Asko bidaiatu dute biek; Hodei Estebanek Erantzun musika taldearekin eta Fernando Rojok bere kabuz. Oraingoan Palestinara batera egin duten bidaia aurkeztuko digute Zarauzko Palestinako astearen barne.

12 egun izan dira bertan eta bidaiaren ikuspegitik kontatuko dituzte haien bizipenak. Bertako gizartearen nondik norakoak, nola bizi diren, nola bizi duten gatazka eta zer ikuspegi duten gutaz. Erligioaz eta politikaz ere berba egingo digute noski, eta guzti hau argazki proiekzio baten laguntzaz. Ikus-entzunezko hitzaldi eder bat eskainiko dute Asteartean 19:00etan Putzuzulo gaztetxean.