Nina (Andrea Jaurrieta)

Drama | Mendekua | Abusuak

Ninak jatorria duen herrira itzultzea erabakiko du, poltsan eskopeta bat daramala eta helburu bakarrarekin: mendekua hartzea, herrian omentzen ari diren idazle ospetsuari. Bere jaioterriarekin, iraganeko oroitzapenekin eta Blas haurtzaroko lagunarekin berriz elkartzeak mendekua bere aukera bakarra ote den birplanteatzera bultzatuko du.

2024 | Malagako Nazioarteko Zinemaldia: Kritikaren saria

.

Deep Sea. Sakontasunera bidai bat (Tian Xiao Peng)

Txikientzat | Animazioa | Fantasia | Zinema Euskaraz

Shenxiu, txikitan amak bakarrik utzi zuen neskatoa, itsas bidaian joango da familiarekin oporretan. Gau batean, itsasotik etorritako dei bati jarraituz, itsaspeko zahar batean dagoen jatetxe dotore batean amaituko du. Neskatoak ez du susmatzen horrek guztiak amarekin zerikusirik duenik.

Zineuskadik sustatutako Zinema Euskaraz programa tarteko, euskaraz estreinatuko da filma zinema-aretoetan

.

As Neves (Sonia Méndez)

Drama | Nerabezaroa

As Neves Galiziako mendiko herri bat da, non denek elkar ezagutzen duten. Inauteri gau batean nerabe talde batek festa bat ospatuko du, non drogak ez diren faltako. Hurrengo egunean, elur denborale batekin esnatuko dira eta Paula, festan parte-hartutako nesketako bat, desagertu egin dela jakingo dute.

2024 | Malagako Nazioarteko Zinemaldia: Sail Ofiziala

.

Kingdom of the Planet of the Apes (Wes Ball)

Zientzia fikzioa | Abenturak

Zesarren erregealdiaren ondorengo hainbat belaunalditan girotua, tximinoak dira espezie nagusia, harmonian bizi dira eta gizakiak itzalpean bizitzera mugatu dira. Testuinguru horretan, tximino lider berri eta tiranikoak bere inperioa eraikitzen duen bitartean, tximino gazte batek iraganari buruz dakien guztia zalantzan jartzera eta tximinoen eta gizakien etorkizuna berdin definituko duten erabakiak hartzera eramango duen bidaia larri bati ekingo dio.

.

Tarot (Spenser Cohen, Anna Halberg)

Beldurra | Slasher

Lagun talde batek Tarotaren katen irakurketaren arau sakratua zuhurtziarik gabe hausten duenean -inoiz ez da beste inoren karta-sorta erabili behar-, hor nonbait harrapatutako gaizkiren bat askatuko dute, jakin gabe. Banan-banan, beren patuari aurre egin beharko diote orduan, heriotzaren aurkako lasterketa sutsuan, gutunek iragartzen duten etorkizunetik ihes egiteko.

.

The Dead Don’t Hurt (Viggo Mortensen)

Westerna | XIX. mendea

Vivienne Le Coudyk, emakume aske eta independenteak, Holger Olsen izeneko migratzaile daniarrarekin nahastuko da harreman batean. Gizona San Frantziskon ezagutu ondoren, Viviennek Elk Flats herri lasaiaren ondoan duen etxera bidaiatuko du harekin.

Bertan daudela, Gerra Zibilak harrapatu eta banandu egingo ditu, Vivienne bakarrik utziz Alfred Jeffries rantxero boteretsuak, Weston Jeffries bere seme bortitzak eta Rudolph Schiller alkate ustelaren handinahiak kontrolatutako eremuan.

.

Una mujer italiana / Cabrini (Alejandro Monteverde)

Drama | XIX. mendea | Feminismoa

Emakume pobre eta ausarta, zeina XIX. mendeko ekintzaile handienetako bat bilakatuko den: borondate, kemen eta trebetasun komertzialaren bidez, garaiko New York horretan nagusi diren sexismoa eta italiarren aurkako intolerantzia bortitza gaindituko ditu.

 .

Au fil des saisons (Marco La Via, Hanna Ladoul)

Komedia | Drama | Familia

Egoera tragikoak elkarturiko familia bereko hiru emakume belaunaldik New Jerseyko oilasko-landetxe txiki batean elkarrekin bizitzen ikasi behar dute. Testuinguru horrek sorturiko egoera hunkigarrien eta dibertigarrien segida da filma.

.

Marisol, llámame Pepa (Blanca Torres)

Dokumental | Biografikoa

Marisol haur prodigioa betiereko pertsonaia bilakatu zen haurra besterik ez zela, pertsonaiaren eta bere bizitzaren arteko mugak ezabatu amaitu zuen gehiegizko esposizio baten ondorioz.  Premisa horretatik abiatuta, Marisolen haurtzaro eta nerabezaroa arakatuko ditu filmak, atzean dagoen Pepa Flores deskubritzen amaitzeko.

.

C’est mon homme (Guillaume Bureau)

Drama | Erromanzea 

1916. Julien Delaunay Gerra Handian desagertutzat jo dute. Julie emazteak, ordea, uko egiten dio hilda dagoela sinesteari.

1919. Prentsan amnesiko arlote baten argazki bat argitaratzen duenean, Juliek berehala errekonozituko du bere senar maitea. Hala, berriro elkartu, eta emeki-emeki berriz maitemintzen lagunduko dio. Beste emakume batek gizonaren benetako emaztea dela esango duen arte…