“Errespetuan, elkartasunean eta auzolanean hezitako jende masa kritikoa da gazte mugimenduaren ekarpen nagusia”
Segi gazte erakundeak “agortutzat” eman du bere burua tresna gisa. Garai berriek “molde berriak” galdatzen dituztela argudiatu dute eta “aldaketaren parte” izateko “berregokitu” beharra dagoela. “Arduraz hartutako erabaki hau” gazte mugimendua “bizirik” dagoenaren seinale dela aldarrikatu dute eta, batez ere, urte luzez “Euskal Herriaren askapen nazionalaren eta eraldaketa sozialaren defentsan egindako lana” ekarri dute gogora.
2009an abiatutako barne hausnarketa baten ondoriozko erabakia da hau. Zerk bultzatu zuen berdefinizio prozesu hau?
Aipatu duzun garai hartan somatzen hasia zen 2003ko Segiren biltzarrean adostutako gazte estrategia hura topea jotzen ari zela. Sei urte iragan ziren sorreratik, gizartea eta testuingurua bera aldatzen ari ziren maila guztietan eta, beraz, argi zen moldatu beharra zegoela. Eztabaida oso autokritikoa izan zen, eta ondorio nagusi bat ekarri zuen: Segi, tresna gisa, agortuta dagoela.
Nolakoa izan da edo nola gauzatu da eztabaida hau?
Herriz herriko eta nazional mailako eztabaida izan zen, 2009an hasi eta urtebetez luzatu zena. Tartean atxiloketa saio latzak izan ziren Ipar zein Hego Euskal Herrian, besteak beste 30 lagun baino gehiago kartzelara eraman zituen sarekada handi hura; hain justu horren ostean amaitu zen hausnarketa garai hau. Epe beretsuetan Ezker Abertzaleak bere estrategia berdefinitu du, eta gu ere honetan berresten gara. Izan ere, urte luzeetan zehar, gazte antolakundeak, existitzen denetik, bere burua berregokitu du fase berri ororen aurrean; garai bakoitzak badituelako berezko proiektuak, erantzukizunak, funtzioak eta betebeharrak.
Ondorio nagusi modura Segi tresna gisa agortutzat jotzea aipatu duzue. Zergatik uste duzue hala dela?
Agorpen horren kausen artean bat azpimarratuko genuke; Segik ez ziola jada bere xede nagusiari erantzuten, alegia, ez zuela gazte problematikari erantzutea lortzen. Erakundearen eta gazteriaren artean halako amildegi bat zegoen, hainbat faktorek eragindakoa: barne antolamendua eta funtzionamendua agian ez ziren egokienak, eraso errepresiboei erantzuten ari ginen eraikitzen baino gehiago, gure jarduna robotizatu egin zen hein batean, perspektiba laburrez ari ginen… azken batean, estrategiaren helburuak bete ordez, Segi eta bere biziraupena bera bilakatu ziren helburu. Gainera, belaunaldi berriek lekukoa hartzearekin batera jabetu ginen gazteriaren joerak, jarduteko moldeak eta militantzia ulertzeko modua nabarmen aldatu direla.
Azken urteetako errepresioak existitzea bera bihurtu du helburu, eta ziur asko horretatik eratorri dira ahulguneetako asko, ala?
Errepresioak gure funtzionamenduan eragin zuzena izan du, ezin dugu ukatu, eta aipatzen genuen amildegia elikatu du. Gogoratu datua: 200 bat gazte atxilotu dituzte azken lau urteetan. Hegoaldean ilegalak izan gara, horrek gure jardun publiko eta normalizatua oztopatu du, dakartzan ondorio guztiekin. Eta Iparraldean ere, beste modu batera baina kriminalizatuak izan gara, atxiloketen bidez besteak beste. Dena den, gure irakurketa ondorengoa da: botere hegemonikoak bere burua mehatxatuta sentitzen duenean eta mehatxu horri ezin dionean beste modu batera aurre egin, errepresioa da erabiltzen duen azken-azken tresna. Hortaz, erantzun hauek estatuen ahulezia utzi dute agerian, eta, neurri batean, Segik bere funtzioa betetzea lortu duela berretsi dute, mehatxua izan garelako botere faktikoentzat. Gainera, sarekadak sarekada, ez dute sekula lortu mugimendua geldiaraztea. Beti iritsi da gazte belaunaldi berri bat lanerako prest, gazteriaren konpromisoaren erakusle, faktura latza izan den arren.
Nazional mailako aldaketa da, nahiz eta jakin Bidasoaren bi aldeetan eta probintziaz probintzia ere errealitatea oso ezberdina dela, ezta?
Segi antolakunde nazional modura sortu zen, aitzindari izan zen egituraketa molde horretan eta hamar urtez horrela funtzionatu du, izan dituen oztopo guztiekin, batzuetan harreman nazionalak erabat mugatuak izateraino, errepresioak eta ilegalizazio prozesuek ez baitute batere lagundu horretan. Baina lortu dugu, hala ere, hori gainditzea, eta nazio egituratze honek lehendabizikotz permititu digu gazte askok Euskal Herri bezala pentsatzea eta eragitea, permititu digu justuki elkar ezagutzea, eta ezagutzea baita ere gure arteko desberdintasunak. Azken batean, permititu digu ulertzea Euskal Herria bat dela, baina badirela honen baitan ezberdintasun aunitz aintzat hartzekoak, baldin eta gure problematikari erantzun nahi badiogu. Gaur egun gai gara esateko ez duela izenak egiten izana, eta filosofia behar dela, Euskal Herri bezala behar dugula pentsatu halaxe eragiteko.
Bizia duen orok ezagutzen ditu ziklo aldaketak, eta inflexio puntu hau, beste ezeren gainetik, gazte mugimendua bizirik dagoenaren sintoma dela aldarrikatu nahi duzue.
Mugimendu oro da ziklikoa; zikloak beti izaten ditu puntu gorenak eta gero behera egin behar izaten du berriz altxatzeko. Gazte antolakundeak 33 urteko ibilbide honetan autokritika erabili du tresna iraultzaile gisa eta honako hau bide horretan eman beharreko beste pauso bat da, ezinbestean. Bestela ez ginateke norabide zuzenetik joango.
Garaiak eta testuinguru politikoa aldatu direla diozue; gazteak ere bai. Nola ikusten duzue gaurko euskal gazteria?
Honetaz modu kolektiboan hitz egiterik badago bederen…Gaurko gazte jendea orain dela urte batzuk baino indibidualistagoa dela esaten da, uste zabaldua da hori; eta guk konpartitzen dugu, hein batean. Dena den, gizartea modu orokortuan ukitu duen joera da hau, ez dio modu berezian eragin gazteriari. Bestalde, era berean, ikusten ari gara mundu mailako gatazka gordinenetan gazteek hartu dutela gidaritza, gazteak izan direla altxatzen lehenak eta mantentzen dutela, hortaz, berezkoa duten izaera errebelde hori, hemen bezala beste toki batzuetan ere. Atzean geratu nahi ez badugu, berehalako erronka inportantea borrokan jarraitzeko baliabide edo molde berri horiek identifikatzea eta indartzea da, belaunaldi berrien nolakotasunarekin bat etorriko direnak, eta gure mezua ahal bezain toki ainitzenetara helaraziko dutenak.
Errespetuan?? mesedez, mesedez. Zuena baino jarrera faxista eta baztertzaileagorik ez da EHn inoiz izan. Orain aurpegia garbitzen saiatu arren, denok dakigu nondik zatozten eta zuen errespetua noraino iristen den. Izan untsa.
200 bat gazte atxilotu dituzte azken urteetan, asko basatiki torturatu,epaiketarik gabe urteetan bahituta mantendu, probarik gabe hainbat urteetara zigortu, milaka izan dira poliziak kolpatu dituenak (vascongadaseko polizia espainar zipaioak batez ere) beraien etxeetan bortizki sartu dira, milloika euro lapurtu haiei eta haien familiei, dozenaka bere etxetik ihes egitera bultzatu, asko borroka armatura bultzatu)
Nik esango nuke jarrera faxistagoak egon direla, akaso demokrata batzuek ez zuten ikusi nahi, bere nagusitasu moralaren fikzioa mantendu ahal dutelako horrela.
Segi ondooooooo euskal gazteria !!!!!!!
darta –> “Nik esango nuke jarrera faxistagoak egon direla”
Jarrera faxistagoak egon badira, horrek esan nahi du, Segirena ere faxista izan dela. Ados gaude orduan ezta?
Igual bai. Ala igual ez, eta guztiz kontrakoa esan nahi nuen, argi eta garbi. Oso azkarra zarenez, seguraski jakingo duzu aukeratzen eta esan nahi nuena ulertuko duzu.
SEGI faxista? Kar, kar, kar, oso faxista izan behar hori esateko.
Nagustitasun moralaren fikzioa aipatzen da hemen.
Nagusitasun morala, fikziozkoa, asumitu behar da esateko mugimendu horiek hezi dituztela gazteak errespetuan, elkartasunean eta auzolanean. Beste ingurune batzuetan hezitako gazteak baino gehiago, ulertzen da.
Total, denok dakigu gazte horiek beren sokakoekin bakarrik dakitela praktikatzen errespetua eta elkartasuna. Eta bere sokakoak ez zirenekin ze jokabide (izan) duten.
Nagusitasun morala, ondo dakizunez, demokratoi dagokizue. Besteok, terroristok, betikook, biolentook ez daukagu printzipio etiko ala moralik. Demokratek ez duzue eskuak zikindu, ERRESPETUA erakutsi duzue erabaki judizial batek politika besterik egin ez duen gazte bat urteetan kartzelaratu duenean, ELKARTASUNA erakutsi diozue torturatzaileei. Total, gure sokakoak ez direnez…
demokratok – biolentook…
modu asko eta asko dago errespetua eta elkartasuna adierazteko, baita ukatzeko ere.
zer jakingo duzu zuk, darta, zeri eta nola izan diodan nik errespetua eta zeri eta nola erakutsi diodan elkartasuna, eta zer jakingo duzu zuk zertan eta nola ez didaten errespeturik izan eta zertan eta nola ez zaidan elkartasunik erakutsi.
nik argi dut nor ez zaidan leziorik ematera etorriko. (Eta nire hitzon interpretazio topikoegia egiten baduzu, agian okertu egingo zara).
Nagusitasun morala badakizu zeini dagokionn? Giza eskubideak urratu diren bakoitzean salatu duenari.
Beste aldera begiratu edota “besteak gu baino gaiztoagoak dira eta horregatik egiten duguna egin behar dugu” bezelako justifikazioekin ibili direnek egindako kalteagatik erantzun beharko dute.
Bai terrorismoaren aurka erabilitako joku zikina bultzatu dutenek, baita terrorismoa arma politiko gisa erabili dutenek.
Gainera ez ahaztu, zuek ezker abertzalekook, ez da bakarrik hildakoak egon direnean beste aldera begiratu duzuela, ez ez, askoz gehiago da: herriz herri zuek bezela pentsatzen duzuen oro mehatxatu, mesprezatu eta ahal den neurrian bizitza zaildu diozuela, “konfliktuaren sozializazioa” delakoa, gure Rufi Etxeberriak (azkenaldian “bake-gizon” bilakatutakoa) esaten zuen bezela duela hamarkada bat baina gutxiago.
Horregatik, ERRESPETUA eta ELKARTASUNA ezker abertzale barruan izango da, besteekiko izan duzuena nulua baita (eta errepikatzen dizut ez naizela soilik hilketez ari). Errespetua eta elkartasuna zuen artekoa izan da, eta kitto. Eta hori ez da meritu bat.
Ertzaintzak buruzagi jeltzaleen babesarekin norbait torturatu duen bakoitzean biktima horiei sekulako elkartasuna azaldu diozuen “demokratak” jakina erabateko nagusitasun morala duzuela. Lastima ehunka biktima horiek ez direla zuen elkartasun horretaz enteratu ere egin. Aldiz, Ertzaintzako torturatzaileak bai izan direla jakitun zuen babesaz eta ederki baliatu dute babes hori torturatzen jarraitzeko.
