Baskonia mende ilunetan – Erromaren erorreratik Iruñeko erresumara
Baskonia mende ilunetan – Erromaren erorreratik Iruñeako erresumara –
Delako “euskalduntze berantiarra” mende horietan gertatu omen zen. Hala diote behintzat teoria hori sutsuki babesten dutenak. Euskaldunak atzo goizean etorritakoak ei gara gaur egungo euskal lurralde hautetara. Hainbat bertsio subentzionatu entzun izan ditugu, nahiz eta, aurkikuntza berri bakoitzaren aurrean aldatu behar izan duten. Zeltak bizi zirela hemen… euskaldunak iparraldetik etorri ginela… ez hegoaldetik … ez euskara galdu zen eta iparraldetik etorri zen berriz…
Bada, kontaketaren gudu ero honetan, aurreko teoriaren defendatzeileek beste bertsio bat asmatu beharko dute. Izan ere, esku artean dugun liburuak, garai hartan gertatu zena apur bat argitzeaz gain, nola ez, euskalduntze berantiarraz ere hitz egiten baitigu.
Errelatoak errelato, badirudi garai horrek jakin-mina sortzen duela euskaldunengan (eta erdaldunengan), liburua bosgarren argitaldira iritxi baita. Are gehiago, astebete pasatxon 20.000 ikustaldi izan ditu jarraian jarri dugun bideoak. Ez dakit kuriositatea ala morboa den edo beste zerbait. Badirudi norbaiti egonezina ere sortzen diola: euskaldunon aspaldiko ezagun baten irudia gehitu digute you tubeko bideoen azalpenetan. Dena dela, hemen duzue “Vasconia en los siglos oscuros” liburuari buruzko hitzaldia.
On egin!
Baskonia mende ilunetan – Erromaren erorreratik Iruñeako erresumara
Beste erdal liburu bat euskararen antzinatasuna defenditzeko!
Zertarako balio digu munduko hizkuntzarik zaharrena izateak erabiltzen ez badugu?
Nahiago nuke euskalduntze berantiarraren teoria egia izatea baldin eta trukean gure adituak euskaraz arituko balira.
Arestikoa idatzi duenak ez daki edo ez zaio inporta zenbat neke eta sufrikario eraman behar den Antzinaro Berant eta Goi Erdi Aroari buruzko liburu bat eta bakarra euskaraz argitaratzeko, zeina batez ere edo soil-soilik liburutegi publiko eta ikastetxeetan banatuko baita, ziurrenik itzuleran batere oihartzunik lortu gabe, ezta dirurik ere, kar kar, zer diru.
Zer esan dut, Antzinaro Berant eta Goi Erdi Aroa? Mendi, eskalada, trecking eta holakoen gaineko libururen bat euskaraz argitaratzeko ere nahiko lan!
Hori bai, Iruñea nola deklinatzen den ikasteak ez dakar hainbeste nekerik. Donostiari lapurtzen dioten “a” hori Iruñeari daratxekiote (ufa…). Iruñea, Iruñetik, Iruñera, Iruñeko, ikasi behin eta betiko.
Arrazoi osoa duzu, Amonamantagorri.
Ruperrek zioen bezala: “Inork ez zidan esan/ Euskaldun izatea zein nekeza den/ Hobe nuela hautazea/ Munduko hiritar izatea”.
Zorionez Ruper ez zitzaigun ” munduko hiritar” bihurtu eta, hala ere, ez dabil inori lezioak ematen.
Bueno, aldatu dugu eh!
Esker mila!!