Ibaia eta Iballa eta tirolina –

Basoaren barren-barrenean, eguzki izpiak hostoen osin trinkoan zehar iragazten diren tokian, balet mugimendu bat hedatzen da zuhaitzen adaburuen artean. Han, katagorriak benetako akrobata bihurtzen dira, adarretik adarrera lerratzeko artean adituak.

Bada leku bat, non gizakiak izaki maitagarri horiek imitatzera ausartzen diren, emozio gogorrak esploratzeko eta esperimentatzeko irrikan. Abentura Anitzeko Parkeak edo Multiabentura Parkeak, zurezko egitura handi eta sendoekin, egoera garbian dagoen giza abenturaren lekuko gisa sortzen dira. Han, urtxintxak bezala, zuhaitzez zuhaitz ibiltzen gara, geure askatasun-bertsioa eta adrenalina uztartuz.

Eskandinaviako herrialdeetan jatorria duten Abentura Anitzeko Parkeek gorakada nabarmena izan dute azken hamarkadetan gure herrialdean. Leku horiek jarduera zirraragarriez gozatzeko aukera ematen dute ingurune natural batean, normalean baso inguruetan edo zuhaizti inguruetan.

Zehazki, 80ko hamarkadaren erdialdean sortu ziren, Suedian eta Finlandian. Eskualde horiek, beren baso-eremu zabalak erabiliz, leku bat garatu nahi izan zuten, non pertsonek aire zabaleko jarduerez gozatu ahal izango zuten eta zuhaitz artean mugitzen ziren bitartean grabitateari aurre egin ahal izango zioten. Handik aurrera, parke horien ospea berehala zabaldu zen mundu osoan.

Mendexa Lekeitio (Bizkaia) ondoan dagoen herria da. Mendexa, hain zuzen, “mendixa” du kokaleku. Mendexa mendixan. Mendexan hainbat landetxe, kanpin, baserri eta landa daude. Herri euskaldun petoa da. Lea-Artibai eta Busturialdean hainbat ekintza egin daitezke naturan, uretan zein mendian.

Jarduera horietako bat Mendexa Abentura Park deiturikoan egin dezakezu, hots, aurretik aipatutako abentura parke horietako bat, bereziki tirolinan aritzeko. Gainera, euskaraz %100, langile guztiak euskaldunak dira eta. Jarduera hau ume, gazte zein helduetzat pentsatua dago. Bikote, lagun talde, ikastetxe, familia edo enpresa lankide taldeek egin dezaketen aktibitatea da. Goiz edo arratsalde pasa batean egin daiteke. Ekintza dibertigarria da; nahiz eta batzuei ikara eragin hasieran, 8 edo 10 metroko altueran tirolina egin behar baitira maila zailenetan. Poliki-poliki erronkak errazetik zailagoak egitera joan zaitezke. Beldurra gainditzea erraza da eta bertako beharginek lagunduko dizute.

Ekintza erabat segurua da, izan ere, etengabe sokaz lotuta egingo duzu bidean gora eta tirolina egitean bi sokak eutsiko zaituzte.

Bertako zuzendari eta arduraduna Arkaitz Erkiaga da. Gizon jatorra da eta modu adeitsuan azaldu dit hango nondik norakoak.  Parkeak 5 urte darama martxan. Parkeko kontuak alde batera utzita eta bitxikeria bezala, berak kontatu zidan bere emaztea kanariarra dela eta alaba bat eduki zutela, duela 11 urte. Izen bezala “Ibaia” jartzea erabaki zuten, izan ere esanahia du euskaraz, baina baita kanariarrentzat ere. Yballa XV mendeko kanariar tribuko emakume aborigen bat, gaztelarren aurkako matxinadan parte hartu zuena.

Halaber, Arkaitz ur kiroletan ere zaletua eta aditua da. Horregatik, Txile aldean piraguan ibili zen. Bertan Kawésqar tribuarekin hartu emana izan zuen eta egungo kulturarekin eta bizimoduarekin bizi duten talka aipatu zidan.

Ibaia eta Iballa eta tirolina