren eta zein arazorentzat?
Euromaidan, Odessa, hauteskunde kontuak; bai, ez dut inongo arrazoirik horiek kontuan ez hartzeko, historia diren aldetik, baina ez (berriro diot; beste iruzkinetan esana dut) otsailaren 24tik hona Errusiar Federazioak, gehi Bielorrusiak, Wagner enpersak eta Raduyeven mertzenarioek, besteak beste, perpetratu duten eta perpetratzen jarraitzen duten krimenaren ondoan, arrazoiak bilatzeko edo nolabait balantzan jartzeko. Bidenabar, esan dezadan Bielorrusia estatu independente gisa, Wagner enpresako borrokalariak eta Txetxeniako Raduyev abenturazaleak ez direla, antza, demokrazia puru eta garbiaren eredu nabarmenak…
Ez zaituztet denak zaku berean sartuko, baina sumatzen dut nik abertzalerian Ukrainako historiaz asko ikasteko grina, trapu zikinak ateraz eta… azken batez ez oihukatu behar izateko “Biba Errusia”. Zuk azaldu dituzun gertakari horiek guztiak, egia izan badaitezke ere, eta neurri batean soilik izanen dira egia (Donbasseko Errusiera hiztunen kasuan bezala; ikus Odriozola), ez dizut nik horretaz deus handirik esango, ez dute zerikusi handirik Errusiak buru egindako erasoekin, ez Ukrainako azpiegitura guztiak suntsitzearekin, hospitalak, eskolak, errepideak eta gainerako guztia… eta ez Mariupol bezalako hir bat birrintzearekin, edo herritarrak urik gabe uztearekin. Hau da, Errusiak baliatu dituen aitzakietan ez dut aurkitzen zure kontakizunetan agertzen diren gaiak… Izan ere, esate baterako, Luhansk eta Donetsk, errepublika independente aitortu berritan ere, berdin-berdin bonbardatu ditu Errusiak, herriak eta hiriak suntsitu arteraino…
Ukrainak ere, beste ezein estatuk bezala, bere argiak eta bere ilunak ditu, jakina, baina horrek ez du inola ere xuritzen Errusiak bere intelektual, unibertsitate irakasle eta politikariak nola “zaintzen” dituen…
Azkenik, Ukraina estatua da, baina dena ez da estatu; erasoek herritar guztiak kolpatzen dituzte, krudelki eta kupidagabeki, izugarriki “eskala handian”. Bestalde, Ukraina beste asko bezalako estatua da… beren estatu kolpeak eta guzti…
Argi eta garbi. Ea ulertzen zaidan: nik ez dut inbasioa babesten, eta ez dut inoiz babestuko herrialde burujabe baten aurkako erasorik, neonaziak neonazi, NATOk NATO. Suitzak nazien urrea gorde eta garbitu badezake, Ukrainak izan ditzake batailoi neonaziak.
Esan nahi dudan gauza bakarra da propaganda merke eta idiotizante hutsa dela prentsak darabilena. Errusia eta Putinen jarrera ez dela ero hiltzaile odol egarritu irrazional umejale batena. Errusia posizio horretara AEBk eraman dute, eta Errusiak erabaki du Ukraina inbaditzea. Logikoki eta arrazionalki harrutako erabaki bat, Errusiaren ustezko interesen defentsan. AEBk egiten dutenaren antzera. Potentzia globalak baitira, ejertzito ikaragarriak baitituzte, eta herrialde txikien gainetik daudela pentsatzenn baitute.
Odriozola ikusita, zer esan nahi didazu? Poroshenko demokrata zintzo bat dela? Justifikatua dagoela Errusiarrek historian eginiko ukrainarren aurkako krimenengatik gaur egun ordaina ematea? Egunen batean independentzia lortzen badugu, egoki izango da “kastillanoen haurrak sotoetan biziko dira” oihukatzea, euskaldunok pairatutakoagatik? Donbasseko herritarrek ez dute autodeterminazio eskubiderik, errusiarrak (edo errusiar hiztunak) direlako, eta beraz, Donetsk eta Luhansk Errepublikak inperialistak direlako?
