Le otto montagne (Felix Van Groeningen, Charlotte Vandermeersch)

| Drama | Laguntasuna |

Pietro kaleko mutila da; Bruno, aldiz, mendian ahaztutako herri bateko azken haurra. Urteen poderioz, Brunok bere mendiari leial eusten dio, eta Pietro, berriz, joan-etorrian ari da etengabe. Bion artean pilatutako bizi esperientzien bidez,  maitasunari eta galerari aurre egitea lortuko dute, beren jatorria gogoratuz eta patuari bidea irekiaz.

Paolo Cognettik idatzitako eleberri homonimoan oinarritutako filma.

2022 | Cannesko Zinemaldia: Epaimahaiaren saria

2022 |  SEMINCI – Valladolideko Nazioarteko Zinema Jaialdia: Argazki onenaren saria

2023 | David di Donatello sariak (Italia):  4  sari (film onenari; egokitutako gidoi onenari; argazki onenari; soinu onenari) + 14 hautagaitza

.

Sica (Carla Subirana)

| Drama | Nerabezaroa |

Sica (14) obsesionatuta dago itsasoak aitaren gorpua itzultzearekin, Costa da Morten, Galizian, hondoratu ondoren. Itsaslabarrak zeharkatzen dituen bitartean, Suso (15) ezagutuko du, ekaitzen ehiztari gisa ezagutua, bera bezalako mutil arraro bat, ekaitz guztien ama den Ofelia izenekoaren zain bizi dena.

2023 | Malagako Zinema Jaialdia: Sail Ofiziala

.

L’année du requin (Ludovic Boukherma, Zoran Boukherma)

| Komedia | Fantasia |

Surflari bat desagertu ondoren, Frantziako hego-mendebaldeko kostaldeko herri txiki bat alerta egoeran dago. Laster egia harrigarria azaleratuko da: marrazo bat dabil portu inguruan.

2022 | Sitgesko Nazioarteko Zinemaldi Fantastikoa: Sail Ofiziala

2023 | FANT – Bilboko Zinema Fantastikoaren jaialdia: Sail Ofiziala

.

Les Amandiers (Valeria Bruni Tedeschi )

| Drama | Komedia | Nerabezaroa | 80ko hamarkada |

1980ko hamarkaren amaiera.  Stella, Victor, Adèle eta Etienne protagonistek 20 urte dituzte. Patrice Chéreauk eta Pierre Romansek Nanterreko Théâtre des Amandiersen sortutako interpretazio eskola ospetsuan sartzeko azterketa egiteko prest daude laurak, pasioz eta maitasunez blaitutako bizitza berrira abiada bizian salto egiteko atarian. Elkarrekin biziko dute beren bizitzetan une erabakigarria den hori, baina baita beren lehen tragedia handiak ere.

2022 | Cesar sariak: Aktore berri onenaren saria (Nadia Tereszkiewicz) + 7 hautagaitza

2022 | Cannesko Zinemaldia: Sail Ofiziala

2022 |  Sevilla Europar Zinemaren Jaialdia: Sail Ofiziala

.

Love Life (Kôji Fukada)

| Drama |

Taeko pozik bizi da Jiro senarrarekin eta Keita semearekin, baina ustekabeko gertakari batek erabat aldatuko du bere bizitza. Park-en -Keitaren aita biologikoak- bat bateko itzulerarekin, Taeko bizi-helburu berri bat planteatzen hasiko da, nahiz eta horrek ordura arte eraikitako guztia hautsi behar izatea suposatzen duen.

2022 | Veneziako Zinemaldia: Sail Ofiziala

 .

Fast & Furious X (Louis Leterrier)

| Ekintza |

Misio askotan zehar Dom Toretto eta bere familia gai izan dira beren etsaiak baino argiagoak, adore handiagokoak eta beste etsaiak baino azkarragoak izateko. Baina orain inoiz ezagutu duten aurkaririk hilgarrienari aurre egin beharko diote: iraganetik berpiztutako arrisku izugarri bat, mendeku egarri odoltsu batek mugitutakoa eta familia suntsitzeko prest dagoena.

Ekintza generoko sagarik ezagunenak -eta luzeenetarikoak- ale berria aurkeztu du: hamargarrena. Betiko aurpegiak bilduko ditu pantaila handian: Vin Diesel, Jason Momoa, Michelle Rodriguez eta Tyrese Gibson, besteak beste.

.

(…)

Estreinaldi guztiak ezagutzeko, sartu ZINEA atarian!