Nik ez dut inolako erreparorik tortura salatzeko, eta egon dela onartzeko. Baita ere esango dizut, Guardia Zibilak Ertzaintzak dituen protokoloak aplikatuko balitu, atxilotzen dituzten guztiak askoz lasaiago egongo liratekeela. Eta nik dakidala, aspalditxo da Ertzaintzak ez duela torturagatik salaketarik jasotzen, Guardia Zibilak ez bezela.
Entzun duzu zerbait Iñigo Cabacas deitutako pertsona bati buruz? “Protokolotarrek” aplikatu zioten protokoloagatik poztuko da bere familia. Ezagutzen duzu Xuban Nafarrate? Honi ere protokolo demokratikoa aplikatu zioten. Ba al dakizu Espainako Polizia Autonomikoek ehundaka pertsona kolpatu dituztela, inolako arrazoirik gabe? Ba al dakizu milaka salaketa faltsua jarri dituztela herritarren kontra? Ba al dakizu hori sistematikoa dela? Ba al dakizu Audientzia nazionaleko kapritxoetara egon direla beti, ehundaka herritar eraman dituztela kartzelara, jakinda hiritar horiek errugabeak zirela? Ba al dakizu “Protokolotarrek” milak jipoi eman dituztela,eta nik dakidala munduko froga guztiak egonda ere inoiz ez dela egon zigorrik, inoiz ez dela egon Ertzain ondratu bat, torturatzaileak, jipoilariak edota prebarikadoreak salatu dituena? Ba al dakizu herri honetan jende asko ez garela ausartzen ertzain bati euskaraz egiten, arazoetan sartu ahal zarelako euskaraz egiten baduzu? Ba al dakizu zenbat jende mehatzatu duten protokolotarrek?
Bai, nire familian oso oso lasai egon ginen Polizia Baskongadoek gure semea atxilotu zutenetan: Behin adingabekoa zela “tenencia de explosivos” akusaziopean. “Esplosiboak” ez ziren esplosiboak, eta gainera berak ez zituen ustezko esplosiboak, eta poliziek bazekiten ez zegoela esplosiborik eta berak ez zuela zerikusitrik. Baina oso ondo pasa genuen familiakook, “protokolotarren” eskuetatik pasa ondoren 10 urte kartzelan pasa ahal zituela jakinda. Beste batean protesta baketsu batean atxilotu zuten, eta “colaboracion con banda armada” leporatu. Bai, honetan ere oso oso ondo pasa genuen.
Ez daukat gehiago bilatzeko gogorik, hemen duzu errealitate zati batzuk, hurrengoan ezin izango duzu esan ez zenekiela, esan ez zenuela jakin nahi.
http://www.youtube.com/watch?feature=player_embedded&v=sM3VxIIDqjg
http://www.gara.net/paperezkoa/20100209/181970/es/Abogados-afirman-que-Ertzaintza-tortura-ordenes-Ares
http://www.rebelion.org/hemeroteca/spain/030625tortura.htm
Ertzaintzan (ustez, badaezpada) torturatzaile asko dago, jipoiak gustuko dituzten asko, salaketa faltsuak egiten dituzten asko, bahitzaile asko… eta beste guzti guztiak konplizeak (ustezkoak, noski). Legea beraiek aplikatzen duten zelo berarekin aplikatu bagenie, plantillaren hiru herenak kartzelan legoke.
Iñigo:
.
-“ Nagusitasun morala badakizu zeini dagokion?” Bai; niri dagokidanez Espainia eta Frantziaren inposatzearen aurka borrokatu/tzen denari. Baina nagusitasun moralarena oso erlatiboa denez onartzen dut zuk nagusitasun morala Tibeten, Katmadun, Madrilen edo Sabin Etxean aurkitu dezakezula.
.
-“ Beste aldera begiratu edota…. justifikazioekin…” agian hau deitzen diozu zuen legediak dela eta gertakari batzuen aurrean gure poza ezin agertzeari eta beste batzuetan gure mina ezin azaltzeari kartzelara ez joateko. Zuek nahi duzuena esaten eta egiten duzuen bitartean.
.
-“ baita terrorismoa arma politiko gisa erabili dutenek…” TERRORISMOA ?? Ez dut halakorik ezagutu herri honetan eta horrela hitz egiten duzuenak badakigu non kokatzen zareten. Eta bai, nik non kokatzen naizen argi dago.
.
-“ ez ahaztu, zuek ezker abertzalekook…” Iñigo, mesedez, esan zein alderdi, antolakunde edota sektore politikoan kokatzen zaren. Normalean zure diskurtsoa erabiltzen dutenak frankistak, galosoak edota zipaioen hoolligan peneubitikoak dira. Baina diozu zure arima garbia eta orbangabea dela, eta herri honetan ez dut halako alderdirik ezagutzen. Jakin mina daukat.
.
-“ herriz herri zuek bezela pentsatzen duzuen oro mehatxatu, mesprezatu eta ahal den neurrian bizitza zaildu diozuela..” Joder, El Mundo, La Razón, El País edo halako panfleto baten kazetaria dirudizu.
.
-Errespetua eta elkartasuna? Askatasuna, justizia eta eskubide berberak guztiontzat eta gero agian lagunak izan gaitezke. Bitartean zapaltzen nautenei eta nire aberkideak gartzeleratzen dituztenei….. piiiiiiiiiiiiiiiiiiiiiiiiii
.
La AN condena a 30 años a cinco jóvenes por pertenecer a Segi y Ekin
http://www.gara.net/paperezkoa/20120615/347062/es/La-AN-condena-30-anos-cinco-jovenes-pertenecer-Segi-Ekin
>>>” TERRORISMOA ?? Ez dut halakorik ezagutu herri honetan eta horrela hitz egiten duzuenak badakigu non kokatzen zareten.
Jakina badakigula non kokatzen den hemen bakoitza. Zu, behintzat, tortura herri honetan izan ez dela dioenaren pare kokatzen zara, gutxienez.
Zure zoritxarrerako, dena ez da hain sinplea. Tortura egon ez denik ez dut inondik ikusten nere komentarioetan, beraz ez gauzak asmatu. Eta badakizu zer den terrorismoa? GALek egin zuena eta nola da..e…800 hildako utzi dituen talde hori…a bai ETA! ETAk egin duena ere TERRORISMOA da, bai, sentitzen dut baina horrela da. 25 urte pasa dira Hipercorrekoa gertatu zenetik, adibide bat jartzearren. Portzierto, hori egin zuten batzuk damutu omen dira eta barkamena eskatu…
Lehen esaldia ez zen nirea. I.Larrearena baizik.
Eta erantzuna ere harentzat zen, ez zuretzat.
Aspaldi utzi nuen argi Larrearen planteamenduekin ez nengoela batere ados, baina berarekin eztabaidan hasiz nire onetik ateratzen nintzenez, ez nintzela berriro inoiz hasiko. Bada, zure planteamenduekin ere ez nago batere ados, Iñigo. Eta susmoa dut are iritzi ezkorragoa izango nukeela argi eta garbi hitz egingo bazenu. Beharbada oker nago, ordea, eta eskertuko nizuke zalantza pare bat argituko bazenidake. Ertzaintzak ehunka gazte torturatu izana, zure iritziz terrorismoa da ala ez? Gazte horiek, zure ustez, ETAren biktimek bezainbesteko elkartasuna merezi dute ala ez?
Koñioo…. erdian dagoela dioen beste bat.
Espainia eta Frantziaren inposatzearen aurka borrokatu/tzen denari –> eta ze borroka klase egiten dute “inposizio” horren aurrean?? Euskal Herriaren (lehenago Euskadi zen baina orain hori ez da hain iraultzailea eta izena aldatu diozute, baina bueno hori beste kontu bat da) izena zikinduz jendea erail? ez dakit konturatzen zaren, gure izena zikindu besterik ez dela egin azken urte hauetan, eta zertarako? EZERTARAKO. Esango didazu zer lortu duzuen? familia askoren sufrimendua (bai hildako bai hiltzaileen familiena) zertarako?
Eta ez ahaztu, hemen inposaketaz hitz eginda…ia errealitatera noiz jeisten zaren. Lurra ikutu. Hemen bihar erreferemduma eginda, ez da independentziari baietzkoa ateratzen (kasurik onenean Gipuzkoan eta Bizkaian…Biak bat? psss). Borroka gure gizartea konbentzitzean datza, gehiengo bat lortzeko. Beraz inposaketak eta autodeterminazio eskubidea ez edukitzea ez da independentzia ez lortzearen arrazoia, gure artean gehiengoa ez edukitzea baizik.
“ herriz herri zuek bezela pentsatzen duzuen oro mehatxatu, mesprezatu eta ahal den neurrian bizitza zaildu diozuela..” Joder, El Mundo, La Razón, El País edo halako panfleto baten kazetaria dirudizu –> zoritxarrez gertuko adibide asko ditut. Eta biktimak Aralarretik PSOEraino doan eskalan kokatu ditzaket. PPkorik ez du ezagutzen, baina denok dakigu berdina jasan dutela. Beraz, ez legoke gaizki historia guzti hauen berri jakingo bazenu: kotxeko gurpilak zulatu, etxeko portalean pintadak egin, seme/alaba insultatu, etab etab. horrelako jarrerak jasan dituzten zinegotzi, militante politiko edo “desiragarriak” ez diren agente traidore/espainolista guzti horiek.
rrespetua eta elkartasuna? Askatasuna, justizia eta eskubide berberak guztiontzat eta gero agian lagunak izan gaitezke. Bitartean zapaltzen nautenei eta nire aberkideak gartzeleratzen dituztenei….. piiiiiiiiiiiiiiiiiiiiiiiiii –> ESKERRIK ASKO HAU ONARTZEAGATIK, EZTABAIDA GUZTI HAU SAHIESTU GENEZAKE DENAK ZU BEZAIN ARGI HITZ EGINGO BALUTE
“Iñigo, mesedez, esan zein alderdi, antolakunde edota sektore politikoan kokatzen zaren” –> ez dakit zergatik duzun horrelako jakinmina. zuk ezker abertzale osoaren defendatzaile papera hartu duzu boluntarioki, zure matiz pertsonalak gehitu gabe (ez dakit dituzun ala ez, hori zuk esan beharko duzu). Nik berriz nere iritzia alderdi politiko baten prismatik kanpo idaztea erabaki dut,nik neurea eta soilik neurea dena jarriz. X alderdikoa naizela esanda, alderdi horren kontrako purrustada sorta askatu eta lasai lasai geldituko zinateke, beste behin gehiago sakondu gabe eta klitxe merkeetan geldituz. Hori sahiestu nahiko nuke, hala ere, ezin dizut ukatu benetan harritzen nauela ez jakitea non kokatu ideologikoko nire diskurtsoa.
Lehengoan berrian igandeko kronika baten irakurri nuen miloi t´erdi tibetar hil dituela Txinak okupazioa hasi zuenetik. Azken hilabeteetan 30 tibetarrek su eman diote euren buruari. Eta hemen baten bat tibetarren kontura ironia eta konparazio merkeak egiten. Bejondaizula!
Ez ahaztu, Txina bezelako estatu iraultzaile komunista batean, Tibetarrak ez direla nazio budista atzerakoi soil bat besterik. Eta hau ezker abertzaleari ez zaio inoiz asko gustatu. Kasu honetan estatu opresorearen alde egitea erabaki zuten, Txinaren alde alegia. Eta ez duzu sekula entzungo ezker abertzalea Tibeten alde ezer esan/egiten. Hau kontuan hartuta, ez naiz harritzen Tibetekiko errespetu falta agertzea.
