Kantua eta poesia elkarren eskutik joan izan dira beti, baina zeinek zor dio gehiago zeini? Euskal kantagintzan usu ikusten da idazle eta kantariaren arteko ezkontza. Jakinekoa da Laboak berak ere ez zuela sekula xoriari eskainitako kanturik idatzi, ez eta lanean itotako amari ere. Gai horrexen inguruan ibilkiko da osorik igande honetako SAUTRELA literatura saioa, arratsaldeko hiru t’erdiak aldera, ETB1n, LITERATURA ETA MUSIKA gai hartuta.