Yeguacerosko kuartela eraitsi dute Belaguan –

Yeguacerosko kuartela eraitsi egin dute. Orain, parajea leheneratu eta horren jabe den Izabako Udalari bueltatuko diote. Ondo dago ingurune paregabe hura leheneratzea eta ondo dago ere Udalari garai batean defentsa nazionalaren izenean kendu zioten eremua bueltatzea. Baina albistea lerrootara ekarri dugu Yeguaderosko kuartela Euskal Herriko ekologismoaren historiaren parte ere badelako.

Beteranoenek lerroon gainean ipini dugun kartela ikusi bezain pronto gogoratu dute, seguru. Kartelak dei egiten du urriaren 3an eta 4an Belaguan bertan egin behar diren mobilizazioetan parte hartzera. Zer urtetan, ordea? Bada, 1981ean. Alabaina, kartel hura ez zen egin 1981eko kanpainarako. Kartela, jatorriz, 1976an Belaguan egin nahi zuten urbanizazio-proiektuaren kontrako kanpainarako diseinatu zen. 1981ean, baina, berriz ere erabili zen Yeguacerosko kuartelaren kontrako kanpainan, bi militarren buruen ziluetak gehituta.

“Zain dezagun Belagua” kanpaina haiek ekologismoan sustraitutako lehenengo kanpaina handiak izan ziren Euskal Herrian, Debako eta Lemoizko zentral nuklearren kontrakoekin batera, jakina.

Portzierto, 1981eko urriaren 3 eta 4ko asteburu hartan, ez zen Yeguacerosko obretara hurbiltzeko modurik izan, Guardia Zibila gustura ibili zelako.

Kuartelaren gainerako historia eta egunotako eraisketaren irudiak Diario de Noticiasen honako esteka hauetan ikus ditzakezu:

El derribo del refugio militar de Belagua dará paso a la regeneración del terreno

El refugio militar desaparece de Belagua y da paso a la regeneración del terreno

Yeguacerosko kuartela eraitsi dute Belaguan