Ezker abertzaleak ez omen du sekula ezer esan/egin Tibeten alde eta estatu opresorearen alde, Txinaren alde, agertu omen da. Nondik atera duzu hori, Iñigo??? Ezker abertzalean izango dira hala pentsatzen dutenak, baina gehiengo handi batek oso begi onez ikusi genuen Donostiako udaletxean, eta Bilduk gobernatzen dituen beste hainbatetan, Tibeteko bandera jartzea, Phagma Drolma elkarteak bultzaturiko iniziatiba bat babestuz. Hori ziur!
uuuuf bai, hor hanka sartu dut, baina ez da ezereztik ateratako zerbait: ezker abertzaleak antolatukatu herri jai horietako batean, ezker abertzaleko militantez osaturiko kuadrilla batek Txinako bandera zuen bere postuan. Nere lagunetako batek “Gora Tibet!” esan eta haiek “Gora Txina” erantzun. Sin más. Ulertzeko dut korronte minoritarioko batzuk izango zirela, komunismoa herrien autodeterminazioaren gainetik jartzen dutenetakoa. Bueno, ba bai, hori tokiz kanpo zegoen, baina esan dudan gainontzeko guztiari ez diot koma bakarre ere kentzen.
Eskertzen dizut horretan hanka sartu duzula onartzea (hor dabilen beste batek ez luke inoiz halakorik onartuko), Iñigo, baina are gehiago eskertuko nizuke lehenago egin dizkizudan galdera parea erantzutea.
Hemen erantzuten dizut, hurrengo komentarioan, ez dakit zergatik ez dit uzten eta.
Bi galderak hauek direla ulertzen dut:
1-Ertzaintzak ehunka gazte torturatu izana, zure iritziz terrorismoa da ala ez?
2-Gazte horiek, zure ustez, ETAren biktimek bezainbesteko elkartasuna merezi dute ala ez?
1-Zifrak eskuan edukitzea gustatuko litzaidake, benetan zenbat diren jakiteko. Behin hori argituta, beste informazio hau argitzea gustatuko litzaidake: atxilotutako zenbat dira “gazte” ez “atxilotugarriak”. Hau da, zuk gazte esaten duzunean, imajinatu autobus pare bat erre duen gazte bat dagoela, nik kasu horretan ez dut gazte inozente bat ikusten. Beraz argitu behar dugu, alde batetik zenbat jende “inozente” atxilotu den.
Bestalde, atxilotu diren gazte horietako zenbat torturatu dituzten jakitea ere gustatuko litzaidake. Ez dut ukatzen tortura edo tratu txarrik egon izan denik. Baina Ertzaintzaren protokoloak ezin dira konparatu Guardia Zibilak erabiltzen dituenekin. Adibide bat esatearren, Ertzaintzak grabatu egiten du inkomunikazio egunetan presoak dauden gela. Hala ere neurri hau berria da eta ez dut ukatzen Ertzaintzak kasu batzuetan gehiegikeriak egin dituela eta hori ez dela onargarria.
Gehiegikeria hori estatu indarkeria da, baina nere ustez ez da ekintza terrorista bat. Zinegotzi bati kotxea erre edota autobus bat erretzea ez den bezalaxe, nere ustez. Hori bai, tiro bat ematea bai dela terrorismoa, tiroa ETAkide edo GALkide batek egin badu ere. Hau ez da objektiboa eta mugi ezina, nere iritzia baizik.
2-Edozein pertsonak du eskubidea (eta gizarteak obligazioa) jasan duen mina onartu eta erreparatzeko. Alde batekoak eta bestekoak. Hori bai, berriz diot, poliziaren biolentziagatik hil den pertsona batek eta ETAren ekintza armatuengatik hil den pertsona batek eskubide bera dute. Hori bai, ez konparatu hildako bat eta torturatu bat. Hain zuzen ere, bat bizirik dagoelako eta bestea ez. Era berean, ez ditut konparatzeko eraildako familia batek jasan duen mina eta kotxea erre diotenarena, logikoki.
Hori bai, onartzen ez dudanda da, dena zaku hauundi batean sartu eta nahasketa haundi bat egitea da, bakoitzak dituen erantzunkizunak ekiditea sahiesteko. Hildakoak zenbatu daitezke eta zein den izan zen errudun ere bai. Bakoitzak hartu dezala egin duen min guztiaren ardura.
Norbaiti autoa erretzea eta torturatzea maila berean jartzen al dituzu??!! Tortura gizadiaren kontrako krimena da eta nazioarteko zuzenbidean torturatzea beti da krimena, hiltzea ez bezala. Torturatzen duen edonor edo hari laguntzen dionak beti egiten du krimen bat. Beti. Hil, ordea, askotan legalki egiten da. Zoritxarrez.
Hara eskatzen dituzun zifrak 2000, urtetik aurrera gatazka politikoarekin loturiko Ertzaintzaren kontrako tortura salaketei dagokionez: 2000tik 2003ko azaroa arte, ia lau urte, 112 salaketa. Gero, 2009ko martxoa arte, bost urte luze, salaketa bakar bat ere ez. Hortik aurrera, berriro salaketa mordoa. Lehena, Manex Castrorena, jeltzaleen agindupean; ondorengoak, hogei bat, Barne kontseilaritza Aresen esku egon dela.
Ertzaintzaren protokoloari buruz, berriz, esan grabatzen dutela esan bai, baina gero Arartekoak edo epaile batek grabazio horiek eskatu izan dituztenean aitzakia hutsekin erantzun izan ditela eta ez batak ez besteak ikusi ahal izan dituztela grabazio horiek.
Beste gauza batek ere txundituta utzi nau. Gustatuko omen litzaizuke argitzea «atxilotutako zenbat dira “gazte” ez “atxilotugarriak”». Ez zara, bada, insinuatzen ibiliko zure iritziz “atxilotugarriak” diren horiek ez dutela merezi zuk jende “inozente” gisa izendatzen dituzunak adinako errespeturik Ertzaintzaren aldetik?
Eta Estatu terrorismoari dagokionez, beste modu batera egingo dizut galdera. Hara Deustuko Unibertsitatean Etika katedraduna den Xabier Etxeberriak dioena:bi terrorismo mota daude. Batetik, «Estatuaren aurka motibazio politikoz diharduten talde armatuena», eta bestetik, «Estatuak berak eragindakoa giza eskubideak larriki urratzen dituen indarkeria erabiliz, zeinaren adibide okerrena tortura den -Estatu terrorismoa-»
Ados al zaude berarekin tortura Estatu terrorismoaren adibide okerrena dela dionean?
Azkenik esan guztiz ados nagoela diozunean, beste hitz batzuekin, behar-beharrezkoa dela giza eskubideak urratu dituen orok bere erantzukizuna eta ardura onartzea. Ezker abertzalea bide horretan urrats nabarmenak ematen ari da. Ea noiz animatzen diren beste guztiek beste horrenbeste egitera. Eta bide batez ea noiz uzten dioten behingoz torturatzea eta auto bat edo kajero bat erretzea maila berean jartzeari. Edo, are okerrago dena, torturari ezikusiarena egiten dioten bitartean, kale borrokarekin lotu dezaketen edozein huskeriagatik sekulakoak eta bi esateari.
Kalkulu aproximatu bat:
Hartu Kale borroka ekintza guztiak (N), kale borroka ez zirenak edota poliziek beraiek egindakoak barne eta leporatu Segiri. Egin bider 2. Seguru ez direla heltzen Protokolotarren ekintza (Y) bortitzen erdira ere. Nx2 < Y/2
Orain hartu ekintza horiek egiteagatik atxilotutako (errua izan ala ez) gazte guztiek ordaindutako kartzela urteak (U), egin zati 7 eta ateratzen zaizun zenbakiari kendu beste hainbeste. Horixe da protokolotarrek beraien ekintza bortitzak egiteagatik ordaindutako kartzela egunak (E). (U/7)-(U/7)=E=0.
Hau da biolentoek larruaz ordaindu duten bitartean (beraiena ez zena, askotan) demokratek ez dute ezta egun bat ere eman kartzelan. Zarra, Calvo, Cabacas… batzuek ahaztu dituzten izenak dira.
A, beste gauza bat. “gazte ez atxilotugarriak” “atxilotugarri” bihurtzen dira, automatikoki, nahiko ostia ematen bazaie. Eta jarraitzen baduzu banatzen, ikusiko duzu nola “kantatzen” duten.
Ezker abertzleko inork (tira hori gehiegi esatea da, sentzuzko inork esan nahi dut) ez du ukatzen ETAk biolentzia erabili duela, kale borroka biolentzia dela eta biktimak eragin dituela. Demokraten artean milaka dira publikoki tortura, bahiketak eta biolentzia poliziala ukatzen dituztenak. Hortik sortzen da nagusitasun moralarekin dudan kezka. Nahiko zaila da azaltzen (niretzat, ez daukat hori garbiki azaltzeko gaitasunik), eta gaizki ulertu asko sor dezake foro batean, beraz, sentitzen dut baina ez naiz argumentua azaltzen saiatuko.
Bai, egia, hau ez da inoiz gertatu:
http://bildu.info/donostia/files/2012/04/TIBET.jpg
http://marxismoa.blogspot.com.es/2012/03/izagirre-bildu-levanta-la-bandera.html
-Lasai, Iñigo, banekien uso zuriarena egingo nahi izango zenuela; ezker abertzaleen kideen gainean zure kaka “etikoa” bota eta gero ez zenuela esango politikoki non kokatzen zaren. Baina bueno, zure diskurtsoa, esan dudan bezala, frankisten, galosoen, zipaioen holliganen peneubitikoen eta enparauen ohiko nahasketa da; eta horri deitzen diozu “iritzia alderdi politiko baten prismatik kanpo idaztea “. Logikoa da zure alderdikoikeria agerian utzi nahi ez izatea.
.
-“gure izena zikindu besterik ez dela egin azken urte hauetan” Bai, ados nago, egin duzuena nazkagarria izan da. Zenbat jende erail, torturatu, bahitu, jipoitu, mehatxatu, isundu, iraindu egin dute zure laguntxo “bakezaleek”? Eta lortzeko zer? Zuen Espainiaren batasuna inposatzeko. Zorionak, gaur arte lortzen ari zarete.
.
-Kar, kar, kar….. zurea bai espainolismoaren ohiko diskurtsoa: Euskal Herrian ez dago Espainia eta Frantziaren inposatze nazionala; autodeterminazio eskubide ez omen dute Espainiako Konstituzioak eta Estatuaren bitarteko errepresiboek ukatzen; euskaldunon banaketak baizik. Baina badaezpada jarraitzen duzue ostiak ematen gure eskubideak zanpatzeko. Hori bai errealitatea.
.
-Bai herri askotan izan dira ostiak; eta nik gehien ezagutu ditudanak zuek gidatutako zipaoek, foralek guardia zibilek, munipek eta “inkontrolatuek” egunero egunero eman dituztenak izan dira. Eta gainera beti nahi izan duzue norabide bakarrekoak izatea. Gehiegi eskatzea zen.
.
-Bai, nik hitz egiten dut garbi; zuk berriz edozein Teleberri edo Telediarioko esataria dirudizu.
.
-Kar, Kar, kar, kar…. eta amaitzeko erridikuloa egiten: “Eta ez duzu sekula entzungo ezker abertzalea Tibeten alde ezer esan/egiten”, kar, kar, kar… entzun, entzun: “Izan la bandera tibetana en el Consistorio donostiarra en apoyo al pueblo tibetano” (http://www.gara.net/paperezkoa/20120311/327727/es/Izan-bandera-tibetana-Consistorio-donostiarra-apoyo-pueblo-tibetano).
.
– Iñigo; hainbeste (ustezko) mistizismoak errealitatea eta fantasiak nahastera eramaten zaitu, baina lasai; sendatu daiteke baina hobe Freuden jarraitzaile batekin eta ez Dalai Lamaren batekin.
Tibetekoarena onartzen dut, hanka sartu dut eta barruraino, baina bueno, hori ez da zurekin nuen eztabaidaren muina. Beraz, esan dudan gainontzeko gauzekiko ez du eraginik.
