La Marseillaise, eta Gora Euskadi! –

Egunotan Munduko Pilota Txapelketa jokatu da Bartzelonan. Lehen aldiz pilotari profesionalek ere txapelketan parte hartzeko aukera izan dute, eta Frantziaren izenean lehiatu diren euskaldunak izan dira domina gehien erdietsi dituztenak.

Trinketeko finaletan ere, soinean Frantziako elastikoa zuten pilotariek eskegi dituzte urrezko dominak. Buruz Burukoan Baptiste Ducassou itxasuarra aise nagusitu zaio Espainiaren izenean lehiatu den Eneko Maiz billabonarrari, eta bikoteka Larralde eta Bilbaok Diaz Balleza eta Cabello Tello mexikarrak menperatu dituzte.

Alta, sari banaketan pilotari txapeldunek argi utzi nahi izan dute nongoak diren, podiumean ikurriña astinduta:

Bartzelonan bukatu berri den Munduko Pilota Txapelketan, Frantziako selekzioak, trinketean eskuzko modalitatean urrea eraman du. Sari banaketako irudia hauxe da. Nahi duzuena erranen duzue, baina niri gustatu zait @FIPVOficial @fepelota @FFpelotebasque @MundialPilota pic.twitter.com/CbpUHCFCte

— Patxi Irigoyen (@patxiirigoyen) 2018(e)ko urriaren 21(a)

.

Irudiak euskaldun asko poztuko dituen arren, ukaezina da naturala izan beharko lukeena bitxikeria legez aurkeztu beharra amorragarria zaigula. En fin, edozelan ere, Zazpiak Bat aldarrikatzen duen ikurriña La Marsellesa entzun bitartean atera izanak harritu gaitu gehien.

.

* Txapelketako argazkiak, hemen.

La Marseillaise, eta Gora Euskadi! La Marseillaise, eta Gora Euskadi!