Erresuma Batuan genero klinika aintzindaria itxi egin dute – 

Erresuma Batuko genero baieztapenerako Tavistock klinika, sare publikokoa, itxi egin dute.

Klinika behin betiko ixteko agindua eman zen Hilary Cass pediatrak haurrentzako genero-zerbitzuei buruz egindako ikerketa independente baten atarikoa argitaratu ondoren. Ikerketa horretan, genero-trantsizioan interesa adierazi zuten paziente nerabeen arreta kritikatzen zen.

Cass doktorearen aurtengo hasierako atariko txostenaren arabera, espezialisten zerbitzuak bilakaera azkarra eta organikoa izan duenez eskariari erantzuteko, ikuspegi klinikoa eta zerbitzuaren diseinu orokorra “ez dira tratamendu berriak edo berritzaileak sartzen direnean normalean aplikatzen diren kalitate-kontrol batzuen mende egon”. Ustezko arreta-akatsek barne hartu zuten pubertaroa blokeatzeko sendagaien zuhurtziagabekeriazko preskripzioa, albo-ondorio kaltegarriekin.

Txostenak “funtsean bestelako zerbitzu-eredu bat” gomendatzen zuen. Tavistockek ez du behaketa ikerketarik edo epidemiologia-azterketarik egin 20 urtetik gorako nesken (kasuen % 85) hasiera azkarreko disforia (HAD) aztertzeko.

Bere txostenean, Cass doktoreak esan zuen Tavistocken sartzeko unetik bertatik, “badirudi ikuspegi bat dagoela nagusiki baieztatzailea, ez esploraziozkoa, sarri haurren eta gurasoen itxaropenek eta trantsizio sozialaren mailak bultzatuta [beste sexukoa bazina bezala bizitzea], zerbitzua emateko atzerapenaren ondorioz garatu dena”.

Profesional anitzez osatutako Berrikuspen Taldeari emandako dokumentuen arabera -Keira Bell ‘detrantsizionatzailea’-ren Tavistock-en aurkako epaiketaren garaipen judizialaren ostean sortutakoa, tratamendu erabakiak gainbegiratzeko hain zuzen ere-Cass doktoreak zera aurkitu zuen: [Tavistock klinikan ] “ez dirudi ebaluaziorako edo progresiorako ikuspegi estandarizaturik dagoenik” prozesuan zehar.

“Ohikotasunez dokumentatzen diren osasun mentaleko edo garapen neurologikoko ebaluazioen ebidentzia mugatua dago [adibidez, autismoa duten haurrentzat], baita diagnostiko formaleko edo formulazio psikologikoko diziplina batena ere”.

“Badirudi ez dagoela prozesu sendorik beste agentzia batzuekin lan egiteko, arriskuan egon daitezkeen edo zaurgarriak izan daitezkeen eta babesa behar duten haur, gazte eta familiak identifikatzeko”.

Gainera, Erresuma Batuko Tavistock genero klinikak 1.000 paziente ohik osatutako auzi potentzial bati aurre egin beharko dio, The Times egunkariaren arabera.

Pogust Goodheaden negligentzia klinikoagatiko demandaren arabera, nerabeek berehala hartu zituzten pubertaroaren blokeatzaileak, bizitza alteratzen dutenak eta epe luzerako kalteak eragiten dituztenak, askotan atzeraezinak, horren guztiaren erabateko ezagutzarik gabe.

Tom Goodhead bazkide-kudeatzaile eta zuzendari exekutiboak adierazi duenez, haur horiek bizitza aldatu dieten ondorioak jasan dituzte, eta, kasu batzuetan, jaso zuten tratamenduaren ondorio itzulezinak, eta horrek ondorio fisiko eta psikologikoak eragin dizkie epe luzera.

Pogust Goodhead, formalki PGMBM bezala ezaguna, taldeko auzietan aditua den nazioarteko abokatu talde bat da, kalte-galera korporatiboetan espezializatzen dena. Profil goreneko kasuak izan dira Volkswagenen isurketei buruzko erreklamazioak eta Brasilgo presaren hondamendiaren ondoren 200,000 lagunen eskaria.

Abokatu-bulegoa talde-auziko agindu baten zain dago, antzeko erreklamazio batzuk taldean kudeatu ahal izateko; dokumentuak Auzitegi Nagusian sei hilabeteko epean aurkeztea espero da.

Sinclairs Lawk-eko Paul Conrathe-k zeinak Keira Bell ‘detrantsizionatzailearen’ abokatu gisa jardun zuen Tavistock-en aurkako 2019-22ko berrikuspen judizialeko ekintzan, esan zuen “ez zela harrigarria” klinikak orain negigentzia klinikoagatiko konpentsazio-erreklamazioei aurre egin behar izatea.

Konpentsazio-erreklamazio horiek abisutzat jo beharko lirateke, ume zaurgarrien bizitza aldatzen duten sendagaiak agintzen dituzten klinikentzat. Genero-disforia tratatzeko ideologikoki bultzatutako ikuspegi medikoek, ebidentzia zorrotzeko oinarririk ez dutenek, kalte-arrisku esanguratsua eragiten diete haurrei; eta medikuei, berriz, auzipetuak izateko arriskua.

Litekeena da munduko gazteentzako genero-klinikarik handiena den Tavistocken aurkako edozein ekintza kolektibo, hurbiletik behatuko dutela genero-baieztapenaren ikuspegi bera erabiltzen duten nazioarteko beste klinikek, “protokolo holandarra” izenez ezagutzen den ikuspegia: pubertaroa blokeatzen duten sendagaiak ematea umeen garapena gerarazteko; ondoren hormona-tratamenduak, gorputzak kontrako sexuaren antz handiagoa izan dezan; eta, azkenik, kirurgia, mastektomia, histeroktomia, irentzeak eta abar.

Eta hau ez da hemen geratzen, domino-efektu bat gertatzen ari da: Texasko estatua Endo Pharmaceuticals Inc eta AbbVie konpainia farmazeutikoen praktika komertzial engainagarriak ikertzen ari da, umeentzako pubertaroa blokeatzaileen ustezko sustapenagatik, balizko arriskuen berri eman gabe eta arauzko onespenik gabe. (Hormonak kentzeko sendagai berberak onartuta daude pubertaro goiztiar zentralaren gaitzentzat eta prostatako minbiziaretzako).

Hilabete honen hasieran, Floridako Mediku Batzordea bildu zen adingabeentzako genero aldaketa debekatuko lukeen lege bat aztertzen hasteko. Floridako Arreta Medikoko Administraziorako Agentziak pediatriako trantsiziorako Medicaid-en subsidioak kritikatu, haur eta nerabeentzako genero-baieztapenerako tratamenduari buruzko kritika zientifiko integrala egin ondoren.

Estatu Batuetako pediatrak gerran daude beren lankideekin, sexua aldatu nahi duten nerabeei ohiko moduan ematen zaien pubertaroa blokeatzen duten medikamentu eztabaidagarriengatik, Daily Mailek adierazi duenez.

Filtratutako fitxategietan AEBetako pediatrek beren lanbide-kidegoari leporatzen diote trans nerabeetan drogei lehentasuna emateko ikuspegi “kaltegarria” sustatzea, eta protokoloak aldatzeko mugimenduak nahita BLOKEATZEA.

Erresuma Batuan genero klinika aintzindaria itxi egin dute