Hortik aurrera gauza bat bakarrik frogatzen duzu: zure mundu manikeo honetan,non dena zuri edo beltza den, oso eroso mugitzen zarela, ez hainbeste errealitatean dauden gris sortan ordea.Zer inporta zaizu zein alderdiri ematen diodan nire botua? Hori al da inportantea? Ez al da inportantea ideien eztabaida? Zuk horren beharra daukazu, zure insulto jarioa segmentatu eta zuen mixeko termino egokiak aukeratzeko. Adibidez: Aralar esango banu -> zuk putre traidore deituko zenidake (bueno orain igual ya ez berriz adiskidetu zeratelako). PNV (edo EA duela 5 urte) esango banizu, Espainol saldu bat naizela, baita opresore zikin bat. PSOEPP esango banizu frankista/torturatzaile/inperialista naizela. Eta eztabaida hor bukatuko litzateke. Definitu ez naizenez, denak batera jartzea erabaki duzu “frankisten, galosoen, zipaioen holliganen peneubitikoen eta enparauen ohiko nahasketa”, kar kar kar, oso sinplea da dena.
Bueno eta hortik aurrera esaten duzun dena…buf enfin, berriz eskerrak, dena oso argigarri eta autoesplikatiboa: biolentzia beharreazkoa zen “erantzuteko” eta gaiztoak besteak dira/gara.
Argi dago ez garela ados jarriko, baina gehiegi galdetzea ez bada, erantzun galdera honi: ZERGATIK ORAIN BIOLENTZIAREN AROA ITXI? ZER ALDATU DA? ZE BALDINTZA ALDATU DIRA?
Horixe, Iñigo, oso ondo azaldu duzu; ez duzu zure aukera alderdikoia (botoa, miltantzia, laguntza…) azaltzen zure etika dibinoa benetan zertan datzan agerian geratuko zelako, eta horregatik ortzadarraren edota grisen tonalitate atzean ezkutatzen zara.
.
Egia esanda zu bezalako iruzurti dialektikoek erabiltzen duzuen gidoia nahiko errepikagarria da. Besteei (normalean ezker abertzalekoei) haien bekatu larriak leporatu eta gero erdian zaudetela argudiatzen duzue eta gezurrezko ekidistantzia hori irudikatzeko koloreen, edo zure kasuen grisen, tonalitatea aipatzen duzue, hori bai, zuen diskurtsoa konprometitu dezakeen daturik aipatu gabe. Jarraian tokatzen zaizue esatea besteena sinplismo hutsa dela eta amaitzeko…. tatxannnnnn….. nik iraintzen zaitudala zuk oso kritika zentzudunak eta arrazoizkoak egiten dituzun bitartean. Ohiko gidaliburua da.
.
Eta zertan geratzen den zure etika dibinoa eta zure ez-irainak gogoratu beharra dago zure lehenengo iruzkinean gartzeleratuta eta erreprimituta izaten ari diren SEGIko gazteei faxistak deitzen diezula. Iraina ala kritika? Zure erantzunaren arabera, mesedez, epaitu itzazu nik esandakoa.
.
Dena dela gogoratzen dizkizut zuk esandako gauza batzuk:
.
-SEGIko gazteak faxistak direla esatea PSOE, PP, eta EAJk bultzatutako diskurtsoa da.
.
-Ezker abertzalekoak intolerante eta erasokorrak direla besteak biktima hutsak diren bitartean diskurtsoa…. jatorri berbera du.
.
-Euskal Herriaren autodeterminazio eskubidearen ukapena ez dela arazoa euskaldunon arteko banaketa baizik PSOE, PP eta batzuetan EAJrena da.
.
-Tibetena aipatu duzunean Ezker Abertzalearen jarrera “korronte minoritario komunista” batekin parekatu duzu, eta honek gogorazten dit Arzallusek esaten zuenean HBk “Kantauriko Albania” sortu nahi zuela.
.
Zein punturaino idei guzti horiek zureak dira edo loro baten antzera errepikatzen ari zaren ez zait axola, baina non kokatzen zaren argi geratzen da. Beraz, arren, etika irakasgairik ez.
.
Oso galdera interesgarria egiten duzu amaieran baina leku okerrean: “ZERGATIK ORAIN BIOLENTZIAREN AROA ITXI? ZER ALDATU DA? ZE BALDINTZA ALDATU DIRA?”. Hori erabakia hartu dutenei galdetu beharko diezu, edo bestela, eztabaida esku hartu duen baten batek erantzun ahal dizu (zin egiten dizut “Abagune” ez dizudala erantzungo, palabritadelniñojesus)
Azken esaldian falta da hitz bat (honetan): eztabaida HONETAN esku hartu duen baten batek erantzun ahal dizu (zin egiten dizut “Abagune” ez dizudala erantzungo, palabritadelniñojesus)
Kuriosoa da ekidistantziari egiten zaion kritika. Baina nik uste dut ekidistantzian dagoela etorkizuna. Azken batean, orain esaten denean (ezker abertzalearen aldetik ere esaten denean) “alde guztietako biolentziak” aitortu, salatu eta nolabait ordaindu behar direla, ekidistantzia egiten ari gara.
Hau da, ez du balio besteren biolentzia salatu eta norberarena ezkutatzea. Jarrera zintzo batean biolentzia denak aitortu eta salatu behar dira. Baina hori egin izan dugunoi “ekidistante zikintzat” edo “uso zuritzat” hartu izan gaituzte. Eta, segun eta norekin, ba, filoterroristatzat.
Baina, nik uste dut zikinak besteak (izan) direla, biolentzia bakar bat salatuz eta bestearekin eroarena eginez (edo zuzenean txalotuz) ekidistante izan ez direnak.
“Baina, nik uste dut zikinak besteak (izan) direla,…”
.
joer, badirudi hemen Teresa de Calcuta, Dalai Lama eta Ariel (el que lava más blanco) arteko nahasketa direla pentsatzen dutela batzuk .
Honbre, esaiezu hori besteak “zikin”tzat hartu izan dituztenei, besteak beste ekidistante direlako(an).
Gustatu ala ez, zikinak, norbait izatekotan, nire azken idazkiko azken lerrokoak izan dira. Esan bezala, etorkizunaren oinarria biolentzia ORO errekonozitzean baitago (ezker abertzale neoekidistanteak orain aitortzen duen legez).
Ezker abertzaleak ERE esaten omen du “alde guztietako biolentziak” aitortu eta salatu behar direla. Bada, nik Ezker abertzalea BAKARRIK ikusten dut behin eta berriro mezu hori zabaltzen. Ezker abertzalea zentzu zabalean hartuta, jakina, Aralar, EA eta beste barne. Argi dago PP eta PSOEk ez dutela batere gustuko mezu hori. Eta jeltzaleak? Zergatik agertu dira hain gogor Egiaren Batzorde bat osatzearen kontra? Zergatik egiten diote zeharo uko haien erantzukizunak onartzeari? Dispertsioak eta Ertzaintzaren torturak eragindako biktimei dagokionez, ez al dute ezer esatekorik?
Guztiz ados nago zuk esandakoarekin. Azken batean, esan dudanean “nik uste dut zikinak besteak (izan) direla, biolentzia bakar bat salatuz eta bestearekin eroarena eginez (edo zuzenean txalotuz) ekidistante izan ez direnak”, uste dut argi eta garbi seinalatzen ditudala horiek ere.
Abagune, batzuetan ondo dago lerro artean irakurtzea, baina urrutitxo joan zarela uste dut. Ez ditut tortura eta kotxe bat erretzea maila berean jartzen. Ezta gutxiago ere. Bi konparazio egiten ditut: Hildakoak vs torturatuak eta hildakoak vs kotxea erre dietenak. A eta B, C ez direlako, horrek ez du esan nahi A eta B berdinak direnik. Nik ez dut torturatu eta erretako kotxeen arteko konparaziorik egin.
Ez zara, bada, insinuatzen ibiliko zure iritziz “atxilotugarriak” diren horiek ez dutela merezi zuk jende “inozente” gisa izendatzen dituzunak adinako errespeturik Ertzaintzaren aldetik?
Erantzuna argi ematen dizut: EZ. Ezta ere ez dut onartzen “euskal gazte” horien zakuan sartzen dituzun denak inozentetzat hartzea. Ze pasatzen da, atxilotuta denak super txintxoak direla ala? Ba ez, eta hori denoko dakigu. Hori argitu nahi nuen.(bazpare,bestela hasiko zarete berriz: honek ez du esan nahi tratu duin bat merezi ez dutenik)
Zuk zeuk ematen dituzun datuek frogatzen dute Ertzaintza eta Guardia Zibila ez daudela maila berean. Honekin ez dut esaten Ertzaintzak dena txukun egin duenik. Eta gehiegikeriak egin badira, ba kondena ditzagun. Arazorik gabe.
Ados al zaude berarekin tortura Estatu terrorismoaren adibide okerrena dela dionean?
Xabier Etxerriarena ere interpretazio bat da, eta nik ez nituzke hitz horiek erabiliko zehazki. Hori bai, esan nahi duenarekin ados nago, estatuak hiritarrak torturatzea dela egin dezakeen gauza larrienetakoa. Beraz, matizazio hauek gehituta erantzuna BAI izango litzateke.
Hainbeste ekidistantzia….hainbeste “condenar la violencia venga de donde venga”… hainbeste txapelketa eskuak nork dauzkan garbiago eta zikina ez dela frogatzeko….. non eta bi Estatuek zapalduta jarraitzen dugun herri honetan.
.
Ba, begira, nik ez dut ekidistantea izan nahi; ez Saharan, ez Kurdistanen, ez Palestinan, ez Colombian, ez Afganistanen, ez Txetxenian, ez Xinjian, ez Libian……….. eta noski ez Euskal Herrian.
.
“Maldigo la poesía concebida como un lujo –
cultural por los neutrales –
que, lavándose las manos, se desentienden y evaden. –
Maldigo la poesía de quien no toma partido hasta mancharse.” –
.
Gora “zikinak” !!!!
.
“Julen Orbea: Urtebeteko kartzela zigorra 2011ko Aste Nagusian preso politikoen argazkiak jartzeagatik”
.
http://bilbokobranka.info/?p=23449
I.Larrea, banekien horrelako zerbaitekin aterako zinela. Sentitzen dut, baina ez duzu ondo ulertu ekidistante bat zer den. Ekidistante bat ez da herri horietako gatazkaren aurrean erdi-erdian jartzen dena, egoera guztiak zilegituz. Ekidistante batek justizia bilatzen du, alde guztietako injustiziak erreproduzi ez daitezen.
Zuretzat bada, zikinen erreibindikazioa. Nire aldetik, ezer gehiago ez. Ondo izan.
Ziur egon herri guzti horietan ni bezalako “zikinak” eta zu bezalako “ekidistante garbiak” daudela.
Hemen diferentzia bat dago zu eta nire artean Larrea. Nire ideologia eta etika, nireak dira. Zure etika zu baina haratago doan talde batek emandakoa berriz. Edo behintzat horrela asumitu duzu eztabaida osoan zehar. Eta horregatik behar duzu “ni zeinena” naizen jakitea. Zure kritika talde horren kontra joango delako eta ondorioz niregana. Nik naiz eta botua X alderdiri eman ez diot kritika gabe egiten. Nik nere planteamenduak ditut, eta horiekin koherenteena denari emango diot botua. Seguru aski, naiz eta denak ez perfektuak izan, denok dugu gertukoago sentitzen ditugun korronte politikoak. Ez dakit hain zaila den ulertzen.
Ohiko gidaliburu eta diskurtso errepikorrentzat zeurea, nahiko desfasatua gelditzen ari dena bide batez. Zure diskurtso horrek ez duelako tokirik uzten estrategia berrientzako. Hain hain bidegabekeri handia jasan badu ezker abertzaleak, hain handia inposaketa atzerritik…zergatik aldatu estrategia? Ez al da modu batera edo bestera erantzun behar? Zergatik dago Kimua eta ez Segi? zergatik bat batean estrategia militarra baztertu? ez dakit, aurrekoa ez baduzu batere kritikatzen, nola onartzen dituzu aldaketa hauek? Kontua ez da egin dutenek zergatik egin duten baizik eta ZUK zer deritzozun.
