Itxialdian irakurtzekoak

Itxialdian irakurtzekoak –

Literaturari buruzko Hitzen Uberan ataritik jasoa.
Itxialdian irakurtzekoak
Irudia: Portoko Lello liburu-denda, ametsei bazka emateko.

Abian da itxialdiko bigarren astea; ordutegia finkatu eta hainbat eratako jarduerak egitea gomendatu dute psikologo eta adituek. Besteak beste, egunotan, irakurtzeko aukera izango dute hainbat herritarrek (ez denek). Liburutegira ezin joanda, liburu-dendara ere ez… Sarean eskuragai dauden baliabideak bilduko ditugu datozen egunetan.

Itxialdiak iraun bitartean ezin gara joan liburutegira ez liburu-dendetara, baina irakurgaiak eskuratzeko hainbat bide badira sarean. Hona gida txiki bat.

.

Susarenak

Susa argitaletxeak paperekoarekin batera eskaintzen du liburuen ebook bertsioa, eta haien webgunean eros daitezke aleak. Nolanahi ere, debalde ere eskaintzen dituzte, eta webgunean bilatu eta bertan irakur daiteke dena delako lana. Susa argitaletxearen barruan dauden bilduma guztiak eskura daitezke: narratiba, poesia, saiakera, Munduko Poesia Kaierak, Lisipe saiakera feminista eta Ganbila antzerki-bilduma.

.

Literatura Unibertsala

Armiarma atarian jarraituz, Literatura Unibertsala bildumako lehen aroko hainbat liburu eskura daitezke, hala nola Daniel Defoeren Robinson Crusoe –bakarrik egoteari buruzkoez pentsatzen jarraitzeko– edo William Shakespeareren Hamlet –beste garai batera jauzi egiteko–.

Itxialdian irakurtzekoak

.

Klasikoen bilduma

Klasikoetara jotzen beste aukera bat eskaintzen du EHUk bultzatutako klasikoen bildumak. Kasu honetan, filosofiari, ekonomiari, psikologiari, literaturari eta abarrei buruzko saiakera ezagunak, pasa den mendekoak zein oso aspaldikoak, irakurtzeko aukera daukagu, wegbune honetan.

.

Edo! argitaletxearenak 

2012an abiatu zuen Edo! argitaletxea literaturzale talde batek, euskaraz ezohiko liburuak kaleratzeko asmoz (artista liburuak, album ilustratuak, komikiak, argazki liburuak, saiakera kolektiboak, itzulpen lanak, hitzaldiak, poesia lan laburrak…), betiere oinarritzat hartuz, besteak beste, autofinantzaketa, borondatezko lana, pentsamendu kritikoa, eragiletza soziala eta adostasuna.

Hiru bilduma jarri zituzten martxan: Literola (askotariko literatur lanak), Begikoak (Askotariko ilustrazioak oinarri dituzten sormen-lanak) eta Xortak (Orrialde gutxiko testuak). 2017an amaitu zen argitaletxearen ibilbidea –hona hemen amaierari buruz argitaratu genuen artikulua–, baina sarean jarri dituzte argitalpena ugari, hala nola Virgnia Woolfen Dalloway andrea nobela (itzultzailea: Itziar Diez de Ultzurrun) edo Harkaitz Canoren Txalorik ez, arren saiakera. Hemen deskargatu ditzakezue.

Itxialdian irakurtzekoak

.

Farmazia Beltzaren botikak

Farmazia Beltza argitaletxeak sarean ipini du Zerocalcare komikigilearen Hondamuinean nobela grafikoa, Koldo Izagirrek itzulia. Hemen eskuratu dezakezue. Bestalde, ohar bat ere argitaratu dute, eta bat egiten dugu haiek diotenarekin: “itxialdia amaitu bezain pronto, gure herrietako liburudendak berpiztea denon lana izango da”.

Itxialdian irakurtzekoak
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude