Bat, bi, hiru, lau eta bost hilabete Jon Anzaren berririk gabe. “Non da Jon?” galdekatzen dute pankartek kalean, baina erantzunik ez da. Iheslarien kolektiboak desagerpenari buruzko zenbait datu bazituela iragarri zuen biharko manifestazioa deitzeko egindako agerraldian, baina Anzaren aztarnarik gabe jarraitzen dute bere lagun eta senideek.

Desagertu eta gutxira eman zuen ZuZeuk kasu hark sortzen zizkion zalantzen argibidea. Gaur Garak, bide beretik, desagerpenaren inguruko erreportaje zabala eskaintzen du, bere bi lagun elkarrizketatuz.

Desagerpenak erantzunik ez eta  galderak besterik ez dauzka. Bien bitartean, hilabeteak aurrera doaz.