Administrazioa euskalduntzearen aldeko bi elkarretaratze, Donostian eta Bilbon –

Pasa den astean, administrazio publikoan euskararen normalizazioa atzera egitea bilatzen duten bi sententzia berri ezagutu ziren, hain zuzen, Eusko Jaurlaritzak deitutako bitarteko udal-idazkarien lan-poltsaren eta Gipuzkoako Foru Aldundiko 100dik gora administrari-teknikariren egonkontze prozesuaren hizkuntza eskakizunak baliogabetzen dituztenak. Euskalgintzaren Kontseiluak gogor salatu ditu Auzitegien erabakiak, eta Gipuzkoako Aldundiari erabaki horren aurka helegitea jar dezan babesa adierazi dio.

Sententzia hauen aurrean, Euskalgintzaren Kontseiluak, ELA eta LAB sindikatuek elkarretaratzea deitu dute ostiral honetarako, martxoak 21, 12:00etan Gipuzkoako Foru Aldundiko egoitzaren aurrean (Gipuzkoa Plaza 1, Donostia – Mapa).

Bestalde, oldarraldi judizialaren baitako sententziek eragindako ziurgabetasuna medio, Bizkaiko Foru Aldundiak iragarri du etorkizuneko deialdietan euskararen eskakizuna erdira murrizteko asmoa duela. Aldundiak atzerapausorik eman ez dezala eskatzeko elkarretaratzea egingo dute Kontseiluak eta ELA eta LAB sindikatuek ostiral honetan, martxoak 21, 12:00etan Bizkaiko Foru Aldundiaren aurrean (Gran Via 25, Bilbo – Mapa).

Administrazioa euskalduntzearen aldeko bi elkarretaratze, ostiral honetan Donostian eta Bilbon