Errusiarren krimenak nik ez ditut ezkutatuko. Ez dakit zergatik ezkutatu behar diren ukrainarrenak. Eta Errusiak zibilak hil baditu Buchan, salatu behar da. Eta Ukrainak zibilak hil baditu Donetsken, gauza berbera. Ez dakit ze momentutan bihurtu den gerra futbol partidu bat, bakoitza bere ekipoarekin, hooligan oso. Zer eta ukrainako estatu ustela eta errusiako estatu plutokratikoaren artean hautatu behar dugu? Ez dut nahi.
Eta nik ez dut nahi, Ukrainako elite batek NATOn sartu nahi duelako, bonba nuklearraren mehatxupean bizi, argi eta garbi. Eta estatua ez izatera kondenatua nagoenez, euskalduna izaki, izorra bitez ukrainarrak, Errusia aldamenean baitute. Gutxienez estatu bat badute, euskaldunok, galesek edo bretoiek hori ere ez. Bere garaian galdu genuelako. Gaur Ukrainak galdu duen bezala. Kubatarrek izorratu behar duten bezala, AEB aldamenean baitute. Geopolitika horrelaxe baita.
Egunen batean gizateriak eboluzionatu, eta tribua gainditzen badu, zoragarri. Gaur gaurkoz errealitatea da munduko inperioek herrialde txikien gaineko boterea dutela. Eta Ukraina NATOn sartzeak Errusiak bonba nuklearra botatzea badakar, argi eta garbi: ez bitez sartu. Indarra eta geopolitika horrelaxe dira. Biharko egunean Espainiak bonba nuklearra garatzen badu, betiko izorratuko gara euskaldunak. Alua, mundua.
Hara, batzuetan erlijioari erreparatzea komeni da, belaunaldietan iraunkorra izaten baita, hizkuntza bera baino gehiago, askotan. Hiru erlijio nagusi daude ukrainan, bere historiaren ispilu fidel: mendebaldean greziar katolikoak, erdialdean ukrainar eliza ortodoxoa, ekialdean errusiar eliza ortodoxoa. Greziar katolikoak, bere garaian Polonia-Lituania Mankomunitateak administratutako lurraldeetan (Lviv/Lvov/Leopolis hiri poloniarra izan da mendeetan. Poloniak Ukrainan duen jarrera ez da desinteresatua, ez noski, lurralde anbizio batzuk hor daude. Hala, XIX. mendeko ukrainar abertzaletasuna antipolakoa zen, antierrrusiarra baino gehiago). Erdialdean Ukraina “historikoa”, Hetmanato Kosakoaren lurraldea, eliza ortodoxo ukrainar autozefaloaren fededunekin (1919an sortua, Moskuko Patriarkatutik bereizi zenean). Ekialdean, Novorossiya (“Errusia Berria”, Katalina Handiak XVIII mendean otomanoei konkistatutako lurraldean), eta bertan Errusiako eliza ortodoxo ukrainarra da nagusi, Moskuko Patriarkatuaren agintepean.
Erlijioaz gain, etnikoki ere, Transkarpatia eskualdean hungariarrak bizi dira (irakurri zer dioen Hungariako prentsak ukrainako agintariek hungariarrekiko hartutako azken neurriez). Azkenik, errumaniar eta ijito minoria handiak daude. Ukraina ez da estatu homogeneo bat, Japonia, Polonia edo Hungariaren antzera. Eta ezin da ukatu ukrainako minoriek errusiarrekiko posizio kontrajarriak dituztela. Errealitate bat da hori. Eta errealitate anitz horretabn, ezkutatu nahi da 2014ean estatu kolpe bat egon zela, hauteskundeetatik ateratako presidente legitimoaren aurka, AEBk finantzatuta, eta ukrainako minoriekiko politika erasokorrak abian jarri zituena.
