La sociedad de la nieve (J.A Bayona)

Ekintza | Drama | Gertakari errealetan oinarritutako istorioa

1972an, Uruguaiko Aire Armadaren 571. hegaldia, errugbi talde bat Txilera eramateko pleitatua, Andeetako bihotzean erori zen. 45 bidaiarietatik 29 baino ez ziren bizirik atera. Planetako ingurune gogor eta iritsi ezinenetako batean harrapatuta, muturreko neurriak hartu behar dituzte bizirik irauteko.

2023 | Donostia Zinemaldia: Publikoaren saria

2023 | Sitgesko Fantasia eta Beldurrezko Zinema Jaialdia: Sail Ofiziala

.

Champions ( Bobby Farrelly)

Komedia | Drama | Remake

Saskibaloi talde berezi bat Olinpiadatan parte hartzeko lehiatzen ari da, Markus entrenatzaile inperfektu baina saiatuarengidaritzapean.

Javier Fesser zinemagile espainiarraren Campeones (2018) film arrakastatsuaren remake filma.

 .

Journey to Bethlehem (Journey to Bethlehem)

Drama | Musikala

Ezin imajinatuko erantzukizuna duen neska gazte bat. Maitasunaren eta ohorearen artean aukeratu behar duen gaztea. Errege jeloskor bat, bere koroari eusteko ezeren aurrean geldituko ez dena.

Gabonetako abentura musikal honek melodia klasikoak umorearekin, fedearekin eta pop abesti berriekin nahasten ditu, inoiz kontatu den istoriorik handienaren bertsio eguneratuan.

 .

Blood (Brad Anderson)

Beldurra | Drama

Jess, erizain banandu bat bere alaba eta Owen seme txikiarekin etxalde zaharrera itzuliko da. Etxe berrian jarri eta gutxira, txakurrak hozka egingo dio Oweni, eta honek infekzio misteriotsua eragingo dio.

Godzilla: Minus One (Takashi Yamazaki)

Fantasia

Bigarren Mundu Gerraren amaieraren ondoren atsekabeturik eta erabat suntsituta dagoen Japonia, krisian sartuko da munstro atomiko baten agerpenarekin.

.

Dance First (James Marsh)

Drama | Literatura | Biografikoa

Samuel Beckett literatura-jeinuak alderdi askotako bizitza bizi izan zuen: bon vivant paristarra, Erresistentziako borrokalaria Bigarren Mundu Gerran, Nobel Saria irabazi zuen antzerkigilea, senar emakumezalea, ermitaua. Baina jaso zituen lausengu guztiak gorabehera, bere ahuleziez erabat jakitun zen Beckett. Egilearen ethos ospetsuaren araberako (“Dantzatu lehenik, pentsatu gero”) izenburua duen filmak XX. mendeko ikono horren bizitzaren berri ematen digu.

2023 | Donostia Zinemaldia: Sail Ofiziala

.

Teddy, la magia de la Navidad (Andrea Eckerbom)

Abenturak | Txikientzat

Gabon garaiak herria zipriztintzearekin batera, jarduera frenetikoa nagusituko da merkatuan. Bertatik pasieran doala, Mariannek peluxezko hartz bat aurkitu du apal baten goikaldean.

Bizirik dago? Mariannek nola edo hala eskuratu nah izango du peluxea. Baina Teddyk familia aberats batekin joan nahi du.

.

Tetuan (Iratxe Fresneda)

Dokumentala 

Irrintziaren oihartzunak (2016) eta Lurralde hotzak (2018) lanen ondoren, Tetuan lanak borobilduko du Fresnedak ondutako erregistroaren gaineko trilogia berezia. Gentzane Martínez de Osabak, Oihane Iriartek eta zuzendariak berak ekoitzi dute lana, eta alaba batek (Fresneda), aitaren iraganaz sentitzen duen jakin-minak gidatuta, abiatutako bidaia erakutsiko da bertan, benetakoa eta zinematografikoa, iragana eta oraina kontuan hartuko dituena. Tetuan, Almeria eta bere basamortua, Madrilgo kaleak, Pirinioak, Euskadiko txokoak eta Danubio ibaiaren ertzean dagoen Errumaniako herri txiki bat izango dira bidaia honen lekuko.

Bilboko Multicines zinemetan eta Gasteizko Florida Zinemak aretoetan egongo da asteburuan ikusgai.

2023 | Donostia Zinemaldia: Zinemira

2022 | Xixongo Nazioarteko Zinema Jaialdia: Sail Ofiziala

2022 | ZINEBI – Bilboko Dokumentalen eta Film Laburren Jaialdia