Sexuaz eta euskaraz. Aukera bi horiek ematen dituzte sarean sortu diren txat-erotiko euskaldunek. Dumdum ezizena erabiltzen du sortzaileak eta Topatu.info webguneko ‘Sextabaida’ atalean eman du gisa honetako bi txaten berri. Batek Speeqe aplikazioa erabiltzen du eta besteak Mibbit IRCrako web bezeroa. Lehenengoa da errazena erabiltzeko eta bertan biltzen dira lagun gehien oraingoz. Bigarrenak ‘Kaixo!‘ estiloa duela dio sortzaileak eta honi eman nahi dio lehentasuna, baina txat hau erabiltzeko arazoak izan dituzte internautek. Dena den, sortzaileak argi du Miibiteko txata dela onena, nahiz eta ez den behin betikoa. “Oraingoz probisionalki muntatuta dago eta batzuetan arazoak eman ditzake sartzeko”. Web domeinu propio batek sartzeko arazoak konponduko lituzkeela argitu du ere.

Bart, Dumdumek azaldu zigun zergatik sortu duen horrelako txat bat. Topatun horrelako txaten inguruko galdera batetik habiatu zen eta “desafio” gisa hartu ondotik egin du. “Planteamendua honakoa izan da: ez dago? ba sortu dezagun inori itxaron gabe eta bide batez zerbait berria ikasi dezagun”. Hala ere, txata hobetzeko gogoz azaldu da eta informatikari buruz gehiago dakien norbaiten laguntza eskertuko lukeela esan du. Aportaziorik duen inork sextanda@gmail.com helbidera idatz dezake.

Zuzenean

Orain arte ‘Sextabaida‘ izan da euskaldunek sexuaz mintzatzeko izan duten guneetariko bat. Bertan bakoitzak bere esperientziak kontatzen ditu, galderak plazaratu edota proposamenak egin. Dumdumek egindako txat-erotikoei esker, baina, denbora errealean eztabaidatu dezakete euskaldunek gaiaren inguruan. Proiektua gaztea da (egun batzuk baizik ez ditu) baina erabiltzaileek aukera dute dagoeneko beste euskaldunekin solasteko.

sexuaz ere solastu daiteke euskaraz

Sexuaz eta euskaraz. Aukera bi horiek ematen dituzte sarean sortu diren txat-erotiko euskaldunek. Dumdum ezizena erabiltzen du sortzaileak eta Topatu.info webguneko ‘Sextabaida’ atalean eman du gisa honetako bi txaten berri. Batek Speeqe aplikazioa erabiltzen du eta besteak Mibbit IRCrako web bezeroa. Lehenengoa da errazena erabiltzeko eta bertan biltzen dira lagun gehien oraingoz. Bigarrenak ‘Kaixo!’ estiloa duela dio sortzaileak eta honi eman nahi dio lehentasuna, baina txat hau erabiltzeko arazoak izan dituzte internautek. Dena den, sortzaileak argi du Miibiteko txata dela onena, nahiz eta ez den behin betikoa. “Oraingoz probisionalki muntatuta dago eta batzuetan arazoak eman ditzake sartzeko”. Web domeinu propio batek sartzeko arazoak konponduko lituzkeela argitu du ere.