Aitzol Atutxa aizkolaria, saria jaso eta triste etxera –

Aitzol Atutxa Gurtubai dimar aizkolaria Euskal Herriko txapelduna da 2014a geroztik, eta bere kirol lorpenak direla-eta makina bat sari jasotakoa da. Azkena, Deia egunkariak emana, herri kirolei zegokiona.

Egunkari bizkaitarrak herenegun banatu zituen Deia Kirol Sariak, Euskalduna jauregian eta Jose Manuel Monje, Onda Vasca irratiko kazetaria, aurkezle zela. Atutxarekin batera, beste asko izan ziren saritutako kirolariak, besteak beste Jon Rahm, Garbiñe Muguruza, Mikel Landa, Leire Etxaniz eta Oinatz Bengoetxea.

Saritua izan arren, baina, “triste” hartu zuen etxerako bidea Atutxak, txapeldun handia ez ezik euskaltzalea ere badenez, sari banaketan euskaraz hitz bakar bat egin ez zutela-eta. Horrelaxe agertu zuen aizkolariak berak, berotan idatzitako txio kate baten bitartez.

-HARIA-

SARITUA IZAN ETA ETXERA TRISTE ZOAZEN EGUN HORI”

Hasteko, pentsatu gabeko hitzak idazten ari naizela esan nahi dut, beharbada egun batzuk barru damutuko egingo naiz eta jada ez da atzera bueltarik izango.

— Aitzol Atutxa (@Atutxall) February 8, 2018

Atzo , “euskal kirolaren deia sariak” ospatu ziren eta bertan saritua izan nintzen. Eskerrikasko Deia eta epaimahaiko kideak.

— Aitzol Atutxa (@Atutxall) 2018(e)ko otsailak 8

Nondik datorren nire tristura? Gala honek euskeraz izan zuen bakarra bere izenburua izan zela. Oso gaizki Deia eta antolatzaileak. Ez dakit noren ardura den baina erantzuleren bat egon behar da seguru.

— Aitzol Atutxa (@Atutxall) 2018(e)ko otsailak 8

Batzuk izerdiz bi pausu aurrera ematen dituzten bitartean beste batzuek utzikeriaz hamar pausu ematen dituzte atzera.

— Aitzol Atutxa (@Atutxall) 2018(e)ko otsailak 8

Gaua aurrera zioan eta sarituak oholtza gainera igo eta jeitsi ari ziren euskarazko hitz bakarra batzuen izen abizenak izanik. Euskal hiztunak ere igo ziren baina beraientzat galderak ere gaztelaniaz ziren.

— Aitzol Atutxa (@Atutxall) 2018(e)ko otsailak 8

Nire txanda etorri zen eta nire galdera aurreko guztiak bezalaxe gaztelaniaz. Nire erantzuna ordea euskeraz izan zen eta horrelaxe egin genuen elkarrizketa. Galderak gaztelaniaz, erantzunak euskeraz. Naturaltasun osoz egin nuen.

— Aitzol Atutxa (@Atutxall) 2018(e)ko otsailak 8

Jendeak ordea ez dakit nola hartu zuen, baten batek aurkezle eta ikusleenganako errespetu falta zela esateak eta pentsatzeak ez ninduen haserretu baina bai tristetu.

— Aitzol Atutxa (@Atutxall) 2018(e)ko otsailak 8

Atzo egindakoaz ez naiz damutzen, ez nuen inor gaizki sentiarazteko asmoz egin, baina ziur nago ni bezalaxe aretoan zegoen jendearen artean tristura puntu bat sortuko zuela atzoko gauak.

— Aitzol Atutxa (@Atutxall) 2018(e)ko otsailak 8

Zorionak saritu guztiei, jarraitu zuen ametsak izerdiz betetzen.

— Aitzol Atutxa (@Atutxall) 2018(e)ko otsailak 8

Azaleko argazkia: Jose Mari Martinez (Deia).

Aitzol Atutxa aizkolaria, saria jaso eta triste etxera