Eta hortik baten batek ulertzen badu ni Putinen alde nagoela, errusiarren krimenak zuritzen nabilela, eta Wagnerreko naziak edo Kadyrov ero hori babesten ditudala, ba nik ja ez dakit nola azaldu. Propagandak ez gaitzala itsutu.
Eta azkena, noski ez dagoela justifikatua populazioa urik gabe uztea. Baina, justifikatua al dago Ukrainak bere ekialdeko herritarrei pentsioak kentzea? urik gabe uztea? Etxeak birritzea?
Edo ukatzen duzu 2014tik Donestk eta Luhansken horixe egin duela Ukrainako armadak?
Nahi baduzu, ikus ezazu Anne-Laure Bonnel-en “Donbass” dokumentala, 2016an egina (duela sei urte!). Eta gero hitz egingo dugu ea zergatik gerra horretako krimenek ez duten inbasio honek bezainbeste indignazio okzidental sortu.
Hemeroteka alua da, eta hara:
– Victoria Nuland, AEBtako Estatu Azpi-idazkaria, Euromaidanen herri errebolta txit herrikoi eta txit demokratiko horren helburuak finkatzen, eta metodoak eta estartegia fintzen.
https://elpais.com/internacional/2014/02/07/actualidad/1391737716_496498.html
https://www.bbc.com/news/world-europe-26079957
(El Pais eta BBC, medio Putinista horiek…)
– ESLAren (gaztelaniaz OSCE) 2016ko txostena, Ukrainako indar militarren gerra krimenei buruzkoa.
https://www.osce.org/files/f/documents/e/7/233896.pdf
(OSCE, erakunde marxista-putinista, denok dakigu.)
– Nazio Batuen Errefuxiatuen Agentziaren 2015eko txostena. Milioi bat errefuxiatu (lau milioi biztanleko eremuan, %25), gehienak Errusian babes eske, Donbassetik ihes eginda (baina erne, Donbassekoek ez dituzte errusiarrak nahi. Hori diote mendebaldeko medioek.)
https://www.unhcr.org/news/latest/2015/2/54d4a2889/ukraine-internal-displacement-nears-1-million-fighting-escalates-donetsk.html
(Gauza jakina da Nazio Batuak Putinistak direla).
– Nazio batuen 2015eko salaketa, Ukraina ekialdeko giza eskubideen urraketa larriez.
https://news.un.org/en/story/2015/06/500292-persistent-and-grave-human-rights-violations-eastern-ukraine-un-report
(Orain errusiarren gerra krimenekin asaldatzen diren mendebaldeko gobernua eta gizarteak ixil-ixilik egon ziren orduan. Noski, jasotzen zutenak besteak zirenez, dena baleko.)
– Zelenskyi aldareetara igo aurretik, errusiarren aurkako narratibak hala eskatuta, argiago uzten zen nor zeukan atzetik:
https://www.politico.eu/article/volodomyr-zelenskiy-ihor-kolomoisky-the-comedian-and-the-oligarch-ukraine-presidential-election/
(Politico, yankilandiako agente putinista hori…).
Nork egin zion uko Minskeko akordioak sinatzeari? Estatu Batuek:
Euromaidan herri mugimendua zen, Donbassen ez da ezer gertatu 2022 arte, Zelensky eta bere gobernua garbiak dira, eta denaren errua Errusiarena da. Badakigu, “Rusia es culpable”.
Zehaztapen batzu gorabehera, aurreko zure iruzkinak egokiak iruditu zitzaizkidan; egia da gaian sakondu duzula eta neronek ezagutzen ez edo gogoan ez dudan gauza asko ekarri duzula eztabaidara. Nik ez dut Ukrainaren ibilera jarraitu, eta ez dut posiziorik hartu inoiz. Errepikatu dut, bestalde, otsailaren 24tik aitzina Errusiar Federazioak egiten duena axola zaidala, eta asaldatzen nauela. Ukrainako estatuak, eta baita herritarrek ere, lehenago zer egin izan duten begiratzeke.
