Ramon Agirre “Oso gaizki dago euskal zinema …” –

BIBA ZUEK saioan egon da Ramon Agirre eta solasaldi interesgarria izan da, hemen elkarrizketa ikusi nahi baduzu. Estreinatuko dituen hurrengo lanak izan ditu hizpide aktore donostiarrak, ‘Lurrez estali’ antzezlana eta ‘Ehiza’ eta ‘Norberta’ filmak beste lan batzuren artean. 70 urte beteko ditu aurten, eta nahiago du aitona papera egin etxean egon baino. Aipatzeko, nere aburuz, euskal zinemaz egindako hausnarketa interesgarri hau: Zinemaz, zertaz ari gara? Zer da euskal zinema? Euskal literatura zer da? Euskal musika zer da? Nagusiki euskaraz egiten den musika… “Gauza bat da cine vasco eta beste gauza bat euskal zinea, ez dira sinonimoak neretzat…“. “Iaz, euskal herriko zinema aretoetan euskarazko filmak %1a izan ziren”. Loraldia?… Dioenez, euskal zinema euskaraz egiten den zinema bada, ez dago osasuntsu. ”Oso gaizki dago euskal zinema; oso gutxi egiten da euskaraz, ez dezagun gure burua engaina”. Hemen solasaldia.

Ramon Agirre: ”Oso gaizki dago euskal zinema; oso gutxi egiten da euskaraz, ez dezagun gure burua engaina”