Globo zelataria –

Droneak eta sateliteak ezagutzen nituen, baina honek ezustean harrapatu nau: Txinak ustez espioitzarako erabili duen globo bat eraitsi dute AEBek.

Puzgarriak bost egun igaro ditu aire eremu estatubatuarraren barnean hegan. Bertako Defentsa Ministerioak adierazi du “leku delikatuetatik” pasatu zela: Montana biztanleria dentsitate txikiena duten estatuetako bat da, eta armamentu nuklearreko hainbat gune daude han, adibidez. Aferak krisi diplomatiko bat piztu du, Txinak eta AEBk bizi duten gatazka (gerra ez esateagatik) giroaren baitan. Globo saltzaileei mesfidati begiratzen diet orain. Zer dira, CIAkoak edo Txinako zerbitzu sekretuetakoak? Ze puzgarri horiek espioitzarako punta-puntako teknologia edukitzeak soilik azaldu dezake 7.5€ balioa izatea.

Globo zelataria