Mugaritz. Sin pan ni postre (Paco Plaza)

Dokumentala | Sukaldaritza

Mugaritzeko taldeak ateak itxita egiten du lan denboraldi bakoitzean bokazionalki desberdina den proposamen gastronomiko bat diseinatzeko, guztiaz gabetu eta ia hutsetik abiatuz. Denboraldi bakoitzak arriskatze berri bat dakar, eta ondorioak ezin dira aurreikusi. Galderaz betetako bidea, sormenezko erronka bat ?jakingura duten mahaikideekin partekatua?, ahorako ez ezik, bururako ere bai.

2024 | Donostia Zinemaldia: Culinary Zinema

.

Los destellos (Pilar Palomero)

Drama | Familia

Isabelen bizitza irauli egingo da bere alaba Madalenek eskatzen dionean Ramóni –gaixorik duen aitari– aldizka bisitatzeko. Hamabost urtez senar ohiarengandik urrun egon denez, eta luzaroan familia izan baziren ere, ezezaguna egiten zaio gaur gizona; alabaina, jada gainditutzat jotako erresuminak berpiztuko zaizkio Isabeli. Hala ere, Ramóni bere unerik zaurgarrienean laguntzean, Isabelek beste begi batzuekin ikusiko du aspaldi bizitako porrota eta oraingo bizitzan jarriko du arreta.

2024 | Donostia Zinemaldia: Sail Ofiziala – Interpretazio onenari saria

.

Joker: Folie à Deux (Todd Phillips)

Thrillerra | Drama | Musikala | DC Comics | Harley Quinn

Arthur Fleck Arkhamgo erietxean dago sartuta, Joker identitatez gauzatutako hilketengatik epaitua izatearen zain. Nortasun bikoitzari aurre egiten dion bitartean, Arthurrek benetako maitasuna topatu egingo du, eta baita betidanik barnean izan duen musikarako sena deskubritu ere.

2024 | Veneziako Nazioarteko Zinemaldia: Sail Ofiziala

2024 | Donostia Zinemaldia: Film Sorpresa

.

White Bird: A Wonder Story (Marc Forster)

Drama | Biografikoa | II. Mundu Gerra | Nazismoa

Julianek talde bateko kide gisa onartua izateko borrokatzen du, Auggie Pullmani tratu txarrak emateagatik, ikastetxe zaharretik bota zutenetik. Bere bizitza eraldatzeko, amonak (Helen Mirren) bere ausardia-istorioa kontatzen dio: gaztaroan, naziek okupatutako Frantzian, mutil batek bere bizitza arriskuan jarriz babestu zuen.

.

Crossing (Levan Akin)

Drama | Road movie | Transexualitatea

Liak, irakasle erretiratu batek, aspaldi galdutako iloba Tekla aurkituko duela agindu dio bere buruari. Bilaketak Istanbulera darama, eta han Evrim ezagutuko du, transexualen eskubideen alde borrokatzen duen abokatua. Haren aurkikuntzarekin, Tekla inoiz baino gertuago sentitzen hasiko da.

2024 | Berlingo Nazioarteko Zinemaldia: Panorama saila

.

I Used to Be Funny (Ally Pankiw)

Drama | Komedia beltza

Sam Cowell protagonista stand-up komediante eta umezain izateko bidea egiten ari da, trauma osteko estresaren nahasmenduarekin borrokatzen duen bitartean. Halako batean, iraganean zaindu zuen Brooke nerabe desagertuaren bilaketarekin bat egin edo ez erabaki beharko du.

Estreinaldi guztiak ezagutzeko, sartu ZINEA atarian!

Estreinaldiak: Urriak 3