Euskal Herria Zuzenean laguntzaile izateko izen emateak zabalik dira –

Euskal Herria Zuzenean festibalak programaziora gehitu diren taldeen berri eman du: Gatibu, Liher, Vapa, Arima, Kuma No Motor eta Aho Zakil Konexion.

EHZn laguntzaile izateko izen emateak zabalik dira jada.

Ekainaren 30etik uztailaren 2ra antolatuko dugun EHZ festibalean izango dira Gatibu Liher, Vapa, Arima, Kuma No Motor eta Aho Zakil Konexion taldeak ere, programazioa osatzera datozenak. Hiru egunez elektro, rock, pop, death metal eta beste doinuek dantzaraziko dute Irisarri, besteak beste Belako, Kolinga, Afrika Bibang, Ada Oda, Kristonak, Muare, Willis Drummond, aKats, Madmadmad, Soulfly eta Mandarien taldeek joko baitute bertan, jakinarazi diren taldeekin batera.

Bestalde, ekainaren lehenean iragarriko da kultur programazio osoa, baita mintzaldi eta mahai-inguruen berri eman ere.

.

Saio pedagogikoak

Aurten, joan den urtean plantan ezarritako esperientzia bat berretsi dugu. Euskal kultura eta ikusgarrigintzaren inguruko saioak antolatu ditugu Iparraldeko ikastetxe ainitzetan. Bigarrenen klasetik terminalera, 300 bat ikasleer hainbat tailer ludiko proposatu dizkiegu (ekimen baten antolatzeko etapa desberdinak, galdezketa parte hartzaile bat kulturari buruz etab.) dohainik.

Arrosako zolatik Irisarriko plazara bidea luzea egina du EHZk. Idauze-Mendi, Heletan eta Lekorne barna, munduko herrien zein askoriko jende, doinu eta borroken topaleku izan da. Auzolanean eraikitzen den festibal honen baloreak gazteei trasmititu eta iraganetik gerorako bidaia eskaini nahi diegu, bizi den euskal kulturaren inguruko jakintza sustatzeko xedearekin.

.

Izan laguntzaile