Matizazio batzuk:
-Nik ez dut esan SEGIko gazteak faxistak direnik, bai ordea “Jarrera faxistak” dituztela, ez dela berdina.Ezberdin pentsatzen duenari, ezberdin pentsatzen duelako soilik. Hori izan da SEGIkide asko eta askoren jarrera. Zuk zeuk esan duzu ” Bitartean zapaltzen nautenei eta nire aberkideak gartzeleratzen dituztenei….. piiiiiiiiiiiiiiiiiiiiiiiiii”, pi luze horrek zer esan nahi duen denok dakigu, eta matematiketan ikasitakoarekin zerikusirik ez duela, ere bai.
Euskal Herriaren autodeterminazio eskubidearen ukapena ez dela arazoa euskaldunon arteko banaketa baizik PSOE, PP eta batzuetan EAJrena da.
.Nik ez dut hori zehazki esan. Nik esan dudana da, independentziarik ez dugula lortu gure artean gehiengoa lortu arte. Hori hasteko. Gehiengo independentista bat balego, ukapen hori izango litzateke arazo nagusiena. Baina errealitatea ez da hori. Ukapen hori hor dagoela eta ez dela zilegi? ados. Baina berriz diot, eskubidea onartuko baligute ere, independentzia ez litzatekeela errealitate bilakatuko, euskaldun gehienek ezezkoaren alde bozkatuko luketeelako. Eta hori ebidentzia bat da, jendeak ze alderdiren alde bozkatzen duen ikustea besterik ez duzu. Zenbaki batzuk dira. Egia hutsa. Hori onartzerik ez baduzu, segi zure mundu imajinarioan, baina egia gordina da. Zenbat eta lehenago onartu, estrategia hobeak pentsatzeko aukera izango duzu.
Tibetena aipatu duzunean Ezker Abertzalearen jarrera “korronte minoritario komunista” batekin parekatu duzu, eta honek gogorazten dit Arzallusek esaten zuenean HBk “Kantauriko Albania” sortu nahi zuela.
Ez dut hori esan, esan dudana ezker abertzale barruan Txinaren aldeko jarrera mantentzen dutenak korronte minoritario batekoak direla. Hortik aurrera dena zure inbentzioa besterik ez da izan.
– Iñigo diozu: “nire ideologia eta etika, nireak dira”, noski; zuk inondik edan gabe eta eraginak jaso gabe asmatutakoak. Eta zeruan lebitatzen dutenen antzera goitik begiratzen nauzu eta esaten didazu nire etika eta ideologia ez direla nireak, “talde batek emandakoa berriz”, kar, kar, kar. Ze lelokeria esan duzun aparte utzita, ze bitxia den ikustea zuk asmatu omen dituzun ideologia eta etika zenbat puntutan datozen bat PSOE, PP eta EAJk “asmatu” dituzten etika eta ideologiarekin.
.
Diozu “-Nik ez dut esan SEGIko gazteak faxistak direnik, bai ordea “Jarrera faxistak” dituztela”. Beno, zehazki esan zenuen: “Zuena baino jarrera faxista eta baztertzaileagorik ez da EHn inoiz izan.”. Hau da; Franco, Falange, PSOE, PP, EAJ, Guardia Civil, zipaioen eta abarren baino jarrera faxistagoa izan dutela SEGIko gazteek, zure ustez. Kar, kar, eta diozu ez dituzula faxistak deitu !!
.
Bai, arrazoia duzu, nire diskurtsoa “desfasatuta” dago, edo hobeto esanda ez dator bat Ezker Abertzalearen egungo ildoarekin. Sorpresaaaa ! nire etika eta ideologia ez datoz bat zuk sartu nauzun taldearenarekin.
.
Ze bitxia, ez duzu zure ideologia eta alderdikoikeria agerian utzi nahi baina gero hasten zara egungo Ezker Abertzalearen ildoari buruzko galderak egiten. Benga, motel, ez izan lotsati eta esadazu zein alderdian zauden, horrela biok jokatuko dugu joko berbera, eh? Dena dela, lehen esan dizudan bezala zure galderei erantzuteko aproposena eztabaida honetan parte hartu duen beste bat da, baina badirudi ez daukala astirik edo gogo handirik.
.
Ikusten dut nire “piiiiiiiiiiiiiiiiiiiii” gustatu zaizuela, behin eta berriro errepikatzen duzuelako. Begira, karnaza gehiago emango dizut; “piiiiiiiiiiiiiiiiiiiiiiiii” hori esaten dut beste iruzkin batean aipatu ditudan lekuetarako ere: Saharan, Kurdistanen, Palestinan Kolonbian, Afganistanen, Txetxenian, Xinjian, Libian, eta “hainbat lekutan, hau zerrenda amaigabea”…… (Gora “zikinak”!!!).
.
Bitxikeria gehiago; zure autodeterminazioari buruzko diskurtsoak gogorazten dit EAJren kide batekin eduki nuen eztabaida bat; esaten zuen hobe zela eskubide hori ez gauzatzea orain independentistak gutxiengoa garelako. Nik erantzun nuen pozik egongo nintzela eskubide demokratiko hori edukiko bagenu, nahi genuen beste aldiz gauzatzeko, galtzeko ala irabazteko, Quebec edo gutxi barru Eskozian bezala, eta debekuak berak gure aukerak murrizten dituela.
.
Tibeten kontuari buruzko diozu: “Txinaren aldeko jarrera mantentzen dutenak korronte minoritario batekoak direla” esan duzula. Ejem !! Benetan esan zenuena hau da: “Eta hau ezker abertzaleari ez zaio inoiz asko gustatu. Kasu honetan estatu opresorearen alde egitea erabaki zuten, Txinaren alde alegia. Eta ez duzu sekula entzungo ezker abertzalea Tibeten alde ezer esan/egiten.”. Iñigo, Iñigo…. gezurretan ala amnesiak jota?
Ez gezurrik ez amnesiarik, irakurri ondo Tibetekoari buruz esan dudan guztia eta ikusiko duzu komenigarria dela dena irakurtzera, errektifikazioak ere egin ditudalako.
Abaguneari ulertzen diot orain, aurreko eztabaidetan zergatik gogaitu zenuen hainbeste. Nahi duzuna hartu, mila buelta eman eta hara! Doraemonen sabeletik ateratako sorpresatxo bat bezalaxe, tori manipulazio dosi pixka bat. Egia esan, argi dago zurekin ez dagoela ez atzera ez aurrera egiterik.
Benetan aspergarria zera nere afiliazio ez afiliazio kontuekin. Egia esan, altura honetan nahiko argi izango duzu ez dizudala esango. Batez ere izugarri deskolokatzen zaituelako eta hori gustatzen zaitelako. Zuk sartu duzu zeure burua ezker abertzale barruan, ez nik, eta zuk zeuk ezer kritikatu gabe onartu duzu beraiek egindako dena. Nik ez dut esan nik ASMATU dudanik neure ideologia/etika, jajaja, ez ez, nik neurea egituratu dudala ingurutik hartzen dudanarekin. Eta ez nagoela beste inork egindako akatsak nere gain hartzeko prest. Ze azken batean, zu horren zain zeunden, eta horren zai zaudenez ba ez dizut plazer hori emango.
Eta aizu, iritzik ez orduan ezker abertzalean duzuen prozesu guzti honekin? joe, benetan, ez duzu iritzi propiorik? niri bost eztabaidetan partu hartu dutenek zer uste duten, zuk ez duzu? juas juas juas, ze grazia egiten diten honek, Arkonada baina hobea baloiak kanpora botatzen.
Gora zikinak?? jajaja, bai bai, eta bide batez gora atez atekoa ezta? jajaja, enga ba ondo segi!
Nik neure botoa, edo abstentzioa, ezker abertzaleari ematen diodan bezala, argi daukat zuk jeltzaleei ematen diozula. Hori bai, nik bat egiten dut ezker abertzalearen ildoarekin eta bere ordezkariek esan eta egiten dituztenekin. Bai behintzat garrantzitsuenarekin. Zu, aldiz, badirudi ez zaudela ados buruzagi jeltzaleek egin eta esaten dituzten hainbat gauza garrantzitsurekin. Adibidez, haiek ezikusiarena egiten dute torturaren aurrean eta aldi berean sekulakoak eta bi esaten dituzte kajero bat erretzen den bakoitzean. Zuk argi utzi duzu zuretzat askoz ere larriagoa dela norbait torturatzea kajero bat erretzea baino eta horrenbestez gaitzetsi egingo duzu buruzagi horien jarrera, ez?
Egia esan, ez nago batere ziur gaitzetsiko duzunik. Izan ere zeharo ebitatzen baituzu onartzea Ertzaintzak tortura erabili duela. Buruzagi jeltzaleek diote Ertzaintzak inkomunikaturiko inork ez duela inoiz tortura edo tratu txarrik jaso. Bada, komunikabideek behin eta berriro azpimarratu izan dutenez, Frantziar estatuan atxiloturiko euskal militanteak “guardan el mutismo habitual”. Aldiz, Barne Kontseilaritza jeltzaleen esku zegoen bitartean, Ertzaintzak atxilotu eta inkomunikaturiko gehienek uko egiten zioten isilik egoteko zuten eskubideari eta autoinkulpatu egiten ziren. Askotan eta askotan inongo froga materialik egon gabe autoinkulpatu ere. Orkatz Gallastegiren kasua, lekuko. Gogoratzen dizut 26 urtera kondenatu zutela froga gisa torturapean erausitako autoinkulpazioa besterik ez zutela.
Bururatzen al zaizu itxurazko arrazoi bakar bat Ertzaintza eta frantziar Poliziaren arteko alde itzel hori explikatuko duenik, ez bada tortura? Buruzagi jeltzaleek uko egiten diote galdera hori erantzuteari. Eta zuk?
Abagune, benetan, eztabaida luze honetan oso argi esan dut torturen aurka nagoela. Guardia zibilak, Ertzaintzak edo dena delakoak egiten badu. Mila aldiz esan dut, jada aspergarria da berriz errepikatu behar izatea. Nik neure botoa/abstentzioa zin dagizut alderdi ezberdinei eman diedala deialdi ezberdinetan. Hemendik aurrera, sinistu nahi duzuna.
Gustatuko litzaidake zuk ere hainbesteko garbitasunarekin, termino berdinetan ETAren biolentzia gaitzestea. Baina esan argi eta garbi: gaitzesten duzu, baztertzen duzu? Edo orain gertatuko balitz baztertuko zenuke, baina orain dela urte gutxi egindakoa…ba bueno, ba igual bai igual ez…hori jakin nahi dut nik. Nik ez dut tortura orain gaizki dagoela bakarrik esaten, duela 10 eta 20 urte ere gaizki zegoen.
Biok ados bagaude, ba primeran, baina bueno, hainbeste aldiz berdinari erantzun eta gero, gustatuko litzaidake zuk zer esaten duzun irakurtzea.
Kar, kar, kar, “deskolokatzen” nauzula zein alderdikoa zarela ez esateagatik? Benga gizona, esaten duzunarekin nahiko da egiaztatzeko aldarrikatzen duzun zure “etika propioa “ PSOE, PP eta EAJren “etika”tik zer gertu dagoen.
.
Hmmmm, manipulatzen ditudala zuk esandakoak… nola ahaztu dut? Zure sokako diskurtsoen gidaliburuaren beste atal finkoa da. Zuk ez duzu inoiz manipulatzen; esaterako Dartak esaten duenari buelta eman eta esanarazten diozu “..Segirena ere faxista izan dela. Ados gaude orduan ezta?” Hori ez da manipulazioa, objektibitatearen txapelduna izanik zurea interpretazio irudimentsua da, askoz dotoreago, andebaparar!! Kar, kar.
.
“Egia esan, argi dago zurekin ez dagoela ez atzera ez aurrera egiterik.” Bueno, hori gertatzen da jarrerak bateraezinak direnean. Baina ulertzen dizut; logikoa da pentsatzea besteak direla mugitu behar direnak; erdian daudela esaten dutenek munduaren ardatza (etikoa) direla pentsatzen dute eta besteak direla aurrera eta atzera egin behar dutenak.
