Korrika hasteko 10 egun baino ez direnean geratzen, Korrika Kulturala ekitaldiz josita datorkigu. Dagoeneko Euskal Herriko bazter guztiak Korrikaz blaitzen hasi dira. Hona hemen datorren asteko hainbat ekitaldi:
Nafarroa:
·Martxoaren 11n, Lodosan, Pirritx, Porrotx eta Marimotots, Lodosako Udal frontoian arratsaldeko 17:00etan. Sarrerak 6 euroan (korrika laguntzaileentzat 5 euroan),  Kultur Etxean, Ibaialde Ikastolan, Galtzagorri Euskaltegian eta Frontoian egun berean salgai.
·Martxoaren 13an, Iruñean, Gosariak Zentral Kafe Antzokian, gaueko 21:30ean. Sarrerak 8 euroan (Korrika laguntzaileentzat 7 euro) Korrikaren Dendan, AEK-ko euskaltegietan eta Karridendan salgai.
·Martxoaren 14an, Lizarran, Hor dago Ardoa Gure Geroa elkartean, arratsaldeko 19:30ean. Sarrerak Beinat Etxepare euskaltegian, eta egunean bertan  6 euroan (korrika laguntzaileentzat 5 euroan) salgai.
Bizkaia:
·Martxoaren 11n, Bilbon, Fausto Alhondegiko auditorioan, gaueko 20:00etan. Sarrerak Kalderapekon, Bilboko Aek-ko euskaltegietan  8 euroan salgai (korrika laguntzaileentzat 7 euroan).
·Martxoaren 14an, Erandion, Gosariak Altzagako azoka zaharrean, gaueko 20:30ean. Sarrera doan.
Ipar Euskal Herria:
·Martxoaren 12an, Baionan Bertsolaritzaren Sekretuak Kalostrapen  iluntzeko 19:30ean. Sarrera doan.
Araba:
·Martxoaren 13an, Gasteizen Hor Dago Ardoa, Oihaneder Euskararen Etxean (Ur biltegian). Iluntzeko 19:30ean. Sarrerak Beinat Etxepare euskaltegietan salgai eta egunean bertan 6 euroan salgai (5 euroan korrika laguntzaileentzat).
Gipuzkoa:
·Martxoaren 14an, Eskoriatzan,  Bertsolaritzaren Sekretuak, Zaldibar antzokian gaueko 22:30ean. Sarrerak Eskoriatzako kiroldegian 4 euroan salgai.

Tipi-tapa, tipi-tapa gero eta gutxiago geratzen da 19. Korrika heltzeko!