Els encantats (Elena Trapé)

Drama | Amatasuna

Duela gutxi banandu ondoren, Irenek lehen aldiz egingo dio aurre aitarekin egun batzuk ematen ari den lau urteko alabak utzitako hutsuneari. Errealitate berri horretara egokitu ezinik, Kataluniako Pirinioetako herri txiki batera bidaiatzea erabaki du, aspaldi galdu dituen segurtasuna eta lasaitasuna berreskuratzeko asmoz.

2023 | Malagako Zinemaldia: Gidoi onenaren saria

.

No bears (Jafar Panahi)

Drama

Bi maitasun-istorio paralelo izango dira kontakizunaren oinarria.  Bikotearen nahien gainetik, oztopo ezkutu eta saihestezinek, sineskeriaren indarrak eta boterearen mekanikak zapuztutako bi harreman.

2022 | Veneziako Mostra: Epaimahaiaren Sari Berezia

2022 | Seminci – Valladolideko Zinemaldia: Sail Ofiziala

.

Rebel (Adil El Arbi, Bilall Fallah)

Drama | Thrillerra | Ekintza

Kamalek Siriara joatea erabaki du, gerrako biktimei laguntza ematera. Baina, iristean, Al Raqan blokeatuta, talde armatu batekin bat egin beharko du. Egoera horretan, bere neba txikia, Nassim, anaiarekin bat egitearekin amesten duena, harrapakin erraza bihurtuko da jihadeko errekrutatzaileentzat.

2022 | Cannesko Zinemaldia: Sail Ofiziala

.

Secaderos (Rocio Mesa)

Drama | Landa bizitza

Landa-inguruko herrixka bat neska hiritar baten paradisua da, eta bertako nerabe baten kaiola. Bi istorio paralelo horiek tabako-lehortegien artean gertatuko dira errealismo magikoz tindatutako uda batean.

Rocio Mesa zuzendariaren bigarren film luzea duzue honakoa.

2022 | Donostia Zinemaldia: New Directors

2022 | FICX – Xixongo Nazioarteko Zinema Jaialdia: PREMIO DCP DELUXE

.

Les Cyclades (Marc Fitoussi)

Komedia | Laguntasuna

Gaztetan, Blandine eta Magalie banaezinak ziren, baina urteen joan-etorriak beren bideak banandu zituen. Berriro gurutzatzen direnean, beti amestutako bidaiari elkarrekin ekitea erabakiko dute. Greziara doaz, bertako eguzki eta irlen bila, baina ihesaldia ez da irudikaturiko hori bezain ona izango…

.

(…)

Estreinaldi guztiak ezagutzeko, sartu ZINEA atarian!