Esan behar da, hori bai, Errusiaren itzala sumatze dela aurreko mugimenduetan. Ukrainak, hortaz, hamarkadak dituela Errusiaren mehatxuaren azpian.
Dena dela, zure azken iruzkina argigarria da oso; ba omen dakizu Putin hiltzailea dela, eta ez zara lerratzen baten ala bestearen alde, baldarki esanda, baina “Rusia es culpable” esapidea ekarrita, argi dago oso-oso neutrala ez zarela gatazka honi dagokionez. Gutxienik, Ukrainari buruzko hemeroteka arakatzen eman duzu denbora… ea hurrengo kapituluan Errusiarena arakatzeari ekiten diozun…
“Errusia eta Putinen jarrera ez dela ero hiltzaile odol egarritu irrazional umejale batena”, esan zenuen aurrekoan; tira, herenegun Telegramen Errusiako telebista bakarreko “tertulia” baten mostra ikusi genuen, non “jadanik III. Mundu Gerran” gaude, eta gerra nuklearraren alde egiten duten gonbidatuetako gehienek edo guztiek, aurkezlea barne, eta umejale ez dakit, bada, baina ero hiltzaile odol egarritu… pixka bat bai… Agian Putin “gaizki aholkaturikoa” da, baina ez du ematen (bere) muga non dagoen ezagutzen duenik…
Ukrainaren basakeriak jakinaraztea ongi; Errusiarenak jadanik mundu guztiak, literalki, badakizki.
Zuk egoki diozun bezala, errusiarren basakeriak badakizkigu. Telebistan ditugu egunero, orduoro. Ez dakit zer gehiago esan dezakedan, telebistak esan ez duena. Putin agintari autoritario bat dela? Badakigu. Errusiako zerbitzu sekretuek jendea garbitzen dutela? Badakigu. Telebistak egunero gogorarazten digu.
Nahi baduzu, esango dugu nola hil ziren “istripuetan” Donetsk eta Luhanskeko hasierako agintari garrantzitsu batzuk, eta FSBko kide ohi batzuk jarri gobernuan, Pushilin tarteko. Uste baduzu hori onartzeko zailtasunak ditudala, oso-oso oker zaude.
Ikusten dut kostatzen zaizula irudikatzea ni ez nagoela ez batzuekin, ez besteekin.
Putin Errusiako agintari “onenen” zerrendan beste bat da: Ivan Beldurgarria, Pedro Handia, Katalina Handia, Stalin eta Putin.
Manikeismoa da tragatu ezin dudana. Errusiarrak gaizto gaiztoak, ukrainarrak txintxo-txintxoak. Ez zuri, ez beltz. Grisa da mundua.
Nahi duzu erakustea zer dioten Ukrainako telebistan errusiarrak garbitzeari buruz? Errusiarren diskurtso berbera. “Labezomorroak hil behar ditugu”.
Konturatzen zara Txaikovskiren kontzertuak debekatu direla Europan? Dostoievskiren irakurketak bertan behera utzi? Hori ez al da gorroto hutsa?
Detaile bat: Donetsk eta Luhanskeko hasierako agintariak istripuetan desagerrarazteko beharra izan bazuen Putinek, seinale errepublika horien altxamendua, hau bai, herrikoia izan zela. Gidatua izan balitz, hasieratik egongo ziren Putinenak aginte postuetan, euromaidanen yankienak bezalaxe.
