Bartzelona futbol taldeak Athletic-en kontra duen hitzordu berezia dala-eta, web ofizialeko atal batzuk euskarara ekarri dabez katalanek.

“2015eko Errege Kopako finaleko berriak” goiburupean, bost dira euskaraz irakurtzen diran atal edo barriak, bertaratuko diren euskal zaleentzat atonduak guztiak bere:

“Bartzelonaren 26 Kopa tituluak”, talde katalanaren garaipen gogoangarrien barri ematen dabena.

“Finalak hartzen klasiko bat”, talde gorri-urdinen zelaian jokatu diren finalak aipatzen dabezana.

“Barçak eta Athleticek zortzigarrena elkarrekin”, bi taldeen arteko Kopako lehiak gogora dakartzana.

“Camp Nouko tourra”, Barçaren zelaia aurkezten dabena.

“Bartzelonan ikusi beharrekoak”, turismoa egiteko tarterik dabenentzako.

.

Hizkuntza mordo batean

Bartzelona munduko kirol talde ezagunenetakoa da, halandaze web orria hizkuntza mordo batean dabe atondua -Athleticek hirutan baino ez, euskaraz, gazteleraz eta ingelesez-. Barçak: Katalanez ezeze, gazteleraz, ingelesez, arabieraz, frantsesez, indonesieraz, japonieraz, portugesez eta txineraz; tumatxa!

Orain, baita euskaraz ere, ataltxo bat baino ez bada bere. Espainia aldean, Erregea txistuka hartuko dabela-eta horman gora diran bitartean, Katalunia partetik detaile polita izan dabe euskaldunokin.