Mahaiaren bueltan, mazapanak bultzatzeko xanpain botilari azken astinduak ematen ari garenean, urteroko esaldia: datorren urtean erdiarekin nahikoa.

Aperitiboak amaitzerako goserik gabe, galtzaren botoiak askatuta, musuak gorrituta.

Gustura eginagatik, ahalegin eta izerdi handiz amaitzen ditugu mahai gainekoak.

Amonak mahaiaren ertzetik betekada koordinatzen du. 3 kroketa soberan, biloba bakoitzarentzat bana.

Eta gabonetako afaria, bazkaria edo dena delakoa amaitzean, guztiak ados, datorren urtean gutxiago, datorren urtean erdia. Baina aurten eta datorrenean ere betiko betekada…

On egin!