.
“Eta ez nagoela beste inork egindako akatsak nere gain hartzeko prest.” Noski, ez besteenak ez zureak ere, baina oso prest zaude besteei leporatzeko nahi duzuna; besteak beste SEGIko gazteei faxistak direla esatea, ah!, barkatu, benetan esan diezuna hau da “Zuena baino jarrera faxista eta baztertzaileagorik ez da EHn inoiz izan.” Barkatu manipulazioa, zuk esan duzuna oso desberdina da.
.
Ene, eta orain, zure alderdikoikeria ezkutatu ondoren nire iritzia galdetzen didazu egungo prozesuari buruz? Kar, kar, zelako muturraaaa !!! Zurea ez da baloiak kanpora botatzea, zurea antzerkia da eta oso txarra gainera.
.
Aizu, badakit PP, PSOE eta EAJkoei errauskailuak “goi mailako” etika bezain beste gustatzen zaizkizuela baina uste dut ez dutela zer ikusirik eztabaidaren honekin baina bai zaborrarekin. Benga, txantxa bat da, soilik saiatu naiz zu bezain irudimentsua izaten, kar, kar, kar.
Bai, hobe umore pixka batekin hartzea eztabaida da hau bestela…
Deskolokatzen zaitu, zuk termino horietan ezarri nahi duzulako eztabaida, hor bakarrik sentitzen zarelako eroso: alderdien arteko eztabaida bezela. Nik ez ditut termino horiek onartzen eta horregatik bakarrik ez dizut esango zeini eman diodan botua. Nik bakoitzak ditugun ideien arteko eztabaida nahi dut, baina argi dago hori sekulako muturra izatea dela. Gehitxo ezta? nik galdera akribillazio guztiari erantzun diot, nik gaiari heldu diot. Zuk ez duzu nik planteatutako galdera bakar bati erantzuteko ausardiarik izan: “galdetu beraiei”, “beraiek jakingo dute zergatik”…zure “zikintasuna”ri egindako gorazarreak edozer gauza atera daitekeela susmoarazten dit, eta bai, “zikintasun” horrek ez du batere ondo usaitzen.
Beharbada nahastuta nago baina hemengoekin posible da ondo konpontzea ezta? http://euskalherriasozialista.blogspot.com.es/
Hauek “zikinak” dira, zure terminoak erabiltzen jarraituz, hauek ez dute Otegi and Co.-ren “garbiketa prozesua” begi onez ikusten, beraz laguntxoak egin zaitezketeela uste dut.
Izan ontsa.
Normala da nire “zikinkeria” kiratsa izatea zuretzat; “betidenagaitzesstudutonanaiz” behin eta berriro errepikatzen duzuenok usaimena berezia daukazue; zuentzat besteon usaina zikina eta susmagarria da baina botatzen dituzuen buruko puzkerrak arrosa usainezkoak iruditzen zaizkizue.
.
Joer, berakatzak bezala errepikatzen duzu; baietzzzzz, badakidala ez duzula zure alderdikoikeria agerian utzi nahi eta ondo baino hobeto azaldu duzu zergatia aurreko iruzkin batean; zure etika liluragarria nahiko txarto geratuko zen eta beraz eztabaida honetan ezker abertzalekoei egurra eman ahal izateko zure benetako ideologia ezkutatu eta “anonimatoa” gorde nahi duzu. Baina, esan bezala (berakatzaren moduan) alferrikakoa da, nahiko garbi dagoelako PSOE, PP eta EAJrena mezu “etiko” berbera erabiltzen duzula. Koldarkeria, hipokresia eta mutur handia nahasten dituzu lotsa handirik gabe.
.
Ikusten dut ze motako galderak egin dizkiozun Abaguneri : “ETAren biolentzia gaitzestea. Baina esan argi eta garbi: gaitzesten duzu, baztertzen duzu? Edo orain gertatuko balitz baztertuko zenuke, baina orain dela urte gutxi egindakoa…ba bueno, ba igual bai igual ez…hori jakin nahi dut nik”. Bueno, bueno, bueno….. Torquemadak ez luke hobeto egingo. Inkestaren emaitza hauei bidaliko diezu: http://www.ertzaintza.net/public/wps/portal/ertzaintza .Ziur aski oso ondo moldatzen zara haiekin.
.
Faxista deitu diezu SEGIko gazteei, baina herri honetan dagoen benetako faxismotik gertuen dagoena zure sokakoak zarete, gai honekin duzun diskurtsoa eta Basagoiti edota Urkullurenak ez dira hain desberdinak.
Uste dut abagune gai dela bera bakarrik erantzuteko, ez du “aitatxo Larrearen” beharreik, egon lasai, erantzungo ditela berak egokiena uste duena. Eta ez alperrik bildurrik sartu, faborez.
Eta Ertzaintzaren linka baino interesgarriagoa benetan nik jarri dizudan aurreko blogarena, benetan.
Eta bai, uste dut eztabaida bera dela berakatza bezela errepikatzen ari dena, ez pentsa zure diskurtsoa ere errepikakorra ez denik. Nik egindako galderei erantzuteko asmorik ez duzunez, nahiko aspergarria egiten da hau, ez dakit, ez du zentzu gehiegi horrela jarraitzeak.
Ez gara ados jarriko, zure ustez faxistak zuek ez beste guztiak garelako. Nire ustez orain arte behintzat (eta zorionez ematen du aldatzen doala,ez zu bezalakoen borondategatik, baina benetan sinisten dut horretan) jarrera faxisten errege ezker abertzaleko militante asko izan dira, batzuk ekintza berak egiteagatik eta besteak txalotu edo beste aldera begiratzeagatik. Iritzi kontua da eta horrela hasi dugu eztabaida eta uste dut horrela bukatuko dugula.
No falla…. orain tokatzen da niri leporatzea beldurra sartzen dudala. “Demokrata-Bakezale Eredugarria”ren gidaliburua irakurtzean ari zara?
.
Txarto ulertu duzu; noski Abagunek erantzun dezakeela ondo baino hobeto nire laguntzarik gabe. Nik arreta jarri dut egiten zenizkion galdera inkisitorialen izaeran, besterik gabe. Eta tankeragatik gogorazten didate itaunketa pare batean egin zizkidatenak.
.
Orduan Ertzaintzaren blogaz gain sekta horrena ere bisitatzen duzu? Badirudi oso ondo ezagutzen duzula.
.
Hemen besteei faxistak (besteak beste) deitu dien lehenengoa zu izan zara, hortaz, ez kexatu txanpon berberarekin, eta arrazoi berberarekin, erantzuten badizut. Faxistak zuretzat dira ETA, SEGI eta ni bezala pentsatzen duten “ezker abertzaleko militante asko” (“Demokrata-Bakezale Eredugarria”ren gidaliburua jarraituz “onak” eta “txarrak”, “gogorrak” eta “bigunak” daude, noski).
.
Bale, zure iritzi errespetagarria da; nirea bezalakoa, eta esan dizudan bezala herri honetan dauden benetako faxisten diskurtso berbera daukazunez faxismotik gertuen dagoena nor den asmatzea erreza da.
Aizu, ni ez naiz kexatzen. Nik badakit oso tono agresiboan hasi dudala eztabaida eta ondorioz erantzuna tono berdinean jasoko dudala. Baina enfin, elkarrizketako titularrak ematen duen “autobombo” eta konplazentzia inpresioak benetan zinismo maximoa erreflejatzen zuenez hori idatzi nuen.
Hemen gidaliburu asko daude, zurea ere hortik ikusi izan dut, azkenaldian merkealditan, arrakastarik ez omen du jada…
Zuk “Sekta” deitzen diezun hortakoak neri graziosoak egiten zaizkit aizu. Eta horiek bai direla “zikinak”, beti ere zuk erabilitako hitza hartuz. Zuk zeure planteamenduetan pixka bat ere sakondu nahi ez duzunez, nik ezin dut asmatu zure gertukoenak zeintzuk diren.
Hortik aurrera ba enfin, faxistak gora behera, argi dago ez garela ados jarriko. Zuk zure iritzia duzu eta nik neurea,baina enfin, nere helburua ez da zu konbentzitzea, irakurritakoak irakurri eta gero
PNV, PSOE eta PPk ere torturaren aurka daudela diote. Ez da hori galdetu dizudana, Iñigo, baizik eta ea gaitzesten duzun edo ez buruzagi jeltzaleen jarrera (edo PSOE zein PPkoena are arrazoi handiagoarekin, jakina) torturari ezikusiarena egiten dioten bitartean kutxazain bat erre orduko sekulakoak eta bi esaten dituztelako. Haientzat biktimak demostratu egin behar dute torturatuak izan direla. Eta zuretzat.
Beste galderari ere ez diozu erantzun. Arrazoi bakar bat bururatzen al zaizu, tortura ez dena, Ertzaintzak atxilotu eta inkomunikatuek autoinkulpatzeko jarrera nabarmen hori izateko, frantziar polizien esku “mutismo habitual” gordetzen duten bitartean? Hori ez al da Ertzaintzak behin eta berriro tortura erabili duenaren froga nabarmena? Baita Polizia eta Guardia zibilak ere jakina.
Bada, PNV, PSOE eta PPk diote epaileek torturatzaileak kondenatzen dituztenean besterik ez direla izan tortura kasuak (azkena, 1992an) eta gainera torturatzaile horiek bere kasa egin dutela egin dutena. Eta tortura irmoki kondenatzen dute, noski. Zuk bezala?
Izan ere, zure bozka beti jeltzaleei ez badiozu eman, aipatu beste bi partidu horiei emango zeniolakoan nago. PPri ez, egia esan, eta PSOEren aukera ere ez dut ikusten, baina tira oker egon naiteke. Beno, H1! ahaztu dut aukera gisa. Dena den, niri bost axola nori ematen diozun bozka. Inporta zaidana da torturarekiko duzun jarrera. Ene ustez, hiru partidu horiek duten jarrera hipokritaren nahiko antzekoa, tamalez.
Beno, horretan utziko dut gai hori, gehiago harrotu gabe, eta ea orain zure galderei erantzuten diedan.
Iñigo, eskatu didazu zuk torturarekiko azaldu duzun gaitzespen berbera azaltzeko ETAren biolentziarekiko. Gaitzespen hipokrita batez ari al zara? Zure gaitzespena hipokrita izan delakoan bainago. Beharbada ez PNV, PSOE eta PPk duten berbera, baina oso antzekoa.
PNV, PSOE eta PPk errepikatzen dutenez, era hipokrita askoan errepikatu ere, helburuak ez omen ditu inoiz bitartekoak justifikatzen. Eta tortura? Eta hain begiko duten OTANek egiten dituen sarraskiak ? Izugarria da haien ahotik entzutea etikoki arbuiatu eta gaitzesten dutela biolentzia oro. Etika hitza arma jaurtikigarri bezala erabiltzen dute, gainera, ezker abertzalearen kontra. Biolentziaren kontrako gure hautua ez omen da etikoa baizik eta kalkulu politiko hotzetan oinarriturikoa.
Bada bai, nik duela urte mordoska erabaki nuen estrategia politiko-militarra albora utz zedin ahal nuen guztia egingo nuela, estrategia horrek goia jo zuela ikusten nuelako. Eta hautu hartan garrantzi handiena izan zuena ez zen presezki etika izan. Nik arazorik gabe onartzen dut hori. Beste batzuk zarete bestelakorik sinestarazi nahi duzuenak zuen hautuei buruz. Hemen haien hautuak benetan etika hutsean oinarritzen dituztenak hain dira minoritarioak estatistiketan ezin har daitezkeela kontuan. Aita frantziskotar batzuez aparte, nik ez dut besterik ezagutzen behintzat.