Txillardegik aipatzen zituen Baltikoko errepublikak, eta inguru haietan, independente egin zirenean, epea markatu zuten populazioak bertako hizkuntza ikas zezan; “Errusieraren kaltetan”. Letoniera, Estoniera, Lituaniera, Ukrainera, Finlandiera, besteak beste, XX. Mendean normalizatu ziren. Hizkuntza, herri zein estatu hauetan Errusiera suertatu zen “kaltetua”. Ez da kasualitatea une honetan (ez dut uste soilik hizkuntza kontua den, jakina) horiek eta beste batzuk, Bielorrusia edo Hungria kenduta, Errusiaren aurka aritzea. Ez hainbeste, beharbada, Ukrainaren alde.
Egoera ez baita simetrikoa. Zeinahi diren Ukrainak egin dituen basakeriak, Errusiak nahi du Ukrainak bere burua makur dezan, Bielorrusiaren edo Txetxeniaren antzera, baina ez alderantziz. Ukrinak ez du Mosku bonbardatu, ez ditu hondatu Errusiako azpiegiturak, eta ez du Errusiako herritar zibilik akatu. Areago, Errusiak berak akabarazten ari da bere soldaduak, prezio izugarri handia ordainduz Ukrainako “Operazio Bereziaren” kontura. Kontzeptu hau, bestalde, pentsaezina Ukrainarren gogoan, defentsa larria besterik ez baitira egiten ari, Mariupolen bezala.
Ez zuri eta ez beltz; beti? Une batzutan beltzago, bestetan zuriago, batak eta besteak? Hori da uneko kontua. Orain deskubritu behar al dugu gizakiaren ontasuna eta gaiztakeria nola toki eta garai orotan eman diren?
Errusia gertakari eta baldintzapen geopolitiko batzuk “eraman” omen dute horrela jardutera; zerk eraman ote zuen Ukrainak bere basakeriak egitera? Handiak txikiak zapaltzen ditu… beti, guztiok? Zer historia dago tartean? Errusiari hegemonia dagokio bere inguruan, soilik lurralde handia delako ala?
Ukraina ere gaiztoa, bere momentuan, ados. Eta, zer dela eta mehatxatzen du Errusiak mundu guztia arma nuklerrak erabiltzeaz, ez bakarrik Ukraina? “Zertarako nahi du (Errusiak) planeta bat Errusia gabe” esan omen zuen Putinek; pentsatu al du inoiz zertarako nahi izan dezakeen Errusia bat planeta gabe?
Tira, ataka gaizto horretan gaude. Arazoa ez da Errusiaren eta Ukrainaren artean hautatzea, baizik eta bakoitza noraino iritsi nahi duen etorkizunean ere, eta zergatik.
Txaikovski, Dostoievski… kirolariak, xakelariak… gorroto? Baliteke, baina nagusiki, Errusia presionatzeko moduak dira, zigor ekonomikoak diren bezala. Diferentzia bat, zigor hauen artean: Errusiak Ukraina zigortu du ez duelako egin nahi hark nahi duena. Besteek Errusia zigortu dute, egiten ari dena egin ez dezan.
Ukrainan bertan ere, Errusieradun zenbaitek Errusieraz egiteari utzi zion, inbasioa hasi eta laster. Are gehiago, Errusiar izena duten jaki batzuk jateari… Gorrotoa? Agian nazka.
Donetsk eta Luhansk zein garrantzitsuak diren Putinentzat argi utzi du berak, bertako eraikinak berdin birrindu dituelarik, eta bertako herritarrak, modu berezitu batean ez nuke sinetsiko, zafratu dituelarik inolako gupidarik gabe. Bere diskurtsoan, harrigarria nola bi errepublika horiek eskubide guztiak dituzten independente izateko, Ukrainaren existentzia bera ukatzen duen bitartean. Eta gainera bertan, Errusiatik kanpo, Krimean bezala. erreferendumak antolatzekotan daude Errusiarrak…
Nik ere detaile txiki bat badut: egunotan, Ukrainan (hain Errusiafobo, Errusierafobo eta nazi den estatuan) ORAINDIK zutik zirauten estatua, monumentu eta beste, Lenin tartean, Errusia eta Ukrainaren arteko anaitasuna goraipatzen zituztenak maiz, egunotan botatzen eta ezabatzen ari dira Ukrainarrak, egunotan. Gorrotoa orain? Eta orain arte zer?
