4. hilketa matxista. Har ditzagun kaleak!

4. hilketa matxista. Har ditzagun kaleak! –

Euskal Herria sutan dago. 8 astetan, 4 hilketa matxista. Azkena, herenegun, uztailak 1, Iruñean.

Euskal Herriko Emakumeen Mundu Martxatik kaleak hartuko ditugu aurten gure herrian gertatu den laugarren hilketa matxista gogor salatzeko.

Ermitagañako gure auzokideak Zhen zuen izena. Gure samina eta elkartasuna adierazi nahi diegu beren 4 haurrei, familiei, lagunei.

Nazkatuta gaude! Gizartearen antolaketa patriarkalak uneoro indarkeria matxista gure artean egotea ahalbidetzen du, bai erakundeetan, bai kalean eta baita ingurune hurbilenean ere. Sotilenetik odoltsuenera, emakumeok ehunka eraso mota jasaten ditugu gure egunerokoan. Feministok oso argi daukagu hori, argi daukagunez arazoa egiturazkoa dela, sistema heteropatriarkalaren ondorioa, eta ez dela etengo gizartea egituratzen duen matxismoarekin amaitu arte.

Euskal Herriko Emakumeen Mundu Martxatik indarkeriarik, arrazakeriarik eta gorrotorik gabeko bizitza izateko eskubidea aldarrikatzen jarraituko dugu.

Ozen diogu feminismoaren bidea gizartea errotik aldatuko duen bidea dela. Eskuina aurrera egiten ari den garai honetan, inoiz baino garrantzitsuagoa da politika feministak aldarrikatzea, bai erakundetik, bai herri-mugimendutik, lortutako guztiari balioa ematea eta atzerapausorik ez onartzea. Pertsona guztiok dugu bizitza bizigarriak bizitzeko eskubidea, jatorria, sexua edo gizarte-egoera edozein dela ere. Premiaz aldarrikatzen ditugu indarkeriarik gabeko bizitzak, bizitza duinak. Sistema hori irauli arte borrokan jarraituko dugu, feminismoak sistema patriarkala suntsitu arte.

ASKI DA! ERAILKETA MATXISTARIK EZ! GORA BORROKA FEMINISTA!

4. hilketa matxista. Har ditzagun kaleak!

4. hilketa matxista. Har ditzagun kaleak!

, ,

Zerua bertsotan, gu belarretan
Espainiako Gobernuko Lehendakaritza eskuratuko du VOX-ek

6 pentsamendu “4. hilketa matxista. Har ditzagun kaleak!”-ri buruz