Bueno Abagune, gaitzespen hipokrita bat egiteko gai ez zarenez sikiera ez dakit ze esplikazio espero duzun nigandik.Nahiago gaitzespen hipokrita bat, errekonozimendu minimo bat, ezer ez baino ezta? Ez al da hori hain zuzen denok pixkana egin beharreko bidea? Eskertzekoa da zure zintzotasuna zentzu honetan. Baina kontuz,planteamendu horrek atea irekita uzten dio indarkeriari, edozein egunetan baliagarri dela kontsideratuko balitz. Aintzane Ezenarrok askotan esan du “kondena etikoa” beharrezkoa dela, eta zuk noski, ez duzu hori sekulako banatuko. Zu torturatu bazindute edota okerragoa, erail bazindute, nik edozein kasutan hori guztiz baztergarria dela esango nuke. Edozein baldintzatan ere. Aldrebes ez, eta horrek zilegitasun handia kentzen dizu kritikak egiterako orduan.
Zuzenean arduradun jeltzaleengatik galdetzen didazu eta ia biktimak demostratu behar duten torturatuak izan diren ala ez. Hombre,gauza bat demostratu gabe nola beste pertsona bat kondenatu? Nola da posible? Nik dakidala (eta ez dut hemerotekara jo) ezker abertzalekoak ez diren gainontzeko abertzaleek tortura beti salatu dute eta gaitzetsi. Eta hombre, ba probak eskatzea minimo bat iruditzen zait. Beti ezin direla probak lortu? Ba bai, egia. Nik esango dizut nola izan beharko lukeen nere ustez: inkomunikaziorik ez eta balego %100 grabatua. Eskubideak une oro bermatuta eta tratu txarrik ez. Horrela ezingo litzateke torturatu eta torturatuko balitz frogak egongo lirateke. Nere esku balego horrela izango litzateke, eta hori horrela ez den neurrian, horren erantzuleekin ez nago ados.
Zenbat eta gehiago idatzi, are gehiago biluzten zara, Iñigo. Orain ez dut zalantza izpirik zure hipokresia galantaz. Zure torturaren gaitzespena PPkoek egiten duten berbera da. Torturatzaileek egiten duten berbera. Eta OTANen sarraskiez zer diozu? Lastima horiekin ezin duzuela torturarekin erabiltzen duzuen gaitzespen hipokrita berbera erabili. Milaka pertsona torturatu dituztenaren frogak ez omen daude (beraz, ez duzu froga gisa onartzen espainiar polizien, Ertzaintza barne, eta frantziarraren artean dagoen alde itzel hori), baina zuen zoritxarrerako OTANek eraildako “biktima kolateral” horiek guztiak hor daude eta gainera ez dira soilik iragana, etorkizuna ere halakoxea izango da terrorismo horri dagokionez eta zuek hipokritok beste alde batera begiratuko duzue torturarekin egiten duzuen bezala. Gaitzespen hipokritak izugarri maite baitituzue.
Aurpegia eduki behar da, eta latza gainera, esateko “ezker abertzalekoak ez diren gainontzeko abertzaleak tortura beti salatu dute eta gaitzetsi”. Hemen torturatuak badakigu zeintzuk izan diren, ehuneko handi batean, ezker abertzalekoak. Eta torturatzaileak, beren konplizeak eta ezikusiarena egin dutenak ere badakigu nortzuk izan diren; tartean ,abertzale batzuk eta ez ezker abertzalekoak presezki baizik eta gaitzesle hipokrita profesionalak ere badirenak. Zu zeu tartean, orain argi baitaukat Ertzaintzako torturari beti ezikusiarena egin diozula. Eta Polizia zein Guardia Zibilaren torturaren aurrean ere ez dut uste pulamentuzko gauzarik egingo zenuenik inoiz. Oker al nago?
Iñigo: Ze bitxia, zuretzat hain larria den borroka armatua goraipatzea hainbeste egiten den blog baten egielak “graziosoak” iruditzen zaizkizu eta SEGIko gazteak, berriz, faxistak. Agian izango da helbururik garrantzitsuena komuna daukazuelako: ezker abertzaleari egurra ematea, haiek ezker muturretik eta zure sokakoek eskuma hutsetik.
.
Eta hona hemen zure kezka handi bat: “Baina kontuz,planteamendu horrek atea irekita uzten dio indarkeriari, edozein egunetan baliagarri dela kontsideratuko balitz.” Zoritzarrez zapalketa eta demokraziarik ez dagoen lekuetan indarkeria erabiltzea ezinbestekoa bilakatzen dute….. haien zapalketa bortizkeriaz ezartzeaz gain indarkeria erabili behar ez dela esaten dutenek. Eta horretaz asko dakite, esaterako, Saharan, Kurdistanen, Palestinan, Kolonbian, Afganistanen, Txetxenian, Xinjian, Libian, eta “hainbat lekutan, hau zerrenda amaigabea”……
.
Badirudi merkealdietan erosten duzula zure liburuak, arropa erosteko ondo dago, baina liburuak, ez dakit nik.
Aizu, blogarena ez zaizu gustatu ezta? Orain badakit “zikina” zarela, baina ez hainbeste. Ia pistarenbat gehiago ematen didazun. Ia planteatutako galderei erantzuteko gai zaren, edo zaunkaka jarraitu nahi duzun eztabaidaren azalean geldituz.
“Saharan, Kurdistanen, Palestinan, Kolonbian, Afganistanen, Txetxenian, Xinjian, Libian” —> herrialde hautako egoera gurearekin konparatzea zure fanatismoa itsuaren ondorio zuzena da. Konparaketa hau egitea ere nahiko graziosoa da, edo seriozki hitz eginda, oso tristea. Aizu, Tibet ahaztu zaizula, (bazpare).
DEIA egunkariko Iker Merodiorentzat ere oso “graziosoak” dira EHS blogekoak eta askotan egiten ditu haiei buruzko aipamenak DEIAn. Bitxia da, bai, jeltzaleei zenbat gustatzen zaien aireratzea hor esaten direnak eta ez direnak. Eta oso adierazgarria blog horri buruz egin duzun aipamena, Iñigo. Horrekin ere ederki biluztu zara.
Abagune, inoiz ez dut helburutzat ezer izkutatzerik nahi izan, biluzik egin dut eztabaida osoa. Zer edo zer ezkutatu badut nire botua izan da, eta mila aldiz esplikatu dut zergaitik.
PPkoek ez dute torturaren gaitzespsnik egiten eta nik mordoa egin ditut eztabaida hontan zehar. Zuk sikiera ez duzu gaitzespenik egin, ez dakit hipokresiaz hitz egiteko ausardia nondik ateratzen duzun.
Copy-Paste: “Horrela ezingo litzateke torturatu eta torturatuko balitz frogak egongo lirateke. Nere esku balego horrela izango litzateke, eta hori horrela ez den neurrian, horren erantzuleekin ez nago ados”
Dena irakurri hainbeste idatzi aurretik, ez diot torturari ezikusiarena egiten. Esan dudan gauza bakarra da, poliziarenbat kartzelara sartu nahi baduzu torturagatik frogak izan behar dituzula. Eta frogak eduki ahal izateko protokolo-egitura egokiak instalatzearen alde nagoela. Soluzio bat planteatzen ari naiz hutsune hori estaltzeko. Benetan uste dut zure burua konbentzitu nahi duzula ni torturaren alde nagoela esateko, baina ez, ez, nahastuta zaude.
Aizu eta blogarena Larrea pixkat zirikatzeko besterik ez dut atera. Ez ahaztu berak “zikintasuna” aipatu eta gero nik egindako galdera piloari “paso” egin ostean modu batera edo bestera posizionatzera behartu nahi nuela. Mundu guztiak daki korronte minoritario hutsa direla blog horretakoak,eta orokorrean inork ez dakiela zeintzuk diren.
Zuk zeuk esan duzu aspalditxo utzi zeniola estrategia politiko militarra babesteari, estrategia horrek “goia jo” zuelako. Baina, neurri batean ados egongo zara estrategia horrek sortu duen kaltea modu batera edo bestera onartu behar dela ezta? Nola eraiki etorkizuna ez bada azken urte latz hauetan erangidako mina onartzen (bi aldeetatik)? Iñigo Iruinek esan zuen Sorturen estatutuek ezker abertzalea “konpromiso” batera behartzen zutela. Biolentzia erabiltzearen aurrean oposizio irmo bat agertu beharko luke. Zu ados zaude horrekin? Larrea ez da gai erantzuteko (galdetu Iñigori erantzungo zidan), ia zuk zer edo zer esaten duzun.
PPk ez duela tortura gaitzesten? Jakina gaitzesten duela. Jeltzaleek bezalaxe. Zuk bezalaxe, Iñigo. Baina halaber diozue espainiar (in)justiziak probatutzat ez badu ematen, ezin dela esan tortura egon denik. Azken 25 urtetan inkomunikaturiko 2.000 bat torturatu egon dela? Baita zera ere! Kepa Urraren kasuan besterik ez dira izan kondenatuak hiru guardia zibil (eta denak berehala indultatuak). Eta Ertzaintzak ez du inoiz inkomunikaturiko inor torturatu, jakina. Hala diote behintzat, oso serio esan ere, jeltzaleek. Hori bai, gero oso irmoki gaitzesten dute tortura. Zuk bezala.
Portu eta Sarasola ez zituzten torturatu, Mikel Zabalza ez zuten torturatu, Lasa eta Zabala ez zituzten torturatu… kasu horietan guztietan espainiar epaileek ez dutelako arrazoirik topatu torturak izan zirenik baieztatzeko. Zuk hain beharrezko ikusten dituzun frogarik ez zegoelako. Inkomunikazioak frogak ezinezko egiten dituela? Zer egingo diogu, bada. Frogarik gabe ezin da inor kondenatu eta kito.
Orain arte torturatuak izan diren milaka horien kasuan zer egin behar den ez duzu esaten, baina hain argi uzten duzunez frogarik gabe ezin dela esan torturarik egon denik, ulertzen dudana da ezinezko froga horiek gabe gauzak dauden bezala uztearen aldekoa zarela. Etorkizunari buruz, berriz, erremedioa argi duzu. Lastima, hainbeste urte itxaro izana erremedio hori proposatzeko. Esan nizun, oso argi esan ere, nondik pasatzen duen Ertzaintzak bere protokolo famatu hori. Galdetu bestela Arartekoari ea zer gertatu izan zaion grabazioak eskatu dituenean. Edo grabazio horiek gutxieneko garantia batzuekin egin daitezen eskatu duen guztietan. Hamaika urte darama garantia horiek eskatzen eta bai Balzak bai Aresek barre egin diote aurpegira. Hori da errealitate tristea, baina zu ez zara horren jakitun, jakina. Torturari ez diozu ezikusiarena egin, soili-soilik paso egin duzu arazo latz horretaz. Frogarik ez dagoenez…
Eta zure galderari erantzunez, esan nabarmena dela estrategia politiko-militar hark sufrikario handia eragin zuela. Ezker abertzaleak ez du hori inolaz ere ukatzen. Beste batzuek zarete ukatzen duzuenak beste estrategia politiko-militar batzuek ere sufrikario galanta eragin izan dutela eta jarraitzen dutela eragiten. Tortura, dispertsioa edo OTANek egiten dituen sarraskiak lekuko. Etorkizuna denok eragindako mina aitortuz eraikiko dugu zalantzarik gabe. Orain arte ezker abertzalea bakarrik ari da hori onartzen, ordea. PP eta PSOEk zerbait onartzen al dute? Jeltzaleek zerbait onartzen al dute? Ezker abertzalearen Kursaaleko adierazpena, “Konponbide haizea dabil”, gogor kritikatu, eta aldi berean beraiek urratsik niminoena egiteari uko egin. Beraz, galdera hori niri egin beharrean hobe zenuke egitea PP, PSOE eta PNVkoei. Eta zeure buruari ere bai, bide batez. Eragindako mina onartzea bi aldeei eskatzen diozunean, bi alde horietatik at kokatzen zaren irudipena baitaukat. Jeltzaleek bezala, tartean, eta esku garbi askoekin. Bada, hori iruzur galanta da. Glencree iniziatibak giza eskubideak urratu dituen orori eskatu dio eragindako mina onartzea eta jendarte guztiari eskatu dio autokritika egitea. Guztioi. Egin dezagun, bada.
