Ireki da aurtengo Nicanor Zabaleta beka –

Kultura Departamentuak %9,3 igo du harizko instrumentista gazteak prestatzeko Nicanor Zabaleta beka

…

• Eskabideak aurkezteko epea gaurtik maiatzaren 16ra bitartean egongo da irekita.
• Beka 16.400 eurokoa da, eta 26 urtetik beherako gazteei zuzenduta dago.
• Isaac Palencia, Kultura Sustapena eta Gazteriako zuzendariak nabarmendu duenez, laguntzaren helburua da “harpa-jotzaile handi horren memoria ohoratzea eta gure lurraldeko talentudun gazteak musika klasikoaren esparruan mailarik gorenera iritsi daitezen bultzatzea”.

Gipuzkoako Foru Aldundiko Kultura, Lankidetza, Gazteria eta Kirol Departamentuak “Nicanor Zabaleta” bekaren deialdia onetsi du, hari-instrumentistei prestakuntza espezializatua izateko aukera emateko asmoz. Beka 2024-2027 aldirako Beken Plan Estrategikoaren parte da, eta musikari gazteen garapena sustatzea du helburu, biolin, biola, biolontxelo, harpa edo kontrabaxuko interprete bakarlari gisa espezializatzeko.

Beka, gehienez, 14.000 eurokoa da, eta 26 urtetik beherako gazteei zuzenduta dago. Dirulaguntza eskatzeko baldintzen artean, besteak beste, eskatzen da Euskal Autonomia Erkidegoan edo Nafarroako Foru Erkidegoan bizitzea, kontserbatorioko goi mailako titulua edukitzea edo aparteko talentua izatea tresna horietako batean.

Isaac Palencia Kultura Sustapena eta Gazteriako zuzendariak adierazi duenez, “Nicanor Zabaleta bekaren helburua da harpa-jotzaile handi horren memoria ohoratzea eta gure lurraldeko talentudun gazteak mailarik gorenera irits daitezen bultzatzea, bikaintasuneko prestakuntza izateko bitartekoak jarriz eta musika klasikoaren eremuan haien profesionalizazioa sustatuz”.

Eskabideak aurkezteko epea apirilaren 1ean hasi eta maiatzaren 16an amaituko da. Eskabideak telematikoki aurkeztu ahal izango dira, Gipuzkoako Foru Aldundiaren egoitza elektronikoaren bidez, edo, bestela, erakundearen Erregistro Nagusian, aurrez aurre.

Kultura Departamentuak %9,3 igo du harizko instrumentista gazteak prestatzeko Nicanor Zabaleta beka