Fermin Muguruzak nazioarteko bira iragarri du, musika-ibilbideko 40 urteak ospatzeko –

Euskal artistak bere lehen taldearen sorreraren 40. Urteurrenean ibilbide musikal osoa errepasatuko du (gaur, ekainak 20, duela 40 urte KORTATU-k bere lehen maketa argitaratu zuen).

Anoetako sarrerak (2025eko ekainaren 14an joko du Donostian) igande honetan, ekainak 23, jarriko dira salgai, goizeko 9:00etan www.muguruzafm.eus webgunean. Gainontzeko sarrerak ekainak 25, asteartea, jarriko dira salgai goizeko 9:00etan, www.muguruzafm.eus webgunean.

Nazioarteko birarik egin gabe 11 urte pasa ondoren, eta aurreikuspen guztiak apurtuz, abenduan Bilboko bi kontzertuetarako 16.000 sarrera minutu batzuetan saldu ondoren, Fermin Muguruzak datorren urterako proposamen berriak aurkezteko konpromisoa hartu zuen, eta 2025erako nazioarteko bira bat iragarri berri du bere lehen taldea izan zen KORTATU-ren sorreratik hasi eta 40 urteko ibilbide musikala ospatzeko.

40 urteko egindako bide osoa errepasatuko duen bira hau Europa, Amerika eta Asiako hiri ezberdinetara iritsiko da, Kortaturen hasieratik hasi eta Negu Gorriak eta bakarkako lan berriagoetarainoko ibilbidea ospatzeko. Bira honek iberiar penintsulan lau geldialdi izango ditu:

• Urtarrilak 24 – Barcelona (Palau Sant Jordi)
• Otsailak 15 – Madrid (Wizink Center)
• Martxoak 15 – Santiago de Compostela (Fontes do Sar)
• Ekainak 14 – Donostia (Anoeta Estadioa – Reale Arena)

.

Kultura disidentearen kontrako zentsura

40. urteurren hau momentu berezi batean iritsi da, eskuin mediatiko eta judizialak Mguuruzaren aurkako erasoa egin baitu berriro. Horren aurrean, musikari eta zine ekoizleak sare sozialetan ohartarazi zuen kultura gehiagorekin erantzungo zuela, bere ibilbidea eta ondarea aldarrikatuz.

Artistak, ekitaldi hauek kontzertu soil batzuk baino gehiago izango direla adierazi du, musika adierazpenerako eta aldaketa sozialerako tresna bezala erabiltzeko balioko baitute. Publikoak Euskal musikaren eta baita nazioartekoaren ikono bihurtu diren abesti ezberdinez gozatzeko aukera izango du.

Bira hau aurkezteko helburuarekin, Muguruza lagun handiez inguratu da bideo batean, besteak beste, Itziar Ituño, Maria Cruickshank, Aitziber Garmendia edota Jon Plazaola bezalako Euskal aktoreez, eta baita HOFE bezalako musikari eta sektoreko jende ezberdinaz ere.

.

Anoeta Estadioa (Reale Arena), euskara futbol estadioetara

Bira osoko punturik gorenena irungo abeslariak Donostiako Anoeta Estadioan eskainiko duena izango da, bere jaioterritik 15 minutu eskasera. Artistak inoiz egin duen erronkarik anbiziotsuena da, euskaraz abesturik ere, estadio handietan aritu daitekeela aldarrikatuz.

.

Sarrerak salgai

Donostiako Anoeta Estadioko sarrerak igande honetan, ekainak 23, goizeko 9:00etan jarriko dira salgai www.muguruzafm.eus webgunean. Gainontzeko hirietarako sarrerak ekainaren 25ean jarriko dira salgai, goizeko  9:00etan, hauek ere www.muguruzafm.eus webgunean.

Irundar artistak gogorarazi du “independentzia musikalaren, autogestioaren eta adierazpen askatasunaren garaipena izango da, 40 urtetako ibilbide hau eszenatoki gainean ospatzea, oso kolpatua izan den belaunaldi bateko kide izan naizelarik. Kontzertu hauek guztiontzat bereziak izatea espero dut, musikaren, dantzaren eta aldarrikapenaren bitartez, memoria kolektiboaren, bizitzaren ospatzearen eta faxismoaren aurka egiteko, besarkaden erritua”.

.

KONTZERTUAK 

2024:
Abenduak 20: Bilbo – Miribilla (Sold out)
Abenduak 21: Bilbo – Miribilla (Sold out)

2025:
Urtarrilak 18: Tenerife – EC Aguere
Urtarrilak 24: Barcelona – Palau Sant Jordi

Otsailak 15: Madril – Wizink Center

Martxoak 15: Santiago de Compostela – Fontes do Sar
Martxoak 21: Paris – La Cigale
Martxoak 22: Bordele – Salle du Grand Parc
Martxoak 28: Toulouse – Le Bikini
Martxoak 29: Marseille – Espace Julien

Apirilak 12: Zurich – Rote Fabrik
Apirilak 16: Berlin – SO36

Maiatzak 20: Santiago de Chile – Teatro Cariola
Maiatzak 24: Buenos Aires – Estadio Obras
Maiatzak 28: Bogotá – Calle 13
Maiatzak 31: México – Skatex (Texcoco)

Ekainak 07: Erroma – TBC
Ekainak 14: Donostia – Anoeta Estadioa

Uztailak 23: Tokyo – Radical Music Network

Urriak 4: AZKEN KONTZERTUA

Fermin Muguruzak nazioarteko bira iragarri du, musika-ibilbideko 40 urteak ospatzeko