Zuk nahi duzuna ulertzen duzu, eta horren kontra ezin dut ezer egin. PPk ez du tortura dagoenik onartzen, edo okerragoa, egon balitz beharrezkoa dela esango zizuten, neri askok onartu izan didaten bezela, terrorismoaren kontrako borrokan dena omen dago onartua. Zenbat aldiz esan behar dizut horren aurka nagoela?? buf benetan aspergarria zara. Denok dakigu egon dela (Portu eta Sarasolarena azken kasu argiena…), eta hori gaitzespen publiko batean onartu behar dela? ados. Bale. Baina esaten dizudan guztia zuretzat ez denez nahikoa…ez dakit zer nahi duzun. Nerekin zure buruarekin aplikatzen duzun exijentziaren hamarrena aplikatuko bazenu zerbait aurreratuko genuke.Eta etorkizunera proposatutako neurriak aspaldi aplikatu beharrekoak zirela argi daukat. Zuk argi al daukazu bizitzaren errespetua aspalditik onartu behar zela? Ez dela hautu estrategiko bat? Gauza bat, bizitza da oinarrizko eta lehen eskubidea. Oso zinikoa iruditzen zait torturarekin hainbeste joan etorri ematea bizitzeko eskubidea ez baduzu konbentzimendu osoz egiten. OTANen kontua ya…hurrengoa zer da “kontubernio judeomasonikoa”??
Ondo pasa asteburua
Zuk esandakoa zen PPk ez duela tortura gaitzesten eta hori gezurra da. Zuk bezainbeste gaitzesten du tortura PPk. Zuri PPko askok esan omen dizu tortura beharrezkoa dela. Bada, publikoki PPren diskurtsoa ez da hori. Eman didazu adibide balkar bat non PPk hori esan duen. Bakar batekin aski dut.
PPk omen dio torturarik ez dagoela. Berriro ere gezurra. PPk dioena da torturatzeagatik epaileen kondena tinkoa egon den kasuetan egon dela tortura, baina kondenarik ez dagoen kasuetan ezin daitekela inolaz ere esan torturarik egon denik. Hain zuzen, jeltzaleek Ertzaintzaren torturarekiko esaten duten gauza berbera. Eta jeltzaleek kosta ahala kosta hori defendatzen dutenez, ezin Polizia eta Guardia Zibilaren kasuan pulamentuzko salaketarik egin. Zenbat aldiz ez ote dute errepikatu Atutxa, Balza eta konpainiak ertzain bakar bat ez dela kondenatua izan inkomunikatuak torturatzeagatik eta horrenbestez torturak eta tratu txarrak salatzen dituzten guztiak gezurtero hutsak direla. Haientzat Ertzaintzak ez du inoiz torturatu eta kito.
Hemen batzuk beti onartu izan dute dute egin dutena. Beste batzuk, ordea, froga ezean babestu izan dira beti. Felipe Gonzalezen “No hay pruebas ni nunca las habrá” hura oso ezaguna da. Orduan, bere zoritxarrerako, hamaika froga azaldu ziren GALosoei buruz, baina gehien-gehienetan Estatuak egindako giza eskubideen urraketak frogatzea ezinezkoa izaten da; bereziki, torturaren kasuan. Horretan babesten dira jeltzaleak ere eta badirudi ez dutela inongo asmorik haien ardura onartzeko giza eskubideen urraketari dagokionez.
Froga ezarenak ez du funtzionatzen, ordea, OTANek egindako sarraskiei dagokionez eta hor beste bat da aitzakia. Zure hitzetan: “OTANen kontua ya…hurrengoa zer da “kontubernio judeomasonikoa”??”. Horrek ez duela ezer ikustekorik zuekin? Ukatu egiten al didazu OTANek PP, PSOE eta PNVren babes osoa duela? Bada, ea argi geratzen zaizuen behingoz Afganistanen, Libian, Pakistanen… hiltzen dituztenak ere bizitzeko eskubidea dutela. Eta hainbeste giza eskubideen urraketa larriei ezikusiarena egin beharrean, zuen erantzukizunak onartzen dituzuen. Bukatu baitzaizue betirako ETAren biolentziaren aitzakia. Ea noiz egiten diozuen zuek ere uko biolentziari guk egin diogun bezala. Zoritxarrez, inoiz ez. Estatuaren biolentzia legitimora mugatuko bazinateke behintzat!
Asteburu on bat pasatzen saiatuko naiz, bai. Beste horrenbeste opa dizut zuri. Astelehena arte.
Iñigo; oso interesgarria izan da “euskalherriasozialista.blogspot”ari buruz egin duzun aipamena; graziosoa iruditzen zaizu eta SEGIko gazteak, berriz, faxista hutsak. Lehen ahaztu zait aipatzea blog horren egileek eta zuk komunean daukazuen beste ezaugarri bat; berdin zaizue behin eta berriro kontraesan larrienetan erortzea ezker abertzaleari egurra emateko helburuz. Haiek ezker muturreko diskurtsoa erabiliz eta zuk eskumakoa.
.
Abaguneri esaten diozu: “Biolentzia erabiltzearen aurrean oposizio irmo bat agertu beharko luke. Zu ados zaude horrekin? Larrea ez da gai erantzuteko”. Albo batera utzita saiatzen zarela ezkutatzen zein motako indarkeria babesten duzun zure botoa eta militantziarekin, badirudi ahazten duzula nire jarrera gai honekin garbi utzi dudala (bai Euskal Herriari dagokionez bai beste herriei dagokienez) eta horretaz baliatu zara, nire “zikinkeria” (Asbestok bezala) erabiliz, zure ustez “graziosoak” diren blog horren egileekin parekatzeko ni. Diozu: ( “….hauek ez dute Otegi and Co.-ren “garbiketa prozesua” begi onez ikusten, beraz laguntxoak egin zaitezketeela uste dut.) … ahaztu duzu? Amnesiak jota zaude ala blog horren egileei bezala berdin zaizu zuri ere orain beltz eta jarraian zuri esatea?
.
Ez zait ahaztu Tibet. Leku horretan ez dago ni bezalako “zikinak” (agian horregatik gustatzen zaizu hainbeste leku hori), beren buruzagiak borroka armatuaren kontra azaldu dira beti, soilik haiei dagokien erabaki errespetagarria dena, eta horretan desberdintzen da Tibet eta ni bezalako “zikinak” dauden beste lekuekin: “Saharan, Kurdistanen, Palestinan, Kolonbian, Afganistanen, Txetxenian, Xinjian, Libian…” Errealitatea aztertzeko arazo larriak dauzkazu, agian Txina “komunista” (eta ezker abertzalea) hainbeste gorrotatzeagatik.
.
Kar, kar, kar… Diozu” inoiz ez dut helburutzat ezer izkutatzerik nahi izan, biluzik egin dut eztabaida osoa.”…. Biluzik zu? Eztabaida hau “biluzik”, hau da: gure “zikinkeria” etikoa onartuz, geuk egin dugu; zuk kameleoi “demokrata-bakezalearen” mozorroa hartu duzun bitartean, PSOE, PP eta EAJren diskurtso “etiko-morala” bikia erabiliz eta zure eskuak eta arima “garbi” dauzkazula behin eta berriro errepikatuz: “nikbetidenagaitzestudutonanaizonanaiz”.
.
Diozu Abaguneri: “Aizu eta blogarena (euskalherriasozialista) Larrea pixkat zirikatzeko besterik ez dut atera. Ez ahaztu berak “zikintasuna” aipatu eta gero nik egindako galdera piloari “paso” egin ostean modu batera edo bestera posizionatzera behartu nahi nuela”… horixe Iñigo, zureak eta zure alderdiaren miseria etikoak eta politikoak ezkutatzen dituzun bitartean behartu nahi gaituzu Ezker Abertzalearen ildoa epaitzea eta eztabaida politikoa zure parametroetan kokatzea. Ez duzu lortu, ez nirekin ez Abagunerekin, agian horregatik niri bezala esaten diozu “benetan aspergarria zara”.
.
Zure diskurtso berbera “Indarkeria ez dago inoiz justifikatuta” esaten zuen/duen bitartean, Ardanzak, EAJ ordezkatzen, NATOn sartzeko aldeko botoa eskatu zuen. Hala ere ez zarete nekatzen zuen “nagusitasun morala” behin eta berriro goraipatzen.
.
Zaunka egiten dudala? Baliteke; baina zure okada hipokritak baina apur bat koherenteagoak eta zintzoagoak direlakoan nago.
Azken urte hauetan kalte handia egin da: hilketak, bahiketak, torturak, tratu txarrak,mehatxuak…mina bi aldeetatik egin da eta etorkizunera begira gure gizartearen erronka bakoitzak min hau onartzea eta erreparatzen saiatzea da. Hori da nere ustez egin behar dena.
Zuek honekin ados bazaudete, pozten naiz eta gutxienez zerbaitetan egongo gara ados, orain arte esandakoak esanda ere.
Eta ez bazaudete, ba ez dut beste ezer gehitzerik.
Ados, Iñigo. Horixe da Glencree iniziatibakoek eskatu dutena eta %100 ados nago beraiekin: giza eskubideak urratu dituen orok onar beza bere erantzukizuna eta jendarte guztiak egin beza autokritika zintzo bat azken hamarkadetan gertatu izan denaz. Baina hori den-denok egin behar dugu, ez soilik ezker abertzalekook. Eta berriro diotsut orain arte ezker abertzalea besterik ez dudala ikusten guztiz prest horretarako. Zu zeu, adibidez, ez al zara kokatzen giza eskubideak urratu dituen bi alde horietatik at? Zure iritziz ez al dira hemen bi alde gaizto egon, ezker abertzalea eta espainiar estatua, eta jeltzaleak tartean Jesukristo bezala bi lapurren artean gurutzilkatua? Bada, hori gezur hutsa da. Hemen denok egin behar dugu autokritika. Denok!
Ezker abertzaleak ez du inoiz ezkutatu ETAk eragindako mina. Aldiz, Estatuak berezkoa du eragiten duen mina ezkutatzea. Eta oso medio indartsuak ditu giza eskubideen urraketak ezkutatzeko; bereziki, torturari dagokionez. Bada, hori horrela izanik, behar-beharrezkoa da Egiaren Batzorde bat azken hamarkadetan gertaturiko guztia argituko duena. PP, PSOE eta PNVk zeharo uko egiten diote, ordea, Egiaren Batzorde bat eratzeari. Azalduko al didazu, mesedez, zure iritzia horri buruz, Iñigo?
Nire ikuspuntutik planteatzen duzuna, Iñigo, benetako konponketa baten zati bat izan beharko luke eta ez helbururik nagusiena. Helbururik nagusiena eskubide guztiak guztiontzat aitortzea izan beharko luke; hau da; mendeak irauten duen gatazka honen aro garaikideari dagokionez autodeterminazio eskubidea, erabakitzeko eskubidea edo jarri nahi dugun izena; gure etorkizuna erabakitzeko askatasuna Espainiaren mehatxua eta inposatzerik gabe.
.
Benetako konponketa baten fase horretan zentzua izango luke elkarri egindako mina (eta inposatze politikoa eta nazionala?) aitortzaren lanketak. Baina badirudi ez gaudela fase horretan; Espainia inposatzeko asmo sendoa agertzen dute espainolistek eta gure aldean biktimak sortzen jarraitzen dute:
-La AN condena a 30 años a cinco jóvenes por pertenecer a Segi y Ekin
http://www.gara.net/paperezkoa/20120615/347062/es/La-AN-condena-30-anos-cinco-jovenes-pertenecer-Segi-Ekin
.
-“Julen Orbea: Urtebeteko kartzela zigorra 2011ko Aste Nagusian preso politikoen argazkiak jartzeagatik”
http://bilbokobranka.info/?p=23449
.
-Comienza el juicio contra dos iruindarras por realizar pintadas en recuerdo de Anza
http://www.naiz.info/eu/actualidad/noticia/20120625/comienza-el-juicio-contra-dos-iruindarras-por-realizar-pintadas-en-recuerdo-de-anza