Ez dut gogoan AEBk Irak inbaditu zuenean atleta, musikari eta idazle yankiei inolako betorik ezarri zitzaienik. Hipokrisia zikina da hori. Eta ez dut uste presionatzeko bidea denik, probokatzekoa baizik.
Zer dela eta mehatxatzen dute AEBk Salomon Uharteak? Ze eskubiderekin?
Errusiarrak duen berbera: indarraren eskubidea.
Zer kalte ekonomiko sortuko dio Errusiari bere atletek 400 metroko laisterketa egiteko Errusiako bandera erabili ezinak?
Ukrainak bere herritarrak akatu ditu 8 urtez, zure asaldurarik batere gabe (zuk esana, otsailetik aurrerakoak kezkatzen zaitu, lehenagokoak, hor konpon), ez errusiarrak. Ez zen arma enbargorik ezarri, Ukrainaren aurkako neurririk hartu, eta benetan nahi duzu sinestea giza eskubide urraketen kontua dela hau? Kaka zaharra!
Eta Ukrainan bertan errusiaren aldeko miliziak sortu dira, errusiera hitz egiteari utzi bezain beste. Hori ere hor dago.
Baltikoen aipamena ez dut ulertzen.
Eta bestalde, europak, errusiar propagandaren aitzakian, komunikabideak epaiketa gabe ixten dituenean, argi dut hau ez dela demokrazia kontua.
Gaur bertan iritsi zait telegramen (errusiarren aldeko kanal batek zabaldu du) Ukrainako tik-toker baten bideoa omen (Tik-tok ez dut, eta ezin konprobatu) Errusiarrez hitz egiten jarraitu nahi duen amona ukrainar baten hitzak omen:
https://t.me/video_languages/511
(Ez dakit aukera badagoen zuzenean irizkinetan bideoa jartzeko…)
Badakit propaganda hutsa dela, eta izan dezakeen balioa oso urria, baina milaka bideo daude interneten, mairupoleko biztanleenak, ukrainar nazionalistei leporatzen era guztietako basakeriak. Telegramen badaude. Nik neronek hauxe egin dut: ingelesezko ukrainar propagandako bi kanaletan nago, eta errusiar propagandaren beste bitan. Esna behar dut, errusiar kanalek biztanleen elkarrizketa dezente gehiago zabaldu dituzte ukrainarrek baino (faltsuak, fortzatuak, edo koakzionatuta eginikoak izan daitezke, argi dut hori. Baina batzuk, goiko bideoko amona hori bezala, aktore onegiak iruditu zaizkit gezurra izateko, onartzen dut.)
Nik gogoan dudana zera da, AEBk Irak inbaditu zuenean, beste estatu askok bat egin zutela AEBrekin, eta ni oso aurka nengoela, bai bainekien gezurrak ugari eta estakuruak franko erabili zituztela Saddam Husseinen erregimena botatzeko, indarrez abusatu zutelako eta beste gorabehera batzuk ere bazeudela; Irakek Kuwait inbaditua zuen, eta inguruko beste eragile batzuk tartean ziren.
Bestalde, AEBk ez du oraindik Salomon Uhartea inbaditu, eta mehatxu zuzena baino, oraingoz Txinarekin itundutakoaren aurkako jarrera adierazi du.
Atletak, musikariak, Dostoievsky… jarrera batzuk oihartzun oso txikia dute, Errusiar entsaladilla jateari uzteak lukeena, baina hainbat lehiaketatik baztertzeak, hainbat ekimenen antolakuntza ukatzeak, eta munduko herrialde gehienak jarduten duten ekitaldietatik bereizteak, gutxienik Errusiako jendea pentsatzen jartzeko bertutea izan lezakete. Ez dezagun ahantz, esate baterako, Errusiako kirol selekzioak (ez dakit zenbat) Olinpiar Jokoetatik eta bestetik kanpo geratu zirela dopin sistema estatala baliatu izateagatik. Hau bat dator, dopin programa estatala, Errusiak munduan lehen mailako potentzia izan dadin “amestearekin”…
Baltikoen aipamena; oso erraza da: SESBen barruan Errusia ezagutu zuten horiek, hizkuntza aferak barne, orain ez dute deus jakin nahi Errusiar Federazioaz, bizkar emanik daude. Poloniak ere ezagutu du historian, eta jo eta ke Ukraina laguntzen ari da.
Ez nuen esan nahi otsailaren 24tik aurrerakoa denik kezkatzen nauen bakarra, baizik eta posizioa hartzekotan, data horretatik aitzina Errusiak eta besteek egin duena aski zaidala. Gainerako kontuak, ikertzeko, ikasteko. Eskertu nizun informazioa ekartzea, baina bi herrialdeen artekoa argitzekotan, ez da nahikoa Ukrainaren trapu zikinak ateratzea; trapu horien artean, Donbass, Krimean, Transnistrian (baina Georgian… ere bai), Errusiako bandera ateratzen da maiz, eta sarritan Errusiaren armak ere bai.
Bai, Ukrainarrak Errusieraz egitea eta egiten jarraitu nahi izatea… nola ez da izanen horrelakorik, askotan familiak mugaren bi aldeetan hedatuak direlarik. Bada ere Errusiazalerik, etxe gabe eta beharbada familia gabe ere geratu denik… amona ikusi dut (“la Rus de Kiev”! Bai, baina, zergatik ekartzen dit gogora Nafarroako hainbat euskaldun, Euskaraz egiteko lotsa izan dutenak belaunalditan?); baina hori guztia kasuistika delakoan nago. Beste gauza bat da “hizkuntz politika armatua”, hots, estatu batek, Errusiak, ondoko estatuan bere hizkuntza ezarri nahi izatea, eta armen bidez gainera (eskolak antolatzen hasi omen dira Errusiarrak Ukrainan…).
Telegram bide oso zuzena da, informazioa (edo propaganda, nahiago baduzu) laster iristeko guregana. Ukraina NOW baliatzen dut nik, eta bideoak eta argazkiak zientoka. Jakina, Ukrainaren mezuak dira, eta Ukrainarren alde egiten du. Hainbat hizkuntzatan dago. Agertzen direnak ez dira aktoreak, baina Errusiar emakume batzuk ikusi nituen, Putin goraipatzen zutenak, ezin gorago, aktore ez zirenak haiek ere: agian, Putinen izeba eta lagunak… lotsagarria baitzen. Agian ikusi duzu Putin azafata (hegazkineko laguntzaile) saldo batez inguraturik; edo erizain multzo bat Errusiar soldaduak eta tankeak pasatzean agur egiten… horiek ere, aktoreak ez, baina propaganda… txarrenetarik.
Ukraine NOW da, barka.
Telegram bide bat da egia eta gezurra zabaltzeko. Ez sinestu inoiz deus telegrametik. Ikusi eta ikasi, baina sinetsi ez.
Hungariak ere izan zituen gorabehera latzak SEBSekin, inbasio bat ere bai, orain, ukrainako minoria hungariarrak 2014etik pairatu duena tarteko, ez da Poloniaren paper bera egiten ari, inondik inora. Esana dizut lehenago Poloniaren laguntza oso interesatua dela. Errusiaren eta Poloniarren artekoa aspaldiko kontua da. Polonia izan da Errusian Tsar bat ezarri duen estatu bakarra. Errusia izan zen Poloniaren partizioan parte hartu zuenetako bat. Abertzaletasun poloniarrarentzat, PiS alderdiarekin estatu ideologia bilakatze bidean dena (Polonian bizitua naiz, panorama tristea da oso), Ukraina mendebaldea (Lviv hiria bereziki) “berea” da, Trebiñu gurea den neurri berean. Kuriosoa, gerra hasi aurretik Polonia eta Hungariako gobernuak oso ondo moldatzen ziren, biak eskuin ultrakontserbadoreak izaki.
Baltikoek beren populazio errusiarra de facto apartheid egoeran izan dute urtetan, eta Giza Eskubideen Europar Kontseiluak atentzioa deitu die hainbatetan horregatik. Dena den, ulertzen ditut Baltikoak, Errusia aldamenean izatea arazo handi bat da. Galdetu diezaietela kubatarrei AEBekin.
Berriro esango dut, ni ez nator hona Errusia edo Putin babestera. Manikeismo idiotizantea da jasan ezin dudana. Errusiak Ukraina inbaditu du, AEBk Irak inbaditu zuten bezala. Nik argi dut bi inbasioak gaitzesten ditudala, eta justifikaezinak direla. Baina, ezin dut jasan bata, “gaixki” egotea, baina finean, peccata minuta, eta bestea Adolf Hitlerren krimenen pareko izatea, Z esbastika berria, wruoapn prentsa zentsuratzea, atletei boikota, duela bi mende hildako konpositoreak kantzelatzea, eta beste guztia. (San Zelenski, Ukrainako Toni Cantó, aldareetara igo izana jasan ezin dudan bezala.)
Hizkuntzarekin, egia da egoera inkodoa dela. Animikoki gertuago ditut ukrainarrak errusiar hiztunak baino, baina politika armatuez ari garela, ezin dut ahaztu Ukrainak errusierazko medio guztiak itxi edo zentsuratu dituela. Nor ari da armekin hizkuntza ezartzen?
Azkenik, ukaezina da Ukrainako populazio batek begi onez ikusten duela Errusia.
Gerra honekin niri pasatzen zaidana da aurrean dudana Errusiaren alde lerratzen bazait, nik Putinek Donbasseko lehen orduko hainbat buruzagi hil zituela gogorarazten diodala, eta Tsarren Inperioaren nostalgia duela Putinek (inondik inora ez SESBena: ezin dut ulertu ezkerreko batzuek nola darabilten SESB gerra honen argudiaketan. Entzun besterik ez dago Putinek inbasioaz berri emateko egin zuen diskurtsoa, eta zer esan zuen Lenini buruz: tonto ergel bat bailitzan deskribatu zuen, errusiari kalte kontaezina ekarri zion idiota bat). Aurrean dudana Ukraina babesten hasten bada, zuri esan dizkizundanak esaten dizkiot.
Ezin dut lerratu Errusiar Inperioa berpiztu nahi duenarekin, eta ezin dut lerratu 2014an AEBk ezarritako Ukrainako erregimenarekin.
Eta beldurgarria egiten zait zeinen otzan eta zeinen natural onartu dugun Europan (eta ez “wruoapn”, aurreko iruzkinean idatzi dudan bezala) zentsura, RT izanagatik. Zeinen prest gauden errusiar oro kriminalizatzera, AEBekin sekula egin ez dugu neurriraino, bere krimenak errusiarrenak bezain larriak (edo gehiago) izanagatik. Zeinen natural asumitu dugun gerran gaudela. Euskal kazetari bat atxilo eraman dute Polonian, eta ez da deus pasatzen! (Polonia, gerra hasi bezperan europako apestatua zena, giza eskubideen aurkako jokabide larriengatik, orain txintxoen taldean sartu dugu).
Azterketa egiterakoan, beti, beti, “follow the money” (jarraitu dirua). Nor ari da etekinak ateratzen? AEB, alemanei gasa errusiarrek baina sei aldiz garestiago saltzen. Nord Stream 2 amaitua zegoen urtean. Kasualitate gutxi geopolitikan.